Angela Davis: ‘Justizia modu berriak ikusarazi behar ditugu, biolentzia gutxiagoko gizartea eraikitzeko’
Bilboko Bidebarrieta liburutegian izan da otsailaren 5ean Angela Davis ekintzaile afro-amerikarra Gite-Ipes Gizarte Ikerketarako Talde Eragileak antolatutako “Kartzela kalera! Emakumea eta kartzela” jardunaldien baitan. Gai horretatik abiatuta, terrorismoa, kapitalismoa, arraza zein beste zenbait kontu izan ditu hizpide. Arnaldo Otegi eta gainerako preso politikoekiko elkartasuna adieraziz hasi du hitz-hartzea.
“Denok dugu ezagunen bat barruan”, kartzelako bizipena baina ez da berdina guztientzat. Emakumeek gainerako presoek jasaten duten errepresioaz gain tratu txarrak eta sexu erasoak pairatu behar dituztela azaldu du: “Gobernuek sexu jazarpenak egiten dituzte”. Estatua subjektu bihurtu eta erasotzaile papera esleitzea garrantzitsua dela dio, “harremanetan daude biolentzia estatala eta intimoa, pertsonala eta publikoa”. Kartzeletan perspektiba feminista txertatzeak emakumeen bizipenak ulertzera garamatzala azpimarratu du ekintzaileak: “Biolentziaren kapak eransten ez baditugu, zail izango da askatasunerako gakoak bilatzen”.
Terrorismoan, ideologiak duen funtzioa preso politikoen aurka erabili dutela ulertzea funtsezkoa dela azaldu du Davisek: “Gobernuek, terrorismoa terminoa eurek nahieran erabili dute, horrela, borroka zilegiak kriminalizatu eta ezabatu ahal izateko”. Ekintzaile feministak uste du egin beharrekoa estatu-terrorismoa bistaratzea dela. Kriminalizazioaren eta presio polizialaren bitartez, borroka berrietan diharduten gazteak beldurtu nahian ari direla azaldu du, baina kontrako efektua lortzen ari dira.
Kartzelak eta poliziaren militarizazioa
Amerikako Estatu Batuek sortu zituzten kartzelak demokrazia burgesaren oinarrizko instituzio bezala; pertsonei eskubideak kentzean datza zigorrak, azaldu du. Dena den, zigor demokratiko batean, eskubideak aitortuak izan behar dira ukatuak izan ahal izateko, eta hori eliteen demokrazia batean bakarrik gertatzen da.
Davisek azaldu du, pertsonak damutzeko eta hobetzeko sortu zirela kartzelak, baina emakumeei ez zitzaien horretarako aukerarik ematen, “biologiaren” aurka joateak ez baitzuen atzera bueltarik: “Emakumeei zerbitzari hobeak izaten erakusten zieten kartzeletan eta ez pertsona hobeak izaten”.
“Kartzelaratze masiboa” gertatu da Amerikako Estatu Batuetan: munduko emakume presoen herena bertan dago preso. Arazo hau, AEBetan kontu jakina dela azaldu du ekintzaile afro-amerikarrak, Donald Trump bera ere ohartzen dela, gaineratuta modu ironikoarekin eta broma tonuan: “Arazoa da pertsona horiek ez direla ohartzen neoliberalismoak sortzen duen kartzela-biolentzia estrukturala, arrazista eta estatala dela”.
Biolentzia horren beste biktima batzuk ere aipatu ditu Davisek: transgeneroak hain zuzen ere. “Trataera are bortitzagoa ematen zaie preso transexualei, eta zer esanik ez, emakume transexual beltzei”, azaldu du. Kartzeletan ere zurrunki ezarria dago genero binarismoa, emakumeentzako kartzelak eta gizonezkoentzako kartzelak: “Feminismoaren ekarpen handienak bazterretatik etortzen dira maiz, eta hala gertatzen da kartzelen izkinekin ere; bertan argi ikusten dira kapitalismoaren eta hiritartasunaren porrota”.
Kartzelak abolitzeaz
Bost pertsonatatik bat dago Estatu Batuetan kontrol korrekzionalarekin. Gehienak atzerritarrak dira, eta arrazak guztiz baldintzatzen du kartzelaratze prozesua: “Bere eredua mundu osora esportatzen duen kartzela da AEB”. Ekintzaile afro-amerikarrak badaki ez dagoela konponbide errazik, baina uste du presoak askatze hutsetik haratago joatea garrantzitsua dela: “Abolizioaren aldeko ikuspuntuek konponbideak eskaintzen dizkigute eta ez uneko arazoetatik ihesteko soluzioak soilik”. Azpimarratu du, planteamendu honek, ezinbestean, antikapitalista, antiarrazista eta feminista izan behar duela: “Justizia modu berriak ikusarazi behar ditugu, biolentzia eta mina sortu ordez, gizarte enpatiko eta biolentzia gutxiagokoa eraikitzeko. Atzean utzi behar ditugu ezagutzen ditugun kartzela formatuak eta indar polizialak”.
Hitzaldia hasitako modu berean bukatu du Davisek, elkartasun adierazpenekin: “Euskal preso politikoengatik, demokrazia erradikalagatik eta sozialismoarengatik”.
Gernikako saskibaloi taldeko entrenatzaile ohiaren aurkako epaiketa hasi da astearte honetan Bizkaiko Auzitegian. Fiskaltzak 14 urteko espetxe eskaera egin du, eta akusazio partikularrak hamazortzikoa, sexu abusuak leporatuta. Lópezen defentsak adierazi du entrenatzaile... [+]
Indarkeria matxistari buruzko testigantzak jasotzeko Instagram kontua 2024ko azaroan jarri zuen abian emakume talde anonimo batek. Espainiako Estatuan Cristina Fallarás kazetariak abiatutako #Cuentalo egitasmoan oinarritu dira. Emakumeek, testigantza anonimoen bidez,... [+]
Fiskaltzak hamalau urteko espetxe zigorra eskatu du Mario López saskibaloi entrenatzaile ohiarentzat. Akusazio partikularrak hemezortzi urtekoa eskatu du. Gernika-Lumoko Sare Feministak elkarretaratzea deitu du Bilboko epaitegi aurrean. Lópezi 1998 eta 2001 artean... [+]
.jpg)
84 urteko andrea erail zuen bere semeak urtarrilaren 3an euren etxebizitzan. Kolpeka hil zuela azaldu dute zenbait iturrik. Astearte arratsaldean egingo dira elkarretaratzeak Barakaldon eta Euskal Herriko lau hiriburutan.
Gipuzkoako Fiskaltzaren ustez, 40 urteko irakasle hondarribiarrak 9 eta 17 urte arteko hamaika adin txikikori sexu gehiegikeriak egin zizkien 2011 eta 2021 urte artean. 2021ean kartzelatu zuten, bere sei ikaslek salaketa jarri eta gero.
Getariako etxebizitza batean egin dio eraso, Segurtasun Sailaren arabera. Emakumea astero joaten zen terapia naturaleko kontsultara, eta Ertzaintza ikertzen ari da ea antzeko ekintzen biktima gehiago dauden.
Sexu erasoak 1998an hasi ziren, biktimak 13 urte zituenean. 2003an kluba utzi bazuen ere, emakumeak iaz salatu zituen sexu erasoak, Mario Lopezek taldeko entrenatzaile gisa jarraitzen zuela. Orain 18 urteko espetxe-zigorra eskatzen du akusazioak, fiskaltzak baino lau urte... [+]
Dozenaka lagun batu dira igandean Laudioko Herriko plazan, Ez zara fisioa, erasotzailea zara lelopean.
2024ko azarora bitarte 683 sexu eraso salatu dituzte, iaz baino %16,7 gehiago, Emakunderen arabera. Familia barruko indarkeria salatu duten emakumeen kopurua ere handitu da (975 izan dira), baita bikotekide edo bikotekide ohiek egindakoa ere (3.554).
Mundu osoko 70.000 gizonek baino gehiagok hartzen dute parte emakumeak nola drogatu eta bortxatu hitz egiteko txat-talde batean. Alemaniako ARD irrati publikoko bi kazetarik egin dute ikerketa urtebetez eta erakutsi dute kasu batzuetan biktimak bikotekideak, arrebak eta amak... [+]
Gipuzkoako Auzitegiak urte eta erdiko espetxe zigorra ezarri dio gizon bati, emakume bat bortxatzen saiatzeagatik. Epaiketa asteazkenean egin zuten, eta, hasi aurretik, gizonak gertakariak onartu eta akordioa erdietsi zuen Fiskaltzarekin eta akusazio partikularrarekin, zigorra... [+]
Bortxaketen kasuentzako bideratu daitekeen kartzela zigorrik gorena jarri diote senar-ohi Dominique Pelicoti; eta beste 50 bortxatzaileei dagokionez, guztiak dituzte erruduntzat jo, baina fiskalak galdetzen zuena baino apalagoak dira zigorrak. Hiru hilabetez iraun du Mazango... [+]
Hiru hilabetez iraun du Mazango auziak, Gisèle Pelicotek irekitakoa, zeineten ikertu duten urte luzez senarrak somniferoz drogatu eta berak zein beste dozenaka gizonek 200 bat aldiz bortxatu izana. 51 gizon epaitu dituzte, eta senar ohi Dominique Pelicotentzat 20 urteko... [+]
.jpg)
Bilboko ikastolako ikasle eta ikasle ohien talde batek zentroko irakasle baten partetik jasandako sexu abusuak zerrendatu ditu, eta komunikatu baten bidez salatu du ikastetxeak gizona babestu duela. Gertakariak azalera atera direnean ikastolak “beren burua zuritu besterik... [+]
Biktimak 13 urte zituenean, 1998 eta 2001 artean, Lointek kirol taldeko Mario Lopez entrenatzaile ohiaren parteko sexu abusuak jasan zituen. Emakumeak duela urtebete salatu zuen, eta epaiketa 2025eko urtarrilaren 14tik 16ra egingo da, Bizkaiko Auzitegian. Mugimendu... [+]