Antitesiak
Badira erdigune diren ertzak. Hiriburuetatik urruti, herri txikietako taberna, gune autogestionatu eta kale bazterretan egosten diren eszenak; underground-aren nukleo direnak, edo bilakatzen doazenak. Tarteka, Euskal Herriaren luze-zabaleko taldeen eta inguruetako zaleen elkargune bihurtzen direnak. Eta probatzeko, jolasteko, proiektu berriak plazaratzeko, entsegu eta kontzertu arteko mugak lausotzeko espazio bihurtzen dira, batzuetan, bazterrok. Ertz izanagatik, apenas dute hertsitik.
Bizkaiaren baitako ertzetan –friendly reminder: Bizkaia ez da Bilbo– baditugu erdigune batzuk, Trabakuaren alde banatara, esaterako; Zaldibarko Sorgin tabernaren ingurumariak dira horren adibide.
Katu hirukote durangarrarekin batera, Borla musika taldeak hiru egun lehenago Kordoba Bidea, estreinako LPa, kaleratu izana ospatzeko proposamena eginda, bertaratu dira lagun, ezagun eta zaleak Sorginera.
Besteak beste, Tatxers eta Blessure taldeetako kideak izaki, ezin esan hasiberriak direnik. Hala ere, eta egungo abiadurak abiadura, proiektu berria dela esan daiteke: 2023ko irailean eman zuten lehen kontzertua, eta urtarrilean sareratu kontzertu horren aurretik lokalean grabatutako demoa.
Lagunartean, kontzertu-entsegua egingo dutela esanda eman diote hasiera. Zazpi abestikoa da LPa, eta horiek joz egin dute zuzenekoa; ez gehiago, ez gutxiago. Soinuan igartzen ez den arren, musikarien aurpegian bai, nabari da abestiei neurria hartzen dabiltzala.
Lehenengo abestitik ostiral eguzkitsuaren sintonian sartu zait musika, melodia argitsu eta kutsakorrekin barrenak alegrantziaz bibrarazita. Abestien letrak, ordea, bata bestearen atzetik, garaiaren erretratu intimo eta gordinak dira. Poparen, punkaren eta rockaren nahasketatik sortzen diren antitesiak, publikoak jada bere egin dituenak. Bailongo hitzaren euskarazko adiera gustukoa bilatu artean, Oki Moki taldearen Langile Klasearen Popak balioko lidake deskribatzeko: mezu zuzenak baina ederrak aldi berean, edo gordintasuna alegrantzian bildurik.
Ordu erdi eskasean bukatu dute. “Ez daukagu gehiago”. Irribarrea atera zait ondokoak berriro hasieratik errepikatzeko esan duenean. Abisatuta geunden arren, motz egin zaigu.
Mila gauza egiteko, eta diamante, perla edo urre gorririk ez dugunontzat, alegrantzia baino, ez baita hoberik. Ostiral eguzkitsuetan, lata pare bat edo bi / itzal bat –pop punki bailongoa– eta aski.
OCU kontsumitzaileen Elkarteak hiru arrazoi zehaztu ditu, horien artean kanpoko janaria eta edaria Kobetamendiko esparruan sartzeko debekua, eta eskudirutan edo banku-txartelaren bitartez ordaintzeko ezintasuna. Facuak aurreko urtean egindako salaketan zehazturiko arazoak... [+]
Bere sorterri Ataunen hil da Maximo Aierbe Muxika, 74 urterekin. Euskaldunon Egunkariaren sortu aurreko eta ondoreneko urte malkartsuetako eginahaletan parte hartu zutenek gogoratuko dute proiektu berriaren akziodun bila hainbeste lan egindako gizon hura. Disziplina eta... [+]
Lau elementuren arteko baturak ez du beti lau ematen; gehienetan hori baino gehiago. Eta zer esanik ez, hainbat proiektutan ibili eta auskalo nola eta zergatik elkartu ziren hauek: Atxe, Led Infierno, Osoron eta Txerra. Aurrekariengatik uste genuen punka egingo zutela, baina... [+]
Viena, 1824ko maiatzaren 7a. Ludwig Van Beethovenen (1770-1827) 9. Sinfonia estreinatu zen. Konpositore alemaniarrak bukatu zuen azken sinfonia izan zen, baina, asmoari erreparatuta, lehena izan zela ere esan liteke. Beethovenek 1799 eta 1800 urteetan idatzi zuen 1. sinfonia;... [+]
Ezin da talde baten irakurketa egin bere taldekideen iragana kontuan hartu gabe; eta kasu honetan, are zailagoa da ariketa. Tatxerseko kide bat dago eta Tatxers taldea dakar gogora Borlak. Ekidin ezina da aurreko taldean pentsatzea, baina motz geratuko gara, chorusdun gitarra... [+]
Durangoko Hitz liburu-dendan otu zitzaidan Saturraran operak merezi zuela kritika. Jose Julian Bakedanoren arrapostua batetik, liburu-dendako Gaizka Olabarriren berben ilusioa, horrenbeste urtean Hitz liburu-dendako ardura eraman izan duen Nekane Bereziartuak opera hori ikusteko... [+]
Badator uda, eta horrekin batera, herri, auzo eta hirietako jai herrikoiak. Jaiak beti izan dira aldarrikapen sozial eta politikoen, auzokideen arteko harremanen eta euforia herrikoiaren aterpe. Gure kaleak hartzen dituzte, eta egun batzuez autogestioaren, desberdinen arteko... [+]
Amaitu da Euskadiko Orkestraren kontzertu-denboraldia, Iruñeko Baluarten egindako aparteko kontzertu batekin. Kontzertu ederra, entzuleen txalo zaparrada nahi duten horietakoa, pizgarri dezenterekin.
Pizgarri horietako lehena bakarlaria zen, Federico Colli italiarra,... [+]
Irudi batek mila hitzek baino gehiago balio omen du. Pascual Serrano kazetari eta idazleari irakurri nion ez dagoela hori baino gezur handiagorik. Duela hamar urte pasa idatzi zuen hori, irudiak berba osorik jan behar zuela ikusten hasiak ginenean. Tira, gezurtatu daitezkeela... [+]
Anje Duhalde eta Mixel Ducauk osatzen duten Errobi euskal folk-rock taldeak Viktoria Eugenian jaso zuen saria Eneko Goia alkatearen eskutik.
Last Tour enpresa eta Gasteizko Udala seinalatu ditu erantzule gisa, azken horrek "langileon prekaritatea finantzatzen eta legitimatzen" duela nabarmenduta. Azkena Rocken aritu diren hainbat langileren lekukotzak bildu ditu LASek.
Debagoienan izan den hardcore talde bakarrenetarikoa da Fly Shit. Asmo handirik gabe eta egiten dutenean erabat sinistuta; presak estutu gabeko, eta era berean, etenik gabeko ibilbide sendoa daukate bizkarrean. Are gehiago, ez dute inoiz kontzertu txarrik eman, ezta soberako... [+]