Apirilaren 27tik 30era izango da Sormene, Galdakaoko sorkuntzen plaza
Laugarren edizioa izango da udaberri honetakoa, eta dantza, antzerkia, musika, bertsolaritza eta arte plastikoak landuko dituzte. Zaintza izango da ekimenaren oinarrietako bat, amatasunarekin, sorkuntzarekin eta euskararekin batera.
Apirilaren 27tik 30era ospatuko da Sormene Galdakaon, euskal kulturako sormen proiektuak biltzeko helburua duen ekimena. Amatasuna, sorkuntza eta euskaraz gain, zaintza ere izango du aurten oinarri jaialdiak. Ikus-entzunezkoak, antzerkia, dantza, musika eta bertsolaritza uztartuko dituen egitaraua antolatu dute.
Sormeneren laugarren edizioa izango da udaberri honetakoa. 2020an egin zuten lehen aldiz, eta urtero bi aldiz antolatzen dute, udaberrian eta udazkenean. Emakume euskaldunen lanak nabarmendu nahi dituzte, besteak beste.
Galdakaoko ikastetxeetara ere eramango dute ekimena. Hain zuzen, ikasleei zuzendutako BideoSormene laburmetraien tailerrarekin hasiko dute egitaraua ostegun goizean, Josi Sierrak gidatuta. Ikasleek Sormeneren lau egunetako laburpen bideo bat egin beharko dute, eta bigarren hezkuntzako ikasleez gain, edonork hartu ahal izango du parte.
Ostiral goizean, berriz, arte plastikoak landuko dituzte ikasleek. Karmele Gorroñorekin, kalean "mural kolektibo ibiltaria" egingo dute.
Publiko osoari eskainitako emanaldiei dagokienez, ostegun arratsaldean Bapateko Sormene ikuskizuna eskainiko dute. Bat-bateko saio honetan hainbat kultur adierazpidetako sortzaileek hartuko dute parte, gehienak galdakoztarrak. 19:00etan izango da, Torrezabal kultur etxean. Ostiral arratsaldean, berriz, Atx Teatroaren Oihana antzezlana izango da, 19:00etan Torrezabalen.
Larunbatean, Dantzaren Nazioarteko Egunean, arte diziplina hori izango da protagonista, baina ez bakarra. Sormene ibiltaria antolatu dute arratsaldeko 18:00etatik aurrera, eta diziplina ezberdinetako 30 minutuko emanaldiak eskainiko dituzte. Bertan izango dira Galdakaoko Divernire dantza-eskola eta Akëer musika-taldea, Josune Aramendi eta Paula Amilburu bertsolariak eta Fani, La Basu eta Herbas & M arta rap kantariak. Eguna bukatzeko, 21:30ean Bertikala eta zorua elkarlanean dantza ikuskizuna eskainiko dute Zinbulu Kolektiboak eta Galdakaoko dantza-eskolak. Emanaldiak Galdakaoko txoko ezberdinetan izango direnez, Andra Mari dantza-taldeko musikariek kalejira egingo dute leku batetik bestera.
Egitarauari amaiera emateko, igandean laburmetraien proiekzioa eta sari banaketa izango dira, 18:00etan, Torrezabalen.
Sormene, Doinueleren parte
Doinuele euskarazko Plazen Sarearen parte da Galdakaoko Sormene. Euskal Herriko bost lurraldetako zortzi ekimenek osatzen dute plaza, eta martxoan aurkeztu zuten. Besteak beste, "euskara hutsezko publikoa indartzea" eta "euskaraz bizi den sarea zabaltzea" dira proiektuaren helburuak. Gaur-gaurkoz, hauek dira Doinuele sarean elkartu diren zortzi ekimen eta herriak: (H)ilbeltza (Baztan), "Geure Gelatik" (Azkoitia), "Sormene" (Galdakao), "Literaturia" (Zarautz), Ziburuko Liburu eta Disko Azoka, Hernaniko Liburu eta Disko Azoka, "Ikusi Mikusi" (Sara) eta Lazkaoko Liburu eta Disko Azoka.
Ostegunetik igandera bitarte egindako topagunean 3.000 lagunetik gora bildu dituela esan du Ernaik. Larunbat iluntzean egin dute jardunaldietako ekitaldi politiko nagusia, gazte antolakundeko bozeramaile Amaiur Egurrolak hitza hartuta. Aberri Egunaren harira EH Bilduk... [+]
Euskaraldiaren laugarren edizioaren bezperatan egon gara Goiatz Urkijorekin. Hirugarrenean apalaldia sumatu zuten; bigarrena pandemia betean egin izanak ez zuen askorik lagundu. Aurtengoa herrikoiagoa eta ilusionagarriagoa izatea dute helburu. Oraingoz pozik daude tokian tokiko... [+]
Aurtengo berritasuna da. Ahobizi eta belarriprest rolen artean aukeratzeaz gain, herritarrek Euskaraldia Hikan parte hartzeko aukera izango dute. Hitanoa erabiltzen ez den herrietan, toka eta noka, bien erabilera bultzatuko da, eta hitanoa bizirik dagoen herrietan nokaren... [+]
Bilbon eginiko aurkezpenean iragarri dute ekitaldia, euskarari "arnas berri bat emateko eta behar duen indarraldia gorpuzten hasteko" lehen urratsa izango dela nabarmenduta. Euskaltzale guztiei, baina, oro har, "justizia sozialean eta gizarte kohesioan aurre... [+]
Euskaraldiaren hamaikakoa aurkeztu dute Nafarroan: Julio Soto bertsolaria, Edurne Pena aktorea, Julen Goldarazena musikaria (Flakofonki), Claudia Rodriguez Goxuan Saltsan taldeko abeslaria, Eneko Garcia (Albina Stardust), Yasmine Khris Maansri itzultzaile eta kazetaria,... [+]
Euskalgintzak Senpereko Larraldea etxea faltan botako du. Uda gabe, Bertsularien lagunak, bertan gelditzen den azken elkarteak, lekuz aldatuko du eta etxea hetsiko dute. Euskararen, euskal kulturaren eta arteen ohantzea izan da Larraldea, urte luzetan Andoni Iturrioz mezenasak... [+]
Horra Libération egunkariak berriki argitaratu duen idazkia:
“Bayonne” bukatu da, Libérationek “Baiona” idatziko du
Hiri baten izenaren erabilpena ohiturazkoa delarik, egunkari batean izen horren erabilpena aldatzea zaila da. Alta, irakurleen... [+]
Gasteizen egin duten ekitaldian ireki dute izen ematea, laugarren edizioa hasteko bi hilabete falta direla. Erakundeetako ordezkariak, herritarrak eta entitateetako kideak agertu dira, besteak beste. Euskaraldiaren koordinazioa Euskal Herriko erakunde publikoen eta Taupa... [+]
Korrikaren "bihotza eta burua" erakutsiko ditu dokumentalak. Proiektua gauzatzeko, herritarren babesa "ezinbestekoa" izango dela adierazi dute AEK eta Mirokutana ekoiztetxeak, eta apirilaren 25era bitartean crowdfunding kanpaina bat abiatuko dute jalgihadi.eus... [+]
25 bat eragilek adierazi diete elkartasuna apirilaren 11n Baionako auzitegian epaituko dituzten Intza Gurrutxaga eta Gorka Torre Euskal Herrian Euskaraz taldeko kideei. Egun batzuk lehenago, apirilaren 6an Baionan eginen den manifestazioan parte hartzeko deia ere luzatu dute.
Martxoaren 10etik 26ra izango da udaberriko kanpaina. 'Beste modura, denona de onura' lelopean arituko dira gertuko ekoizpena, banaketa eta kontsumoa babestu eta sustatzeko, ager zonaldean euskara hauspotzen duten bitartean. Apirila amaieratik aurrera jasoko dira... [+]
Otsailaren 28an Hendaian eman dio hasiera kanpainari Herri Urratsek. Euskararen transmisioa bermatzen duen Seaska babestea da helburua.
Gukak “Bilbo erdalduntzen duen makina” ikusaraziko du kanpainaren bidez. 24 orduz martxan dagoen makina salatuko dute, eta berori “elikatu eta olioztatzen dutenek” ardurak hartzea eskatuko dute. Euskararen aldeko mekanismoak aktibatzea aldarrikatuko dute.
Hamahiru ZirHika kide batu dira hitanoaren erabilera aldarrikatzeko eta antolakundearen ekintzen berri emateko. Azalpenak Badihardugu elkarteko Idoia Etxeberria eta Galtzaundiko Uxoa Elustondok egin dituzte. Horiei, Andoni Egaña eta Amaia Agirre bertsolariak eta... [+]