Iñaki Errazkin Gipuzkoako Ingurumen diputatua zela eta Ainhoa Intxaurrandieta GHK kontsortzioko lehendakaria, 2013an Donostialdeko erraustegia geldiarazi izanagatik epaituko ditu Madrilgo Kontu Auzitegiak. Oraingo GHKren batzarrak onartu zuen salaketa jartzea, eta bertako lehendakari eta Ingurumen diputatu den Jose Ignacio Asensiok egin zuen proposamena.
Margarita Mariscal de Gante instruktore, eta Denis Itxaso eta Arcadio Benitez demandaren lekuko
Auzipetuek irailerako espero zuten epaiketa, baina agerikoak ez diren motiboengatik, apirilaren 12an jarri da data. Ainhoa Intxaurrandietak otsaileko Larrunen honela baloratu du epaiketa: "Hauxe da Madrilen epaituko dena: herritarrok, desberdin pentsatzen dugun alderdietako kideok, ba ote dugun elite ekonomikoari etekin izugarriak sortzen dizkien azpiegiturak geratzeko zilegitasunik. Kasu honetan oso argi geratzen da, ezta? EAJk eta PSEk Madrilen salatu gaituzte eta hango auzitegian, gure kasuaren instruktorea, Margarita Mariscal de Gante da, PPko Justizia Ministroa izan zena, Aznar presidente zenean. Argi dugu juridikoki bikain egin genituela gauzak eta beraz, auzia politikoa dela".
Apirilaren 12ko saioan, Iñaki Errazkin eta Ainhoa Intxaurrandietari galdeketa egingo diote eta Denis Itxaso eta Arcadio Benitez ariko dira demandak proposatutako lekuko gisa. Benitez Eibarko zinegotzia da (PSEkoa) eta Debabarrena Mankomunitateko lehendakaria.
Denis Itxaso GHKko kontsortzioko lehendakari-orde izan zen 2007-2011 epealdian eta horrela definitua du berak epe horretan egindako lana, gipuzkoairekia webgune instituzionalean: "Gipuzkoako Hiri Hondakinen Kudeaketa Plan Integrala abian jartzea. Horretarako sortutako Sozietate Anonimoaren kudeaketa ekonomiko, tekniko eta juridikorako taldeak sortzen parte hartzea. Hiri hondakinen tratamendurako teknologiak eta instalazioak bilatzea, 365 milioi euroko aurrekontuarekin. 30 urterako plan finantzarioak diseinatzea eta Europako Inbertsio Bankuaren nahiz banku pribatuen finantzazioa bilatzea".
41-100 milioi euro arteko zigor eskaera pertsonala
Hauxe da Errazkin eta Intxaurrandietari, bere ondasun pertsonalekin erantzuteko demandak eskatzen dion zigorra: batetik, Carlos Ormazabalek (EAJ) Ingurumen diputatu eta GHKko lehendakari zela sinatutako swapek sortu duten gastua (gaur arte 31,7 milioi euro) eta bestetik, FCC buru zuen Aldi Baterako Enpresa-Elkartearekin kontratua eteteak ekarri zuen indemnizazioa (8,2 milioi) ordaintzea. Bi hauen baturatik eta beste hainbat gastutatik, prentsak zabaldu du 41 milioi euroko zigorra dela eskatzen dena, baina demanadak swapek hemendik aurrera sortuko duten gastua ere ordaintzeko eskatzen du, eta hori zenbat izango den ez dago jakiterik, 100 milioi eurotik gora iristea ez da zentzugabea.
Errausketaren Aurkako Mugimenduak Errausketaren aurkako giza katea egingo du datorren hilaren 8an Donostian. 11:00etan abiatuko da Alderdi Ederretik.
Zubietako erraustegitik Artaxoara eramaten zituzten lixibiatuengatik, Ekondakini zigor espedientea irekitzeko eskatu zion ekainean Nafarroako Gobernuak Eusko Jaurlaritzari.
Ostiralean herritar batek detektatu zuen ura ez zegoela garbi, baina ezin da jakin noiztik dagoen horrela. ARGIAk jakin duenez, URA agentziako kideak bertaratu dira Arkaitzerrekara. Aspalditik salatzen ari dira erraustegiaren isuriak eta kutsadura.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Gipuzkoako erraustegiaren emisioen bost urteko jarraipenaren emaitzak aurkeztu ditu ToxicoWatch fundazioak. Emaitza kezkagarriak, bizidunei eta zehazki gizakiei osasun kalte larriak eragin diezazkieketen kutsatzaileez ari garelako. Emaitza nabarmenak, erraustegi berria eta ustez... [+]
Bost urtez aritu da laginak hartzen Toxicowatch erakundea erraustegiaren inguruko oiloen arrautzetan, goroldioan, zuhaitzetan, sedimenduetan eta ama esnean, besteak beste. 2019tik dioxina maila asko handitu da, baita metal astunak, PFASak eta beste gai oso kutsagarri batzuk ere... [+]
Zubietako erraustegia geratzeko Errausketaren Aurkako Mugimenduak deitutako oinezko martxan parte hartu dute larunbat goiz honetan.
Zubietako erraustegia ixteko eskaria atariraino eraman du Errausketaren Aurkako Mugimenduak larunbat honetan Lasarte-Oriatik abiatu duen oinezko martxan. Ertzaintzak sarbidea inguratua zuen atari horretan bertan plazaratu duen adierazpenean, erraustegia behingoz ixtea eskatu... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Zubietako erraustegi inguruan laginak biltzen bost urte daramatza ToxicoWatch fundazioak, metal astunen, dioxinen, PCBen eta PFASen bila. Horiek guztiak ageri dira laginetan eta gainera kutsaduraren “igoera kezkagarria” aurkitu dutela jakinarazi du Errausketaren... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
GuraSOS plataformak Zubietako erraustegiarekiko duten jarrera ukatzailea aurpegiratu zieten foru agintariei asteazkenean Gipuzkoako Batzar Nagusietan egindako agerraldian. GuraSOSen bozeramaile eta abokatu Joseba Belaustegik azaldu zuenez, egungo arazoen aurrean beste alde... [+]
Ingurumenaren aurkako ustezko delitu bat egin ote duen eta dokumentuak faltsutu dituen ala ez ikertzeko eskatu du Gipuzkoako Fiskaltzak, GuraSOS elkarteak jakinarazi duenez.