Antolatu eta borrokatzera deitu dute eraso LGTBIfobikoei aurre egiteko
Euskal Herri osoko hiri eta herrietan egin dira mobilizazioak LGTBIfobiaren Aurkako Nazioarteko Egunean. Bilbon azken asteetan ezagutu diren hilketak izan dituzte bereziki gogoan.
Bilboko mobilizazioak garrantzi berezia hartu du aurten, azken asteetan ezagutu diren gixon homosexualen hilketak direla eta. “Gogoan dugu ‘marikoi’ garrasipean gazte bati Bilbon egindako talde-erasoa, ahoa txikitu ziotenari, Moma aretoan berriki izandako eraso lesbofoboa, Zornotzan gazte bati duela egun batzuk egindako talde-erasoa, Getxoko erasoa, eta noski gogoratzen ditugu azken hilabeteetan Bilbon hil dituzten 8 marikak”, zerrendatu dituzte erasoak Bizkaiko E28 koordinadorak antolatutako manifestazioan, Arriaga plazan.
Bortizkeria olatua
“Indarkeria-bolada bat bizitzen ari gara, eta nahiz eta komunikabideek zilegitasuna eta garrantzia kentzen saiatu edo gertakari horiekin morboa elikatzen saiatu, gure bizitzak garrantzitsuak dira”, aldarrikatu dute Bilbon, Poliziaren edo epaitegien aurrean “bigarren mailako” herritarrak izaten jarraitzen dutela salatzearekin batera. Bilboko Udalaren eta Bizkaiko Aldundiaren aurka ere egin dute, turismo eta kontsumismo “zis, gay eta zuria” bultzatzeagatik.
Horren guztiaren aurrean, saretzea eta borroka aldarrikatu ditu koordinadorak: “Beti egongo gara autodefentsaren eta antolaketaren alde! Sua zisheteropatriarkatuari! Udalaren arrazakeria eta aporofobiari sua! Erasorik ez erantzunik gabe! Ez dira pasako!”
Erasoei erantzuna
Iruñeakoa izan da M-17ko mobilizazioa jendetsuenetako bat. Antolatzaileek gogoratu dute homosexualitatea 1990ean utzi ziola ofizialki buruko gaixotasuna izateari OMEren arabera, baina ordutik gauzak ez direla nahi beste aldatu LGTBIQ+ kolektiboarentzat: “32 urte geroago, haien heteroaraua urratu genuenok gorroto-krimenak, politika LGTBIQ+fobikoak, lege diskriminatzaileak, LGTBIQ+ adingabeengan suizidioak eragiten dituen jazarpena eskoletan, lan-diskriminazioa, desberdintasuna eta eskubideen urraketa jasaten jarraitzen dugu. Gaur egun, gutako askok, gure familietan, gizarte-zirkuluetan edo lanean, gure identitatea, sexu-orientazioa eta genero-adierazpena isilarazi behar izaten ditugu”. Isiltasuna “apurtzera” eta erasoei erantzuna ematera animatu dituzte herritarrak.
Alemaniako gizonezkoen futbol profesionalean ari diren hainbat futbolari armairutik ateratzekoak ziren maiatzaren 17an. Sekretuan eta kluben bizkar biltzen ari ziren jokalariak, baina espektatiba altuak ezerezean geratu dira, ez da inor armairutik atera. Futbol maskulinoaren... [+]
LGBTIfobiaren Kontrako Egunean, kolektiboaren instrumentalizazioaz, gure gorputz, desira eta harremanak birplanteatzeaz, etiketez eta erasoez hitz egin dugu Ehgam Euskal Herriko Sexu Askapenerako Mugimenduko kide batekin. "Marika txuri naizen honek eskubide batzuk lortu... [+]
Donostiako Ondarreta hondartzan itsasotik atera eta komentarioak, begiradak, argazkiak, askotariko irainak eta mehatxuak jasan behar izan ditu emakume talde batek. “Lesbiana putak, nazka ematen duzue, ez zarete batere femeninoak…”. Inguruan zegoen... [+]
Gaurko egunez 1990ean, Osasunaren Munduko Erakundeak erabaki zuen homosexualitatea "gaixotasun mental" gisa gehiago ez hartzea. Geroztik, egun hau erabili da salatzeko zer diskriminazio jasaten duten lesbiana, gay, bisexual, transgenero eta intersexualek. LGTBI... [+]
Francisaldia zikloa antolatu du Errenteriako Udalak, Francis trabesti homosexuala hil zuten eguna, LGTBfobiaren aurkako eguna eta sexu askapenerako eguna batuz. Herriko kaleak aldarrikapenez bete nahi dituzte, “pertsona guztiontzako gune seguruak eta askeak izan... [+]
Aimar Elosegi Ansa ‘Moio’ kalea inauguratu dute Hernanin maiatzaren 14an, LGTBfobiaren aurkako egunaren harira. Omenaldi xume eta hunkigarria egin diote Elosegiri, bere buruaz beste egin zuen gazte transexualari, eta eskerrak eman dizkiote transfobiaren aurka herria... [+]
Azken urteko datuak eman ditu Ikusgune Gasteizko LGBTI+fobiaren aurkako Behatokiak: gertakari gutxiago zenbatu dituzte Araban, baina gertakarien artean gora egin dute erasoek eta gorroto-diskurtsoek. Transexualen kontrako intzidentziak ere handitu direla salatu du Behatokiak.
Armairuaz, LGBT mugimenduan bizirik diren eztabaida eta borroka moldeez, sexu askapenaz, lumafobiaz, korronte erreformista eta erradikalaz, haurren identitatearen eraikuntzaz, espazio bizigarriez... aritu gara Hiruki Larroxa kooperatibako Egoitz A. Albeniz eta Ibai... [+]
ELAk gogoeta egingo du ekainaren 28an, LGBTIQ+ mugimenduaren sustrai antikapitalistak zaindu beharraz. Horretarako formazio jardunaldia antolatu du Iruñean.