“Kolaborazio ziklo berri bat behar dugu krisitik ateratzeko”
EAJk irabazi ditu hauteskundeak eta 31 legebiltzarkide lortu ditu, 2016ko hauteskundeetan baino hiru gehiago. Andoni Ortuzarrek Iñigo Urkullu jo du krisitik ateratzeko gidaritzat, eta alderdi politiko guztiei eta euskal gizarteari egin die elkarlanerako eskaintza.
Eusko Alderdi Jeltzaleko lehendakariak gaurko titularra hauxe dela adierazi du: “Irabazi ditugu gaurko hauteskundeak, argi eta garbi, emaitza bikainekin”.
Euskal gizarteak EAJri eman diola konfiantza adierazi du Ortuzarrek eta alderdiak ez duela hutsik egingo, hitza beteko duela esan du. Azken hilabete “zailak” gogora ekarri ditu eta hurrengo hiru urteak ere zailak izango direla aurreratu du. Krisialdiari aurre egiteko, auzolanean, hiru helburu izango dituztela gaineratu du: enplegua, gizarte kohesioa eta autogobernua.
Krisialditik ateratzeko alderdi politiko guztiei eta euskal gizarteari eskaintza egin die kolaborazio ziklo berri bat hasteko, “ez naiz ari alderdi jakin bati buruz”, esan du.
Ortuzarrek Iñigo Urkulluri, orain arteko lehendakariari eta datorren legegintzaldikoari, zorionak eta eskerrak eman dizkio. Krisialditik ateratzeko behar den gidaria dela esan du.
Egoera berria, garaipena, apaltasunez kudeatuko dutela esan du, “gure nagusiek apaltasunez jokatzen erakutsi digute”.
Iñigo Urkulluk Alberto Sololuze eta Joaquin Beltran izan ditu gogoan
Lehendakariak Andoni Ortuzar alderdikidearen hitzak errepikatu ditu, baina bestelako kontuak ere aipatu ditu. Agerraldiaren bukaeran izen batzuk aipatu nahi dituela adierazi du eta Zaldibarko zabortegiaren zati bat erori eta hondakin azpian harrapatuta geratu ziren Sololuze eta Beltran langileak ekari ditu gogora. Ez du gertakizunari buruzko azalpenik eman, bi izenak eta haien familiak baino ez ditu aipatu. Ondoren, COVID-19ak hil dituen 1.622 pertsonak eta haien familiak ekarri ditu gogora.
AEBetako Berkeley Unibertsitateko irakaslea eta pentsamendu dekolonialean aditua da Ramón Grosfoguel. Artikulu honetan, Galiziako BNGren eta Euskal Autonomia Erkidegoko EH Bilduren azken hauteskundeetako emaitzez iritzia ematen du, Podemos alderdiko Juan Carlos... [+]
Hauteskundeak izan dira oraingoan Euskal Herriaren mendebalde honetan, eta horien ondoren gerta ohi denez, erabateko garaipen loriatsua (auto)aldarrikatzera abiatu da prestu irabazten lar ohituta dugun EAJ.
Luza dakioke gaur EAJri esaldi klasikoan egiten den galdera: Non dago... [+]
Demokrazian penko, suspentso, kate, gutxiegi. Politika egiteko oinarritzat hauteskundeak eta bozak dituen jendarte batek hori esan beharko lioke bere buruari herritarren erdiak "festan" parte hartu ere egiten ez duenean, ezta?
Atzerrian bizi diren Euskal Herritarren botoak zenbatu ostean, PPk eta Ciudadanosek eratutako koalizioak bereganatu du Bizkaiko 25. eserlekua.
Iñigo Urkullu jarduneko lehendakariak eta bere alderdiak hauteskunde kanpainan esan dutenez, “ezkerrekoak eta eskuinekoak jada ez dira existitzen”. Gaur egun EAEn nagusi den politikaren alternatibarik existituko ez balitz bezala, hau da, ez balego bezala... [+]
Data: 2020ko uztailaren 12a (igandea). Ordua: 13:00. Tokia: H. herriko bozkaleku nagusiko kanpoaldean dagoen banku bat. Eguraldia: orduak iraun dituen euri jasa baten azken tantak. Jende mugimendu etengabea atarian. Talde handirik ez. Gehienak banaka, binaka, trioren bat... [+]
2020ko uztailak 12ko Eusko Legebiltzarrerako hauteskunde emaitzak esku artean ditugu eta horiek aztertzeko asmoz hiru artikulu idatziko ditugu, gaurkoa lehenengo izango da interpretazio deskriptibo-orokor bat eskaintzeko:
Jokaldia ondo atera zaie. EAEko hauteskundeak Kataluniakoekin, eta batez ere, erabakitzeko eskubidearekin, talka ez egiteko aurreratu zituzten aurrena. Koronabirusak uztailera arte atzeratu du bozkaketa, baina helburua lortu dute boterean jarraitu nahi zuten alderdiek: orain... [+]
Euskal lurraldeen artean, EAJren eta EH Bilduren lehia-gune handia da Gipuzkoa. 2012ko Eusko Legebiltzarrerako hauteskundeetan EH Bilduk irabazi zuen ozta-ozta, 2016koetan EAJk aise eta 2020koan ezker abertzaleko alderdia jeltzaleengandik oso gertu egon da. Abstentzio handia... [+]
Ordizian parte-hartzea nabarmen handiagoa izan da bataz-bestekoa baino: %55,92k eman du botoa eta EH Bilduk irabazi ditu Legebiltzarreko hauteskundeak herri honetan. 1.747 (%45,3) boto lortu ditu, eta bigarren indarra izan den EAJk, berriz, 1.268 (%32,88). Duela lau urteko... [+]
Abstentzio-tasa %47koa izan da, 2016an baino baino %7 handiagoa.
EH Bilduko lehendakarigai Maddalen Iriarte “oso oso pozik” agertu da koalizio abertzaleak izandako emaitzekin. Bere esanetan emaitza horiek “aldaketa baten hasiera baino ez” dira.
EAJk, EH Bilduk, PSEk eta Voxek legebiltzarkide bana irabazi dute, PPk eta Podemosek bina galdu. Bozetan gora egin duten alderdi bakarrak EH Bildu eta Vox izan dira. Bozka eskubidea duten herritarren %50,31k hartu du parte hauteskundeetan.