Angel Berrueta omendu eta hogei urteren ostean aitortza ofizialik gabe jarraitzen duela salatu dute
Hogei urte bete dira ETA ez zion kartel bat jarri nahi ez zuelako Angel Berrueta hil zutenetik Espainiako polizia batek eta bere semeak. Iruñeko Donibane auzoan Berrueta omendu dute, eta justizia eta erreparazioa eskatu dituzte.
Ehunka auzokide elkartu dira asteazkenean Iruñeko Donibane auzoko Martin Azpilikueta kalearen erdialdean; Angel Berruetak okindegia zuen lekuan. Hogei urte bete dira Berrueta hil zutenetik, eta urtero bezala, martxoaren 13an, Berroeta omendu dute,eta aitortza, justizia eta erreparazioa eskatu dituzte. “Ez dugu deus berririk esateko. Lehen urteurrenean bezala jarraitzen dugu. Hogei urtez eskatu dugun aitortza ez da oraindik iritsi", salatu du Aitziber Berrueta alabak. Horrez gain, Kontxi Sanchiz izan dute gogoan. Berruetaren hilketa salatzeko Hernanin egindako manifestazio batean bihotzekoak jota hil zen Ertzaintzaren oldarraldiaren ondorioz.
2004. urteko matxoaren 11ko atentatuen ostean, PPren gobernuak zabaldu zuen ETA zegoela atentatuen atzean. Tesi hura ezeztatzen zuten datuak eskura izan arren, orduko Espainiako Gobernuak gogor eutsi zion bere estrategia politikoari. Martxoaren 13an, Maria Pilar Rubiok ETA ez zioen kartel bat jarri nahi izan zuen Berruetaren okindegian, baina Berruetak uko egin zioenez, etxera itzuli, eta senarrari eta semeari kontatu zien gertatutakoa. Ostean, Valeriano de la Peña poliziak eta haren semeak tiroz eta labankadaz hil zuten Berrueta.
Urtero bezala, lore sorten artean eta joaldunez, dantzariz, familiaz eta bizilagunez inguratuta omendu dute Berrueta. Bertan izan dira Mari Carmen Mañas Berruetaren alarguna, haren seme-alabak eta Sanchizen senideak. Iruñeko Udalaren izenean, Joseba Asiron alkatea eta Garbiñe Bueno EH Bilduko zinegotzia egon dira. Ahotsak bideo bidez jaso du omenaldia.
“Axolagabekeria” eta “zigorrik eza”
Egiari Zor fundazioko Ainara Gorostiagak nabarmendu du “inork” ez duela erantzukizunik hartu M-11ren bertsio ofizial “gezurtiaren” aurrean: “Euskal gatazkaren testuinguruan gertatu ziren giza eskubideen urraketaren harira bereizketarik eta salbuespenik gabe guztiek dute egia, justizia, aitortza eta erreparazioa izateko eskubidea”.
Angel Gogoan plataformako kideek justizia lortzeko eta Berrueta gogoan izateko egindako lana nabarmendu dute: “Axolagabekeriari eta zigorrik ezari aurre egin diogu, eta ahotsa altxatu dugu indarkeria instituzionalaren eta haren heriotza erraztu zuten hedabideen eraginaren aurka”.
Juan Bautista Bilbao Batxi idazleak barku batean egiten zuen lan, eta bere bidaietako kronikak bidaltzen zituen Euzkadi egunkarira. Horri esker, XX. mende hasierako mundu osoko kronika interesgarriak ditugu, euskaraz. 1915eko ekainean, hain zuzen, Murtzian egin zuen... [+]
Egin egunkariko zuzendaritzako kide eta langilea Donibane Lohizunen erail bazuten ere, Algorta jaioterrian egin diote oroimen ekitaldia, igande eguerdian. Bertaratutako lagun zein senitartekoek presente izan dute estatuaren indarkeriak hil zuela.
Fusilamenduak, elektrodoak eta poltsa, hobi komunak, kolpismoa, jazarpena, drogak, Galindo, umiliazioak, gerra zikina, Intxaurrondo, narkotrafikoa, estoldak, hizkuntza inposaketa, Altsasu, inpunitatea… Guardia Zibilaren lorratza iluna da Euskal Herrian, baita Espainiako... [+]
Azken astean ezagutarazi moduan, Eusko Jaurlaritzaren Balorazio Batzordeak txosten banatan aitortu ditu estatuaren biktima gisa. Justizia sailburuak ekitaldi pribatu banatan entregatu dizkie dokumentuak.
Independentziaren aldeko ekimenak aurrera eramateko baliabide faltagatik "itzaliko" da. Aurretik, Euskal Herri osoko 101 udaletan independentzia mozioak erregistratuko dituztela iragarri dute, euskal errepublikaren aldeko prozesuan urratsak egiteko. Baliabide faltaz... [+]
Kirola eta aldarrikapena uztartuz, maiatzaren 24an Bilbo gazteria independentistaz beteko da. Lasterketa honen bitartez, Euskal Herriaren askatasunaren aldeko balioei lekua egin nahi diote gazteek, independentziarako bidean daudela erakutsiz.
Rosa Zarra Ertzaintzaren pilotakada baten ondorioz hil zela da Eusko Jaurlaritzako Poliziaren Biktimen Balorazio Batzordeak atera duen ondorioa, Berria-k jakinarazi duenez. Orain arte, Ertzaintzak beti egin dio uko bertsio horri, eta Rosa Zarra berak zuen gaixotasunaren ondorioz... [+]
“Saihestu egingo dira giza eskubideen, ordenamendu juridikoaren eta espetxeetako tratamendu psikosozialaren aurkako balioak eta jarrerak babestea, justifikatzea eta goratzea ekar dezaketen adierazpenak”, dio, besteak beste, agiriak. Azaroan Eusko Jaurlaritzako... [+]
Espainiako Poliziak duela 41 urte hil zituen tiroka Dionisio Aizpuru, Pedro Mari Isart, Jose Mari Izura eta Rafael Delas gazteak, Komando Autonomo Antikapitalistetako kideak.
GALeko biktima talde batek eman du kereilaren nondik norakoen berri Bilbon egindako prentsaurrekoan, Egiari Zor fundazioak eta Giza Eskubideen Euskal Herriko Behatokiak lagunduta. GALen aurkako eta, zehazki, José Barrionuevoren aurkako kereila aurkeztuko dute.
Asteazken eguerdian berreskuratu du askatasuna astigartarrak, zigorra osorik beteta. Espainiako Auzitegi Nazionalak otsailean inputatu zuen ETAren zuzendaritzako ustezko beste lau kiderekin batera, Gregorio Ordoñezen hilketa leporatuta.
Martxoaren 13an lau urte bete dira Fran Balda arbizuarra istripuz hil zela. Preso, iheslari eta deportatuen etxeratzearen alde egin zuen lan, eta haren bost kidek idatzi diote gutun hau.
Felipe Gonzálezen garaian Espainiako Barne ministroa zen José Barrionuevoren aurkako kereila aurkeztuko dute, Ipar Euskal Herriko errefuxiatuen aurka abiatu zuen estrategiagatik. ZEN Zona Especial Norte Planaren barruan egindako ekintzen erantzule nagusietako bat... [+]
Mundua "oso azkar" aldatzen ari dela azaldu du Arnaldo Otegik, militarismorantz eta autoritarismorantz doala, eta norabide horren aurkako jarrera duela koalizio subiranistak.
Euskal Herriko Bilgune Feministak deituta elkarretaratzea egin dute Hernanin Iratxe Sorzabali elkartasuna adierazi eta "babes osoa" emateko. Inkomunikatuta egon zen uneak berriz ere epailearen aurrean kontatu behar izatea, "bizi izandakoak utzitako ondorioen... [+]