AP-1 autobidearen lanetan beste hamar milioi euroko irregulartasuna aurkitu du Gipuzkoako Foru Aldundiak. Zehazki, Eskoriatza-Arlaban tarteko lanetan Arabako zatiarengatik ere Gipuzkoako Diputazioak ordaindu zuela uste du Bide Azpiegituretako diputatu Larraitz Ugartek prentsa aurrean azaldu duenez.
Arabako zatiaren kostua, ordea, Arabako Aldundiak ordaindu zuen 2009an eta hori berretsi du Ugartek. Bere aburuz, garai horretan EAJ buru zuen Diputazioak “puztu egin zuen ordaindu beharrekoa, enpresei gehiago ordaintzeko”.
Guztira 1.300 metro dira Arabakoak tarte horretan. Lanak batera egiteko akordioa sinatu zuten lurralde bakoitzean autopistak kudeatzen dituzten Bidegi eta Arabat elkarte publikoek. Bidegik hartu zituen bere gain obrak eta Arabatek bere zatiarengatik ordaindu behar zuen. Euroestudios enpresak egindako lanen obra zuzendaritzak 36,3 milioi eurotan finkatu zuen Arabako zatiaren kostua.
Hori izan zen Arabako Aldundiak ordaindu zuena, obren ikuskaritzarako sortutako komisioaren disoluzio aktan(PDF) jartzen duenaren arabera. Akta horren sinatzaile dira Bide Azpiegituretarako eta gaur egungo EAJren Donostiako alkategai Eneko Goia, Errepide zuzendari ohi Luis Mari Apraiz, Bidegiko zuzendari orokor ohi Borja Jauregi eta Kudeaketa eta Planifikazioko zuzendari ohi eta gaur egungo EAJren Lazkaoko alkategai Felix Urkola.
Ondoren, Bidegik 40,7 milioi euro ordaindu zituen Gipuzkoako zatiarengatik. Ugartek salatu duenez, Diputazioak kopuru hori aztertu eta horietatik hamar milioi Arabako zatiko lanei dagozkiela ondorioztatu du.
EH Bilduren helegite baten bidez, Gipuzkoako Lurralde Auzitegiak berriz ireki du Bidegi auziko bi kereiletako bat, AP1 autobidearen Eskoriatza-Arlaban zatiari dagokiona. Pasa den irailean Azpeitiko epaitegiak erabaki zuen kasua behin behinean artxibatzea. Orain, auzitegiak... [+]
Zortzi urteren ondoren, Bidegi auzia osatzen duten piezetako bat, Gipuzkoako Aldundiak bere garaian jarritako azken kereila, artxibatu egin du Azpeitiko auzitegiko magistratuak. Bere esanetan kereilaren txostena "akatsez betea dago". EH Bilduren ustez "itxiera... [+]
Alderdi Popularraren abstentzioa salbu, gainerako talde politikoek babestu dute EH Bilduk mahai gainean jarritako proposamena.
Gipuzkoako Lurralde Auzitegiak irailaren 13rako, 9:30ean deitu du deklaratzera Azpeitiko auzitegian Donostiako alkate eta Gipuzkoako azpiegitura diputatu ohi Eneko Goia. Egun berean joan beharko dira AP-1 errepidearen eraikuntzako arduradun Luis Mari Apraiz eta Felix Urkola, [+]
Eneko Goia jarduneko Donostiako alkateak eta Gipuzkoako Foru Aldundiko azpiegitura diputatu ohiak lekuko gisa deklaratu beharko du Azpeitiko 2. Instrukzio epaitegian “Bidegi auzia” dela-eta. Goiarekin batera, AP-1 errepidearen eraikuntzan ardurak izan zituzten Luis... [+]
Bidegi kasua, Donostiako erraustegiaren afera, iruzur fiskala... aztertuko dituzte, besteak beste, "Benetan ai al gea? Hau ez tao onartzeik!" izenburupean Azkoitiko Zakela Kultur Elkarteak antolatutako hitzaldietan: urtarrilaren 17an hasita, asteartero 19:00etan Zakela... [+]
Arlabango tunelean ustez egondako desfaseei buruzko kereila berraztertu du eta “manipulazio” eta “akatsez” beteta dagoela dio orain EAJren esku dagoen gobernuak.
AP1eko autobidearen obretan egondako ustezko irregulartasunengatik epaile aurrean deklaratu dute beste behin inputatuek. Fiskaltzak ez agertzea erabaki du.
Jarduneko Gipuzkoako Foru Aldundiak astelehenean aurkeztu du Bidegi auziarengatik bigarren kereila Azpeitiko auzitegian.
Larraitz Ugarte bozeramaileak jakinarazi du Gipuzkoako Aldundiak Markel Olano, Eneko Goia, Felix Urkola eta Luis Mari Apraizen deklarazioa eskatuko duela lekuko gisa.
Xabier Olanorekin (EH Bildu) izandako aurrez aurrekoan hautagai jeltzaleak adierazi du “agenda iluna” dagoela “EAJren irudia zikintzeko”. Mahai-ingurua gaur 21:00etan egongo da ikusgai ARGIAren webgunean.
Eskoriatza-Arlaban zatian 17,1 milioi euro ordaindu ziren egin gabeko lanengatik, foru erakundearen arabera. “Diru publikoa bidegabe erabiltzeagatik Gipuzkoan inoiz egin den salaketa larriena da”, esan du Larraitz Ugarte Bide Azpiegituretako diputatuak.
Gipuzkoako Aldizkari Ofizialak Bidegiren finantza beharrei aurre egiteko foru araua argitaratu du eta aurten 8,9 milioi euro emango dizkio.
Bergarako Basagoiti eremuko lur mugimenduetan ustez izandako irregulartasunak gehituta, orotara 13,6 milioi eurokoa litzateke balizko iruzurra.