Antolatuta ekiteko lehen urratsak eman dituzte Hego Euskal Herriko etxebizitza sindikatuek

  • Koordinaziotik antolakuntzara jauzi egitea. Helburu horrekin bildu dira urriaren 29an eta 30ean Hego Euskal Herriko zenbait etxebizitza sindikatu, horietan militatzen duten 100 pertsona inguru bilduz. Goñiko Dorrekoa Euskal Udalekuak hautatu dituzte etxebizitzaren aldeko borrokan mugarria jarri eta Hego Euskal Herriko Etxebizitza Sindikatuen I. Topaketak gauzatzeko, eta pozik daude emaitzarekin: elkar ezagutzeko ez ezik, esperientziak eta irakaspenak trukatzeko, formatzeko eta batera lan egiten hasteko oinarri eta ortzi-muga amankomunak xedatzen hasteko ere balio izan die asteburuko elkarbizitzak.

Argazkiak: Ekinklik

2022ko azaroaren 02an - 10:45
Azken eguneraketa: 16:12

Orain bi urte inguru, COVID-19ak eragindako testuinguruan, jazo zen etxebizitza sindikatuen eztanda Euskal Herrian. Ordurako lanean hasia zen Gasteizko Etxebizitza Sindikatua alde batera, egun existitzen diren gainontzeko talde gehienek pandemia betean egin zuten agerpena, momentuko koiunturak etxebizitzaren problematikaren larriagotzea zekarrela oharturik eta arazoaren aurrean antolatzeko beharrari erantzunez. Abiatutako bidean etena egin, ibilitako tarteari erreparatu eta etorkizun hurbilari buruz modu kolektiboan hausnartzeko, Bizkaiko Etxebizitza Sindikatuen I. Topaketak egin zituzten duela urtebete Basoan (Artea). Urtebeteko epean salto kualitatibo zein kuantitatiboa eman du mugimenduak, topaketen planteamendua lurralde mailakoa izatetik Hego Euskal Herri mailakoak izatera pasa baita.

Bat egiteari estrategiko iritzirik eta saretzearen beharrak bultzatuta, lehenbizikoz bildu dira Gasteizko Auzoan Bizi, Iruñeko Haritu, Donostiako Saretxe, Hego Uribeko Batu, Bilboko AZET eta Galdakaoko Elkarlaguntza Sarea. Hein handi batean, batera lan egiten hasteko heldulekua izan dira Hego Euskal Herriko I. Etxebizitza Sindikatuen Topaketak. Horien antolakuntza izan da elkarrekin biltzen hasteko aitzakia, eta topaketak iragan diren honetan, asmoa da azken hilabeteetan hartutako martxari segida ematea. Egunotan hausnartu eta eztabaidatutakoei esker, badute horretarako bide-orria. Orain artean bezala, tokian tokiko errealitateari erantzunez bakoitzak bere herrian edo auzoan espezifikoki lan egiten jarraitzea da helburua, baina beste sindikatuekin batera antolatuta eta indarrak korrelatuta. Xede horrekin, oinarri teoriko-politiko eta lan esparru amankomunak finkatzen hasi dira Goñiko egonaldian. Ez dute nolanahiko erronka hartu beren gain, baina umiltasunez mintzo dira; antolatzaileen arabera, topaketak emankorra izatea nahi luketen bidearen hasiera besterik ez dira.

Egitaraua urriaren 29 eta 30erako prestatu arren, bezperan gerturatu ziren Goñira hainbat kide. Elkar aurkeztu, biharamunean dena prest izateko azken ukituez arduratu eta afaria prestatu bitartean, ohartzeke, emana zioten aterpeari bizitasuna eta berotasuna. Gaua bertan igaro zutenak arduratu ziren larunbatean zetozen kideen harrera prestatzeaz; hainbat hizkuntzatan ongi etorria ematen zuten pankartekin eta hamaiketakoarekin hartu zituzten. Aurretik zeukaten lana dezentekoa izanik, larregi luzatu barik, iritsi berriak kokatzeko eta jendeak elkar agurtzeko denbora-tarte bat hartu ostean, ekin zioten egitarauari.

Aurkezpenei eta elkar ezagutzari eskaini zioten larunbat goiza. 11:00etan mahai bueltan eseri ziren sindikatu bakoitzeko bizpahiru kide, beren burua gainerakoei aurkezteko. Labur-labur mintzatu ziren sindikatu bakoitzaren lan egiteko moduaz, orain arteko jardunean aurkitutako oztopoez eta etsaiez, eta beste. Bizipen pertsonalei ere eskaini zieten espazioa hitzartzeetan, hizlarien artean baitzeuden etxebizitza arazoren bat duten kideak ere. Beren ahotik azaldu zuten zer izan den beraientzat etxebizitza sindikatu baten baitan antolatzea: jasotako babesa eta elkar eusten duen komunitatea aurkitu izanaren garrantzia azpimarratu zituen batek; herri txiki batean etxegabetua izateko arriskuan dagoenak arazoa sozializatzeko izan dezakeen erreparoaz mintzatu zen beste bat; eskerturik agertu ziren beste batzuk, sindikatuari esker behar materialak hobetu izanaz, kalean bizitzen egotetik etxebizitza batean bizitzera igarotzeraino; eta sindikatuak esperantza iturri eta borrokarako erregai gisa ere aurkeztu zituzten. Behin kolektiboen aurkezpenak eginda, elkar-ezagutza maila pertsonalera eramateko dinamikan murgildu ziren; ondokoei bakoitza nor zen, zein kolektibotako kidea zen, nondik zetorren… azaltzeko unea zen. Lehen gerturatzeak eginda, bazkalordurako komunitate politikoaren lehen oinarriak ezartzen hasiak ziren.

Arratsaldea formakuntzari eskaini zioten oso-osorik. Plenarioan bildu ziren lehenbizi, beren arteko antolakuntza zirriborratzen hasteko; etxebizitzaren aldeko borrokak dituen mugez eta horiek gainditzeko aukerez eta erronkez aritu ziren hausnarketan, eta elkarren arteko antolakuntzarako hiru ildo zehaztu zituzten: errepresioaren aurkakoa, formakuntza eta komunikazioa. Formakuntza teorikoa burututa, alderdi praktikoagoetan trebatzeari eman zitzaizkion ostean. Negoziazioa, erresistentzia eta ekintza zuzena, ahozko komunikazioa, prentsa eta sare sozialak… Hainbat alorretan sakondu zuten, ezagutza, baliabide eta gaitasunetan sakondu asmoz. Egunean zehar egindako ahaleginen ondorioz nekea gailenduta, gaua egin ahala esparru formalak informalengatik ordezkatu zituzten: goxo afaldu, sukaldea jaso, eta bingo musikatuari egin zioten tokia. Egunaren akaburako, pentsatzeko eta eztabaidatzeko erabilitako espazioa dantzaleku bilakatua zen. Dantzatu ezin bada ez da nire iraultza; hitzez inork halakorik adierazi ez arren, gorputzak hala mintzo ziren.

Ordu aldaketaren ondorioz lotarako irabazitako ordubetea eskertu zuen batek baino gehiagok. Izan ere, igande goizak eskatzen zuen indarrak berreskuratuta esnatzea: bazkalordura arteko tartea formakuntza teorikoari eskaintzea zegoen aurreikusia. Klase borrokaren inguruan jardun zuten lehen zatian, eta etxebizitzaren aldeko mugimenduaren gainean bigarrenean. Aurrera begira elkarrekin egin beharreko bideari zoru teoriko amankomuna jartzen hasteko baliatu zuten unea, eta besteak beste, etxebizitzaren aldeko borroka klase ikuspegitik, feminismotik eta anti-arrazakeriatik aurrera eramateko asmoan berretsi ziren bertan bildutakoak. Ordurarte hitz egindakoarekin sindikatu bakoitzak bere militanteekin eztabaidatu beharreko hainbat kontu identifikatuta, eta lanari berrekiteko nahikoa erronka eta helburu finkatuta, itxiera eman zitzaion topaketen alderdi formalari. Elkar agurtzen hasteko unea zen, eta despedida giroan luzatu zuten topaketen bigarren deialdi bat egin artean elkarrekin egingo zuten azken bazkalondoa, Silvio eta Rodriguezen musikak giroturik.

Azken akordeekin batera, iritsia zen etxera bidea hartzeko unea; espazioa garbitu, lo-zakuak bildu eta motxila biltzekoa. Hortzetako eskuila, toalla, koaderno eta izerditutako galtzerdi artean, azken bi egunetan bildutako irakaspenak, bizipenak eta hausnarketak zeramatzan jendeak etxera bueltan. Horrela esanda, balirudike Goñira eramandakoa baino zama handiagoarekin egin zutela itzulera. Baina bada zamatu ordez bidea arintzen duen edukirik, eta neke aurpegietan marrazten ziren irribarreen bidez ondorioztatu zitekeenez, gisa horretakoa zen bizkarrean zeramaten karga. Ikusi beharko da, baina baliteke topaketok Euskal Herriko etxebizitza sindikatuen akuilu izatea.

 


Kanal honetatik interesatuko zaizu: Langile borroka
Gizonak frontera, emakumeak zubira

Londres, 1944. Dorothy izeneko emakume bati argazkiak atera zizkioten Waterloo zubian soldatze lanak egiten ari zela. Dorothyri buruz izena beste daturik ez daukagu, baina duela hamar urte arte hori ere ez genekien. Argazki sorta 2015ean topatu zuen Christine Wall... [+]


Asteazkenean ere kanpaldia egingo dute irakasleek Lakuan, Jaurlaritzak ez baitu negoziatuko “mobilizazioak amaitu arte”

ARGIAri jakinarazi diotenez, 40-50 irakasle inguruk Eusko Jaurlaritzaren Lakuako egoitzaren pareko belardian igaro dute gaua. Dozena bat kide identifikatu ditu gauerdian Udaltzaingoak.

Gaurko greba deialdiak %75eko jarraipena izan du sindikatu deitzaileen arabera... [+]


2025-04-01 | Gedar
Aurtengo Maiatzaren 1ean ere Bilboko kaleak hartzera deitu du EHKSk

"Gerra inperialistaren eta Europako estatuen berrarmatzearen aurka" mobilizatuko da Langileon Nazioarteko Egunean.


STEILASek eta LABek jakinarazi dute Hezkuntza Sailak bertan behera utzi duela gaurko deituta zuten bilera teknikoa

Hezkuntza Sailak EITBri azaldu dioenez, ikastetxe bakoitzean izan beharreko baliabideak batzar teknikoetan negoziatu partez, mahai negoziatzailean landu beharko lituzkete. Bihar eta etzi greba egingo dute EAEko ikastetxe publikoetako irakasleek.


2025-03-27 | Arabako Alea
Greba mugagabea hasi dute Gasteizko lorezainek

%90eko jarraipen "ia erabatekoa" izan du grebak, sindikatuen arabera. Gasteizko parkeak, lorategiak eta eraztun berdea mantentzen dituzte Enviser azpikontratako 90 langileek.


Sunsundegui likidatu eta ixtea proposatu diote epaileari, inbertitzaile baten “eskaintza bideragarririk” egon ezean

Inbertitzailerik agertu ezean, Iruñeko Merkataritza arloko lehen epaitegiari egin dio proposamena Molins eta Andres abokatu bulegoak, Altsasuko enpresaren hartzekodunen konkurtsoko administratzaileak. Dumarey Belgikako taldeak fabrika erosteko saiakerak egin... [+]


“Hezkuntza Sailak bileran guri hitzez esandakoari uko egin zion gero”

Non daude talka handienak eta zenbateraino dago gertu akordioa, EAEko hezkuntza publikoko irakasleentzat? Greba ziklo luzeari amaiera emateko sukalde lanaren eta gakoen inguruan mintzatu gara, STEILASeko bozeramaile Haizea Arbiderekin. “Grebak bertan behera utziko... [+]


Hezkuntza publikoko irakasleen astearteko greba egunak %75eko jarraipena izan du, sindikatuen arabera

Astelehen arratsalde-gaueko negoziaketa bilera luzearen ostean aurreakordiorik lortu gabe, EAEko hezkuntza publikoko irakasleak grebara deituak izan dira berriz ere; urtea hasi denetik bosgarren greba eguna izan da asteartekoa. Lanuzteek %75eko jarraipena izan dutela adierazi... [+]


2025-03-24 | ARGIA
Negoziazioek huts eginda, hezkuntza sindikatuek bost greba egunetarako deia egin dute

Hezkuntza Sailarekin hainbat aldiz bildu dira hezkuntzako sindikatuak irakasleen lan baldintzak negoziatzeko. Hitzarmena berritzea, baina, ez dute lortu, eta martxoko eta apirileko bost greba egunetarako deialdia egin diete irakasleei. Lehenengoa astearte honetan izango da.


2025-03-21 | ARGIA
Ertzainen %20ak eta udaltzainen %30ak ez dute euskara-eskakizunik azken deialdian

ELA sindikatuak azaldu duenez, azken Lan Eskaintza Publikoaren oinarrien arabera, Ertzaintzarako eskainitako lanpostuen %20ak eta Udaltzaingoaren %30ak ez daukate euskara-eskakizunik. Gasteizen, adibidez, udaltzain-lanpostuen erdietan, 24tan, ez dago euskara-eskakizunik.


BSHko lantokiko sarbidea itxi dute langileek euren etorkizuna negoziatu nahi dutela aldarrikatzeko

Kamioiak ez sartu ez atera. Horrela eman dute goiza BSHko Eskirozko lantokian. Parez-pare langileak aurkitu dituzte protestan. Hilkutxa batekin, elkarretaratze formatuan lehenbizi eta Foruzaingoak esku hartu behar zuela jakin dutenean eserialdia egin dute erresistentzia pasiboa... [+]


Apirilaren 9an administrazioko langileen grebara dei egin dute sindikatuek Nafarroan

Mahai Orokorreko sindikatuek salatu dute Gobernuak utzikeriaz jokatu duela ordezkaritza sindikalarekin negoziatzerakoan, horren adibidea da Estatutu berriaren negoziazioan ezarri duen blokeoa. Gobernua Mahai Orokorrean gai horiek guztiak negoziatzera esertzeko ahalegin ugari eta... [+]


2025-03-17 | Aiaraldea
Arabako Foru Aldundia inguratu dute “Aiaraldea eskualdearen etorkizunaren defentsan”

“Beste alde batera begiratzea” leporatu diete erakunde publikoei, eta baita eskualdeko borroka defendatzea ere. 


1.500 euroko gutxieneko soldataz hitz egiteko Confebask ez da mahaian eseri ere egingo

Tamara Yague Confebaskeko presidenteak iragarri du gehiengo sindikalak deitutako martxoaren 20ko bilerara ez dela joango, eta gehitu du gutxieneko soldataz eztabaidatzeko markoa Espainiako Mahaia dela. ELA, LAB, ESK, Steilas, Etxalde eta Hiru sindikatuek EAErako gutxieneko... [+]


2025-03-13 | Uriola.eus
Correoseko langileen eskubideak eta zerbitzu publikoaren kalitatea defendatzeko eskatu dute

“Posta publikoa eta kalitatezkoa. Eskubideen aldeko Hitzarmen eta Akordio baten alde” aldarrikapenarekin, LAB, ESK eta ELA sindikatuek lan-baldintzak eta posta-zerbitzu publikoaren kalitatea defendatzeko mobilizazioa egin zuten atzo, hilak 12, Bilboko Eliptika Plazan.


Eguneraketa berriak daude