Aspaldidanik denbora gehiegiz palestinarrak jasotzen ari diren eraso bortitza gure pantailetan ageri zaizkigun honetan, angurriaren marrazkiak eta irudiak ikusten hasi naiz; jakin dut Palestinaren ikur bihurtu dela. Fruitu honek banderaren koloreak dauzka, baina pentsatzen dut ez dela horregatik bakarrik izango. Zerikusiren bat izango du sandia edo angurriak estimazio handia izateak Mediterraneo osoan. Maite ditugu, mediterraneotarrok, gure sandia koloretsu, gozo eta freskagarriak.
Antza, sandiaren lehenengo zantzuak Itsaso Hilean aurkitu dira. Handik hedatu zen fruitua Txinara, eta Mediterraneo itsasora, besteak beste. Fruituak ondo eusten dio denboraren joanari, eta bere ur eduki altuaren esker, oso erabilgarria da herri beroetan, ez bakarrik elikagai moduan, baita ur biltegiratze gisa ere. Iberiar penintsulara arabiarren eskuetatik iritsi omen zen, baina urte guztian bero edo bero samar egiten duen bazterretara mugatu zen haren zabalkundea, udako tenperatura ez baitzen nahikoa errendimendu onak lortzeko. Horregatik, agian, ez da oso fruitu popularra Euskal Herrian.
Amerikaraino ere iritsi zen. Sezesio Gerraren garaiko Estatu Batuetan, beltz askeek landu ohi zituzten sandiak eta esklabotzaren abolizioaren sinbolo bihurtu ziren. Gerraren ondoren, beltzak difamatzeko erabili zuten sandiarekiko lotura. Estereotipo arrazistaren arabera beltz guztiak sandiazale porrokatuak ziren, eta horrek esan nahi zuen nagikeriarekin eta zikinkeriarekin loturiko fruta zela.
"Elkarri eskutik helduta bageunde bezala, sandia beltza, txuri, berde, eta gorri baten inguruan"
Niretzat ere fruitu sinbolikoa da. Nire herriko erritu xume baten protagonista. Bazkalondoan, udako giro beroan, itsasoaren murmurioa iristen den toki batean, emakume edo gizon indartsu batek sandia handi hori irekiko du. Umeek ezin dute hori egin, eta ez diote edozeini sandia mozteko laban handia ematen. Zatiak ondo moztu behar dira, eta ebaki zuzen eta zalantzagabekoak egin behar dira. Neurri egokiak ematen jakin behar duzu laban hori izateko. Umeentzat estuagoak, edo bitan zatiturikoak; helduentzat ez hain estuak, baina bai neurrikoak, ezin baita sandia gehiegi hartu, hori ere jakin behar da.
Fruitua zatitzen eta banatzen den bitartean, hasten da udako ohiko solasaldia: Zer moduz dago sandia? Zer itxura? Kolore ona du, itxura ona, edo, uf, jada umelduta ematen du...eta orduan, saiatu eta gero: oh, oso gozoa, mmmm.... oh, ze freskagarria! Edo, kontrakoa: uf, ez du zaporerik, pepino bat ematen du... Zenbat buru, hainbat aburu, beti. Konparazioak ere bai... aurrekoa baino hobea, edo okerragoa. Edo non erosi behar den, nola aukeratzen den.... Udaro, beti, angurri bat irekitzen duzun bakoitzean, hori da mahai-inguruko solasa.
Eta pentsatzen (espero) dut, Mediterraneoko bazter guztietan, iparraldean, hegoaldean, ekialdean eta mendebaldean, baita Mississippiko ur-bazterretan ere, gau bero eta sargorietan, izan (eta izango) dituztela gurea bezalako inora iristen ez diren elkarrizketak, mahaira biltzen gaituzten horietakoak, elkarri eskutik helduta bageunde bezala, sandia beltza, txuri, berde, eta gorri baten inguruan.
Bonbardaketarik tragikoena larunbatean burutu zuen Israelgo Armadak, desplazatuen ehunka dendaren aurka, Al Mawasin, Gazako hegoaldean. Israelgo Armadak "eremu humanitario seguru" izendatu zuen eremu hori. Gutxienez 90 pertsona hil eta 300 zauritu zituen bost misil eta... [+]
Sionista hitza daukaten argitalpenak ezabatuko ditu, juduei edo israeldarrei erreferentzia egiten dieten kasuetan. Orain arte baino modu zabalagoan hartuko dute erreferentziak aztertzeko irizpidea, eta sionisten aurkako mugimenduei eragin diezaieke.
Gazatik itzulitako soldaduek aitortu dute bertan ez dagoela tiro egiteko irizpiderik. Armada sionistak nahieran egiten du tiro, etxeak erre eta gorpuak lurrean botata utzi, guztia komandanteen onespenarekin.
"Zaila da, baina beharrezkoa". Hala azaldu du The Lancet zientzia aldizkariak Gazako hildakoak kontatzeko hartu duen lanaren berri. Hildakoen kopurua, gaixotasunak eta bestelako zeharkako faktoreak kontuan hartuta, gutxienez 186.000 pertsona hil dituztela kalkulatu... [+]
Netanyahuk baldintza bezala jarri du Israelek ofentsiba berrabiarazi ahal izatea “gerraren helburuak bete arte”. Iturri batzuen arabera, Hamasek onartu du su-eten iraunkorra negoziaketen lehen fasean adostea, aurrebaldintza izan beharrean.
Hezbollahren goi mailako bi agintari militar hil ditu Israelek hilabete batean. Tentsioak gora jarraitzen du, erabateko gerra pizteko kezka artean.
Hamarnaka mila pertsonak ihes egin behar izan dute Khan Younis eta Gaza hirietatik azken egunetan, nora joan izan gabe. Israelgo armadaren eta Netanyahuren arteko talkak azaleratuz doaz, eta Hezbollahren aurkako gerra geroz eta gertuago dago. Su-eten proposamena mahai gainean... [+]
Kartzela sionistetako pilaketaz ohartarazi du Shin Bet segurtasun- eta inteligentzia-zerbitzuak berak. Hainbat iturrik sarri eman dute palestinarrek espetxe horietan jasaten dituzten tratu txarren berri, eta espetxeak handitzen jarraitzen dute sionistek.
Irunberriko Talde Feministaren eskaerari uko egin eta eraso sexisten aurkako kartela ez dutela herri sarreran jarriko erabaki du Rocío Monclús buru duen udal gobernuak, ez dela beharrezkoa argudiatuta, "beste eraso batzuk ere gertatzen direlako". Udalaren... [+]
Nazioartean Palestinako Estatua aitortu izanari erantzunez hartu dute neurria, Israeleko Finantza ministroaren esanetan. Zeukan botere administratibo urria kendu diote Palestinako Aginte Nazionalari Zisjordaniako lurren laurdenean.
Azpeitian Palestinari elkartasuna adierazteko mural batean mezu islamofoboak margotu dituzte. "Palestina Akatu" eta Islama minbiziarekin parekatzen duten pintaketak dira. Elkar-ekin mugimenduak salatu du ekintza.
Kazetarien Babeserako Batzordeak adierazi du 103 kazetari hil dituztela sionistek urriaren 7tik eta 150etik gora zenbatu ditu Gazako Osasun ministerioak. Txosten batek ohartarazi du kasu batzuetan nahita hil zituztela, kazetariak zirela jakinda.
Uztailaren 13rako antolatu du manifestazio bat Palestinarekin Elkartasunak. 18:30ean aterako da San Frantzisko Plazatik.
Bost errefuxiatu kanpalekuri egin diete eraso sionistek 48 orduan, eta dozenaka lagun hil. NBEk ohartarazi du Israel nahita ari dela muturreko gosea sortzen Gazan, eta gerra krimena dela adierazi du.