“Bizitza Anitzak eta Duinak” auzoari begirada
“Gorputz eta bizi eredu ez-normatiboen esperientzien" berri emango du Alternatiben Herrixkako “Bizitza Anitzak eta Duinak” guneak. Performanceen, musikaren eta animazioen bitartez, maitasun erromantikoa, indarkeria matxista, zeinuen hizkuntza, euskara eta autokritika soziala landuko dituzte, besteak beste.
Arte eszeniko eta plastikoen ikuskizun eta tailer batek emango dio hasiera gune horretako egitarauari. 11:00etatik 12:00etarako tartean, “guztiok ditugun gaitasunak" inklusibotasunez azaleratuko dituzte. Horrekin batera, dantza integratuko tailerra eta mural eraikuntza egingo dute.
Ondoren, eskultura, musika eta pintura tailerra eskainiko dute “Umeak herria eraikitzen” izenburupean. Gidaritza lanetan arituko dira, besteak beste, Roke Grafitilaria eta gizarte aniztasunaren aldeko EH 11 kolore ekimena. Euskara eta zeinu hizkuntza erabiliko dira –gaztelera soilik beharrezkoa bada–, eta ume zein helduek hartu ahalko dute parte. Goizari saio honekin emango zaio amaiera.
Arratsaldean dramatizazioa erdigunean
“Latidos de tribunal” kale antzerkiak irekiko du arratsaldea. Indarkeria sexista eta emakumeen giza eskubideen urraketa jorratuko ditu. Ez da eguneko antzerki bakarra, 19:00etatik aurrera “Kankaneo” kale-antzezlana egingo baitute. Ikuskizun “dibertigarri eta zirikatzailea” izanen da, “ikusleei agintea emanen diena”. Agerikoa dena zein ez dena “hankaz gora” jarriko du, antolatzaileen esanetan.
Autokritika egitea xede duen "Puro luego” musika emanaldia ere eskainiko dute.
Hemen auzoaren aurkezpen bideoa:
Euskal Gizarte Ekonomia Sareak emandako datuen arabera, erakunde horretan dauden enpresen kopuruak gora egin du eta fakturazioa 10.000 milioi eurotara irits liteke. Hemen hainbat irakurketa eta grafiko bat.
Euskal Herria aberatsa da, baina ez dirudi ondo banatuta dagoenik, pobrezia handia baitago. Ondorio hori atera liteke joan den astean Gaindegia behategiak publiko egindako txostenetik. Euskal Herriaren biztanleriaren %16,7, hau da, 3.124.259 lagunetik 521.751 pobrezian edo... [+]
Jendetza bildu zen larunbatean Bilbon, Euskal Herriko Eskubide Sozialen Kartak sustatutako eta hamaika eragileren atxikimendua jasotako Alternatiben Herrian (160 eragile inguruk egin dute bat deialdiarekin). "Erakusten ari gara bizi gaitezkeela beste era batera,... [+]
Bestelako mundua posiblea bakarrik ez, egingarria ere badela erakutsi nahi dute larunbat honetan Bilbon antolatu duten Alternatiben Herrian. Euskal Herriko eragile sozial askoren topaleku, aurrerantzean denen artean sor ditzaketen dinamiken abiapuntu izan liteke.
Alternatiben Herriko 6 gune (5 auzo + Karpa Nagusia) nagusietako bi izango dira "Arragoa" eta "Parte hartzea, demokrazia eta subirautza" auzoak. Lehenengoak euskara eta hezkuntza jorratuko ditu: sorkuntzari, hizkuntzari eta hezkuntzari buruzko... [+]
“Natura gure gaia” da zapatuan Alternatiben Herrian izanen den auzoetako bat, Karpa Nagusia, Auzoekonomia eta beste hirurekin batera. Mota guztietako jarduerak izango dira bertan, hasi mahai inguruetatik eta parte hartze tailerretara, tartean performanceak eta... [+]
Alternatiben Herria ekimena Bilbora iritsiko da urriaren 24an. Hilaren hasieran Donibane Garazin izan ondoren, lekukoa hiriburu bizkaitarrak hartuko du.