Apirilaren 26an gerraren aurkako mobilizazioak egingo dira Hego Euskal Herriko hiriburuetan
Apirilaren 26an Gernikako bonbardaketaren 85. urteurrena izanik, gerraren aurkako elkarretaratzeak egingo dira Hego Euskal Herriko hiriburuetan. Baliteke zenbait herrik ere deialdi propioak egitea.
Iragan apirilaren 2an Gernikako merkatu plazan egin zuten agerraldia hainbat eragile eta norbanakok, Euskal Herriak gerrari ez! elkarrizketa, bakea, bizitza, burujabetza manifestua irakurri eta lau haizetara helarazteko.
Ekimenaren abiapuntua argi utzi zuten hasieratik: “Ukrainako gerrak eta horren bueltan sortu diren giro gerrazaleak bultzatu gintuen duela bi aste lehen bilkura burutzera Astran”. Lehenbiziko bilera hartan adostu zuten manifestua, baita berau herritarrei helaraztea ere.
Agerraldian xedatu zutenez, manifestua plazaratzearekin batera hiru deialdi egin nahi izan dizkiote euskal jendarteari. Bata herritarrei eta eragileei, manifestuari atxikimendua eman diezaioten. Bigarrena norbanakoei zein kolektiboei, manifestuaren printzipioak –elkarrizketa, bakea, bizitza, burujabetza– bere egin ditzaten eta eragileen kasuan beren jardunean txertatu ditzaten. Eta azkenik, mobilizatzera dei egiteko ere probestu zuten manifestuaren plazaratzea.
Sinbolikoki esanguratsua den eguna hautatu dute mobilizatzera dei egiteko. Apirilaren 26an, Gernikako bonbardaketaren 85. urteurrenean, egingo dira elkarretaratzeak Hego Euskal Herriko hiriburuetako udaletxeen aurrekaldeetan, 19:00etan. Baliteke zenbait herrik ere deialdiarekin bat egin eta tokian tokiko elkarretaratzeak deitzea.
“Mundu zabalean eta Euskal Herrian ikusten ari garen bezala, gerren ondorioak jendarteak eta sektore zaurgarrienek ordaintzen dituzte. Ondorioz, nagusitzen ari diren ikuspegi belizisten aurrean, aldarrika dezagun Euskal Herria bakearen lurraldea izatea nahi dugula”, dei egin zioten jendarteari.
Guernica Gernikara ekimenaren arabera, dagoeneko 400 norbanakotik gora eta 20 eragile baino gehiago dira manifestuari atxikimendua eman diotenak. Sinatzeko aukera zabalik dago oraindik, formulario honen bidez.
“Erresilientzia poltsa”, “biziraupen eskuliburua”, “ebakuazio bizkar-zakua”: hara nolakoak entzun daitezkeen agintarien ahotan azken asteetan.
Iragan hilabeteko adierazpenen artean, Europako Batasunak herritarrei eskatu die... [+]
Gure amak beti esaten du: “Ez dut sekula ulertu zergatik gertatu zen Lehen Mundu Gerra”. Ez dio batere zentzurik harrapatzen. Ez du ulertzen zergatik inplikatu ziren Europako potentzia zaharrak halako basakeria batean eta ez zaio buruan sartzen nola konbentzitu... [+]
Ekimenak bakea eta justizia soziala sustatzeko proiektuak finantzatzea du helburu. Sustatzaile diren gizarte mugimenduek mezu argi bat bidali diete gobernuei eta armagintza industriari: "Ez dugu gerraren konplize izan nahi".
“Ba al zenekiten testuliburu gehienetan ia ez dela aipatzen armen industriak egungo gatazketan duen rola? Edo oso gutxitan jartzen dela zalantzan gerra ezinbestean gertatu behar dela esaten duen narratiba?”, dio Gerrarik Ez Araba elkarteak. Bestelako narratibak,... [+]
Alemanian zentral nuklearren itxierak izan duen “eragin negatiboa” kontuan izateko eskatu dio erakunde horretako buru Fatih Birolek Pedro Sánchezen exekutiboari. Iberdrola, Naturgy eta Endesa multinazional elektrikoak ere presio egiten ari dira itxiera egutegia... [+]
Bizitza erdigunean jartzeko abagunea ikusi genuen feministok zein ekologistok Covid-19 pandemia garaian. Ez ginen inozoak, bagenekien boteretsuak eta herritar asko gustura itzuliko zirela betiko normaltasunera. Bereziki, konfinamendu samurra pasa zutenak haien txaletetan edo... [+]
Triskantzaren balantze humano eta ekonomiko ilunaren esperoan, galdera berehala bururatzen zaigu urrutiko begirale baino asko gehiago ezin izan garenoi: zer gertatuko da orain gerra zibil horretan? Nolako eragina izango du lurrikararen suntsiketak? “Nargis efektu”... [+]
Joan den ekainaren amaieran bukatu genuen Conversión de la industria militar en Euskal Herria para no fabricar más guerras (Armagintza industriaren moldaketa Euskal Herrian, gerra gehiago ez sortzeko) liburuaren lehenengo zatiak Gerra badatorrela! du izenburu, bertan... [+]
Intsumituek denbora luzez egindako borroka gogorra eta mingarria izan zen, baina irabazi zuten, eta garaipen hura behin betikoa izango zela uste genuen, atzera bueltarik gabea. Baina badirudi, politikari batzuen ahotik aterata, eskalada militaristari gorazarre egin eta berriz... [+]
Europako Batzordeak aurkeztu duen plana ustezko gerra edo hondamendi baten aurrean “bizirauteko” kit batetik harago doa: hogeita hamar neurri proposatu ditu eskoletan, enpresetan eta herritarren artean militarismoa eta beldurra sustatuko dutenak.
“Ez dugu gerraren aurrean etsi nahi, ez dugulako hilerrietako bakea nahi”, dio manifestuak, eta agintariei irtenbide politiko baten alde lanean jartzeko eskatu diete. Sinatzaileen artean daude Delàs institutua, Gernika Gogoratuz edo Ongi Etorri Errefuxiatuak... [+]
Orain dela 20 bat urte, berrikuntzaren inguruan master bat egin nuen. Bertaraturiko gonbidatu batek esan zigun gizakion historian berrikuntza teknologikoaren eragile handiena gerra izan zela. Gerra, halaber, eragile handia da botere harremanen berrikuntzan.
Berrikuntzaz ari... [+]
Israelek eraso masiboak abiarazi ditu berriro ere Gaza osoan: Khan Younis eta Rafan Gaza hegoaldean, Gaza Hirian iparraldean eta eta Deir el-Balah-n erdialdean. "Familiak seme-alaben gorpuzkiak eskuetan zituztela iristen ziren ospitalera", adierazi du lekuko batek.
1986. urtean Espainiako Estatuak NATOn jarraitzearen aurkako botoa eman zuen euskal gizarteak. Denborak ematen duen perspektibak oraindik ez du azaldu zeintzuk izan ziren gizartearen arrazoi sakonak gerra erakundean parte hartzeari uko egiteko.
Felipe Gonzálezen... [+]
Ukraina da munduan arma gehien erosten dituen herrialdea; munduko erosketa guztien %8,8. Merkatuaren ia erdia kontrolatzen duena, berriz, AEB dira: Europak erosi dituen armen erdia baino gehiagok jatorri estatubatuarra dute.