Andoni Rekondo Izagirre nagusitu da lehen saioan
Urretxuko Labeaga aretoan jokatu da 2024ko Gipuzkoako Bertsolari Txapelketako lehen final-zortzirena. Irabaztearekin batera, final-laurdenetara sailkatu da Rekondo. Bihar jokatuko da hurrengo final-zortzirena, Lasarte-Orian.
Larunbatean hasi da Gipuzkoako Bertsolari Txapelketa, Urretxuko Labeaga aretoan. Areto bete jendek eman dio ongi etorria aurtengo edizioari, eta hurrengo hauek izan dira gaurko sei protagonistak:
- Andoni Rekondo Izagirre
- Ane Zuazubiskar Iñarra
- Antton Aizpurua Aldape
- Jon Gurrutxaga Urbieta
- Mikel Iturriotz Etxaniz
- Unai Mendizabal Jauregi
Lan puntuagarriak amaituta, Andoni Rekondo Izagirre izan da garaile, 496,5 punturekin. Beraz, zuzenean pasatuko da Tolosako final-laurdenera, azaroaren 3an. Honela geratu dira saioko puntuazioak:
- Andoni Rekondo Izagirre ------------------------- 496,5
- Unai Mendizabal Jauregi ------------------------ 489,5
- Jon Gurrutxaga Urbieta -------------------------- 451,5
- Mikel Iturriotz Etxaniz ---------------------------- 450,5
- Ane Zuazubiskar Iñarra ------------------------- 444,5
- Antton Aizpurua Aldape ------------------------ 428,5
Gai-jartzaile Ion Zaldua Brit aritu da. Epaile honako hauek aritu dira: Bakarne Urreaga Etxeberria, Eneritz Azkue Basurko, Iñigo Legorburu Arregi, Jon Diaz de Mendibil Sarasti eta Zigor Leunda Eizmendi. Idazkari lanetan, aldiz, Aratz Irazustabarrena Garmendia aritu da.
Final-laurdenetako txartela lortu du Pagolak. Hurrengo saioak datorren asteburuan izango dira, Hondarribian eta Andoainen.
Hirugarren final-zortzirena irabaztearekin bat, zuzenean sailkatu da final-laurdenetara Arana.
Gipuzkoako Bertsolari Txapelketako lehen asteburua jokatuta, Lazkaoko eta Elgoibarko saioen txanda da orain. Irailaren 21ean izango da lehenengoa, eta 22an bigarrena. Sarrerak eskuragai daude bertsosarrerak.eus atarian.
Gipuzkoako Bertsolari Txapelketako bigarren saioa jokatu da igandean Lasarte-Oriako Manuel Lekuona Kultur Etxean. Puntu gehien bildu ditu Iturriotzek, eta, beraz, final-laurdenetan abestuko du. Datorren larunbatean izango da hurrengo saioa, Lazkaon.