AP-1 errepidea moztu du Ernaik “etengabeko prekarizazioa” salatzeko
Protesta horren bidez irudikatu nahi izan dute “bizitzen aurka” egiten duen “sistema gelditzeko beharra”. Abenduaren 1ean sindikatuek deitutako pentsio eta lan baldintza duinen aldeko manifestazioekin bat egiten dutela aldarrikatu dute.
Asteazken goizean Ernai gazte antolakundeko kideek AP-1 errepidea moztu dute, Eskoriatza ondoko Agozibar zatian. Ekintza hori baliatu dute gazteen “etengabeko prekarizazioa” salatzeko eta “bizitza duinen alde” egiteko: “Ekimenaren bidez etengabean kolpatzen gaituen sistema gelditzeko beharra irudikatu nahi izan dugu”. Aldarrikatu dute “kaleak hartu beharrean” daudela “bizimodu duinak eraikitzeko”. Ernaik nabarmendu du, egun, gazteei “etorkizun eza” eskaintzen zaiela, eta “prekarizazioan murgilduta” daudela: “Ez dugu enplegu duinik, ez emantzipatzeko eskubiderik, ez ikasketak modu duin eta doakoan egiteko aukerarik ere”, gaitzetsi dute.
“Ezinegon” horrekin lotu dute gazteen buru osasuneko arazoen gorakada, eta euskal instituzioei galdegin diete “gazteen ondoeza” kontuan har dezaten eta “gizarteko arazotzat” har dezaten. Sistemak “bizitzen aurka” egiten duela kritikatu eta “errotiko aldaketak” egiteko beharra azpimarratu dute, “datorren krisi sozialari, ekologikoari, ekonomikoari… aurre egiteko”.
Ernaiko kideek ziurtatu dute gazteak Euskal Herriko “eraldaketaren motore” izango direla, mugimendu sozialetan, auzoetan, herrietan, gazte mugimenduetan, baita abenduaren 1eko mobilizazioetan ere. Hain zuzen, bat egin dute lan, pentsio eta bizi baldintza duinen alde hainbat sindikatuk (ELA, LAB, ESK, Steilas, Etxalde, Hiru, CGT eta CNT) deitutako manifestazioekin.
Larrialditik ? duintasunera.
Gazteon bizitzen aurka egiten duen sistema irauli behar dugu.
Bizitzak erdigunean jarri eta bizitza duinak eraikiko dituen Euskal Herrira bidean, lanean jarraituko dugu gazteok ?
Duintasuna dugu irabazteko! pic.twitter.com/cKa6dUpcm1
— Ernai (@ernaigazte) December 1, 2021
Gabonetako argiak itzali dituzte
Beste ekintza bat ere egin du gazte antolakundeak, argiaren garestitzea salatzeko. Bilboko Ernaik Areatzako gabonetako argiak itzali ditu astearte gauean. Ohar batean azpimarratu dute argindarraren prezioa iaz baino sei aldiz garestiagoa dela eta, ondorioz, langile klasea “pobrezia energetikora eta prekarietate gordinera kondenatuta” dagoela. Argindarraren gisako oinarrizko eskubide baten kontura “negozioa” egitea gaitzetsi dute: “Elite politiko eta ekonomikoek oinarrizko bizi bazldintzak bermatzeko funtsekoa den sektorea liberalizatzeko erabakien ondorioak pairatzen ari gara gaur egun”.
Bilboko alkateari aurpegiratu diote “herritarren muturreko prekarizazioa” gabonetako argien artean “ezkutatu” eta Bilbo “kontsumo basatirako eskaparate” bihurtu nahi izatea. Sektore elektrikoa publifikatzea eskatu dute: “Paripe gutxiago eta berme sozial gehiago”.
Lan baldintzen kaxkartzearen eta sektore publikoaren ahultzearen ondorioz gazte eta langileon bizitzen gaineko prekarizazioa abiada bizian azeleratzen ari da. pic.twitter.com/mDJxJNEUyl
— Ernai Bilbo (@ErnaiBilbo) November 30, 2021
Beharginak Excavaciones Mendiola enpresarako ari zen lanean, Construcciones Urrutia enpresaren azpikontrata. Langilearen lehenengo eguna zen sektorean lanean.
Araba, Bizkaia eta Gipuzkoan, 18 eta 34 urte bitarteko gazte soldatadunen hileko batez bestekoak lehenbiziko aldiz gainditu du 1.500 euroko langa. 2010arekin alderatuta, ordea, 142 euro besterik ez da igo.
Urte berria hasi dugu, baina etxebizitza arazo oso potoloa bihurtu zaigula aspaldi honetan, hori ez da berria. Hala ere, azkenaldian zabaldu diren datuak ikusita, 2025a mugarri bat markatzekotan dela esan daiteke, eta iragar ezinak diren ondorio sozial eta politikoak antzeman... [+]
Boroa industrialdean hil zen 41 urteko I.P.C langilea, abenduaren 30ean biltegiko inbentarioa egiten ari zenean. ELA eta LAB sindikatuek, eta Jaurlaritzako Segurtasun Sailak eman dute istripuaren berri.
-(1).jpg)
The Guardian egunkariak Épernayn (Frantzia) txanpain-industrian aritzen diren migratzaileen egoera aztertu du. Ikerketak agerian utzi ditu luxuzko xanpaina-marken mahastietan lan egiten dutenen baldintza prekarioak eta legez kanpokoak.
Garraio sektorean aritzen diren hamabi behargin hil dira aurten. LABek azaldu du garraio sektorean gertatzen diren heriotzak “erabat saihesteko modukoak” direla, eta horretarako borondate politikoa “besterik ez” dela behar, bai erakunde publikoen eta bai... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Lanbidek Diru-sarrera Bermatzeko Errentetako iruzurraren aurkako kanpaina jarri du martxan, eta salaketetarako buzoi anonimoa sortu du. Jaso dituen kritikei erantzunez, adierazi du buzoi hau salaketak eta jakinarazpenak ordenatzeko tresna huts bat dela. Ez du ez klase... [+]
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Astelehen honetan zendu da langilea Muskizeko enpresan, mantentze lanak egiten zituen bitartean. Zerbitzu medikuek berehala esku hartu bazuten ere, ez zuten lortu suspertzea. UGT sindikatuak lan istripu honen arrazoiak ikertzea exijitu du.
56 urteko garraiolari lesakarra hil zen lanean Irunen, kamioia kargatzen ari zela. Transportes Etxetrans enpresako langilea zen. Aurten 11 garraiolari hil dira lanean, horietariko asko, azken hau bezala, bihotzekoak jota LAB sindikatuak ohar batean jakinarazi duen bezala... [+]
Geltokiko kafetegi bateko kristalak garbitzen ari zela, hiru metroko altueratik erorita zendu da 55 urteko gizona. Aurten Euskal Herrian lan istrupuengatik hil den 54. langilea izan da.
Langilea eskualdekoa zen eta Zamalloa enpresa azpi-kontratatuarentzat egiten zuen lan.
Ezbeharretatik egun gutxitara zendu dira langile biak. LAB, ESK, STEILAS, EHNE-etxalde eta HIRU sindikatuek osatutako intersindikalak kontzentrazioa egingo du urriaren 31an Bilbon Confebask patronalaren egoitzaren aurrean heriotza biak salatzearren. Aurten 50 dira jada... [+]