Apaingarririk gabeko hardcore zuzena
BrahBrah elkartea beti ari da kontzertuen antolatzen, gelditu gabe. Iparraldeko hardcore eszenako hainbat taldek osatzen duten kolektiboak sorpresa politak deskubriarazi dizkit azken urte hauetan, eta gaur begiak hetsirik noa antolatzen dituzten BrahBrah gauetara, zaflako batzuk biltzeko xedez. Eta hola izan nintzen maiatzaren 10ean Donibane Ziburuko Gaztetxera, lau talde guztiz desberdinen ikustera.
Gaualdia ALBA talde gazteak ireki du. Boskote hazpandarrak bere lehen diskoa egunean bertan plazaraturik, publikoak belarri finez egin dio harrera, eta harridura ere sortu dute oholtzara tronpeta jotzailea ekarriz. Doinu progresibo arinak eta riff astunak uztartuz, bi bateria jotzaileen jokoak espazioa utzi die gitarren testurei. Moog teklatuak kantariaren papera hartu du, melodia erakargarriak eskainiz. Tentsiotik etsipenera, kaosetik zorion idilikora, ALBAren bidaia iniziatikoak eraman nau.
Baina ez da gaualdiko sorpresa bakarra izan. Hondarribiko Horzdun taldearen doom bortitzaz gozatu ondotik, airea hartzera joan naiz, freskagarria eskutan. Bat-batean gaztetxetik gizon bat atera da, gitarra elektrikoa eskutan: “The Third Eye gara, orain hasiko gara, eta ez dugu inoren aitzinean jo nahi, beraz sartu otoi!”. Lagunok elkarri irriz begiratu diogu eta desmartxa polit honen parean erantzunik onena eman diegu: lehen lerrora joan gara.
Capbretongo taldeak post-hardcore erasokor eta gordina egiten du, bateria-jotzaileak, gitarra-jotzaile/kantariak eta baxu-jotzaileak osaturik. Betidanik power-trio taldeen zale handia izan naiz (Berri Txarrak, Muse, Nirvana…) eta aitortu behar dut aspaldi ez nuela hirukote hain indartsurik ikusteko paradarik ukan. Hiru izanki, instrumentu bakoitzak bere lekua atzeman du errazki. Baxuak gitarra-jotzaileari nota gorenetaraino igotzea ahalbidetu dio, soinu orokorrak indar izpirik galdu gabe. Reverbak lagundurik, giro aireztatuek ere beren lekua dute, batzuetan Gojira oroitarazi didate.
Ikusten da taldearen lehentasuna ahal bezain energia gehien eszenatokian erakustea dela. Gitarra-jotzailea, kantatzen ez duenean, ezin da geldirik egon. Kantatzera itzultzen denean, normalean musika tresnentzat erabiltzen den Shure 57 mikroa bizpahiru aldiz zangotik erorarazi du. Kantariaren goiko boz bezain agresiboak taldearen riffei dimentsio handiagoa ematen die.
Taldea gazte-gaztea bada ere, pariatuko nuke The Third Eye-ko kideek oholtza gaineko esperientzia luzea dakartela, hain menperatua izan da eskaini diguten kontzertua. Taldeak kontzertu bat emanen du Biarritzeko Atabal aretoan uztailaren 4an, Birds In Row eta Decibelles taldeekin batera, berriz ere BrahBrah kolektiboak antolaturik.
Gauzak ez dira izatez errazak, eta, izango da batagatik edo besteagatik, baina, azken boladan, mingainari behar baino gehiagotan egin diot kosk bi kontu hauengatik: sold out-aren kultura eta FOMOa –azken hori agian azaldu behar da, ez baita hainbestetan esana: esperientzia... [+]
EMEADEDEI + MAHL KOBAT
NOIZ: otsailaren 2an.
NON: Zuiako gaztetxean, Murgian.
----------------------------------------------------
Iazko irailaren 20an izan genuen lehen aldiz musika kolektiboaren berri, sortu berri zuten sare sozialeko profilean: “Hemen da Hil da... [+]
Kolektiboki antolatzeko grina aspalditxotik gorpuztu da, besteak beste, kulturaren esparruan. Jendea batzeko abaguneak dira kontzertuak, eta horregatik, musika kolektiboei egingo diegu txokoa erreportaje honetan. Gaia hain zabalean hartu ordez, Araban ipiniko dugu fokua,... [+]
Dena
NOIZ: urtarrilaren 18an.
NON: Gasteizko Jimmy Jazz aretoan.
----------------------------------------------
Galdera bat dabilkit buruan azken aldian: zenbat aldatzen dira gauzak 30 urtetan? Bai, irakurle, asmatu duzu: hiru hamarkada bete berri ditut. Laugarren... [+]
Chulería, joder!
NOIZ: urtarrilaren 5ean.
NON: Bilboko Kafe Antzokian.
----------------------------------------------------
Aretoa betetzen ari dela, antzokiko goiko barandaren atzetik beherantz begira, ni baino gazteagorik topatuko ote dudan jolasten eman ditut... [+]
Beyoncé futbol amerikarreko partida baten atsedenaldian, Houstonen (Texas). Kantari estatubatuarra cowboy jantzirik atera da estadio erdira. Kapela hegaluzeak tapatzen dio burua, zangoak belaunetarainoko bota luzeek. Soineko zuri urriak, berriz, izterrak eta paparra... [+]
.jpg)
17 urteko musika ibilbideari itxiera emango dio Odolaren Mintzoak hilaren 25ean Usurbilen eskainiko duen kontzertuan. Amaiera kontzertuaren inguruan egun osoko egitaraua antolatu dute. Bidelagun izan dituzten herriko taldeek hartuko dute oholtza: Rukula, Ameba, Viafara edota... [+]
FERMIN MUGURUZA 40. URTEURRENA
Noiz: abenduaren 21ean.
Non: Bilbo Arenan.
-------------------------------------------
Urtero janzten da festa giroz Bilbo abenduaren 21ean. Sagardoa eta taloa protagonista, San Tomas eguneko azoka eguna da. Aurten, gainera,... [+]
Milaka lagun elkartu dira Hatortxu Rock elkartasun jaialdiaren azken aurreko edizioan. Euskal preso politikoen senideei babesa eta sostengua emateko sortutako jaialdiak agur esanen du 2025ko udan Lakuntzan eginen den azken edizioarekin. Sakabanaketarekin amaitzea lortu bada ere,... [+]
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.
HTX ROCK jaialdiaren azken-aurreko edizioa izanen da abenduaren 28an, eta Atarrabiako herrian ospatuko den azkenekoa, alegia.
TU-K
Non: Ahotsenean (Plateruena, Durango)
Noiz: Abenduaren 8an
-----------------------------------------
Bufandak, aterkiak eta begi-zuloak ditu abenduaren 8ak Durangon. Azokaren azken egunari igande eguerdia eta negu giro sarkorra gehitu zaizkio eta erdi hutsik daude... [+]
Anari + Belako
Noiz: abenduaren 5ean.
Non: Iruñeko Zentral aretoan.
-----------------------------------------------
Gogoan dut Erasmuseko lehenengo hilabetean ikusi nituela aurreneko aldiz Belakokoak zuzenean. Ez nintzen haiek ikustera joan, azkenean bertan behera... [+]