Andia hegoaldeko udalek alegazioak aurkeztu dituzte haize erroten poligonoaren aurka
Gesalaz, Lezaun eta Deierriko udalek Ekologia Trantsiziorako eta Demografia Erronkarako Ministerioan poligonoari baimena ez emateko alegazioak aurkeztu dituzte. Alkateek salatu dutenez, “Urbasa-Andia natur gunearen mugatik 500 metro baino gutxiagora bi aerosorgailu daude, eta horrek ingurumen balio handiko eremuetan eta Europa mailako espezie babestuetan ingurumen eraginak izatea ekarriko du; Ingurumenaren gaineko Eraginari buruzko Azterlana egiteko informazioa ez da nahikoa, haize poligonoa kaltegarria izango da tokiko ekonomian, eta, beraz, despopulazioa eragin dezake”.
Alkateek gaztigatu dutenez, “haize poligonorako proposatutako kokalekua ingurumen-mugak dituzten eremuetan dago, eta, Horizonte 2030 Nafarroako Energia Planaren arabera, goi tentsioko lineak haize-sorgailuak instalatzeko egokiak ez diren eremuak zeharkatzen ditu. Gainera, ekologia eta paisaia balio handiko eremua da, ingurumen-balioak Kontserbazio Bereziko Eremuarekin eta Urbasa-Andia Parke Naturalarekin partekatzen dituena”. Hiru udaletako alkateek gaineratu dutenez, “proiektuak ez ditu sakon aztertzen abeltzaintzan eta turismoan eragingo dituen inpaktuak, biak estrategikoak tokiko ekonomian”.
Bestalde, hiru alkateek esan dutenez, “haize poligonoaren proiektuak arriskuan jar dezake Andia Mankomunitatea osatzen duten udalek despopulazioaren aurka egiten dituzten ekintzen programa, Nafarroako Gobernuaren despopulazioaren aurkako Estrategiaren ildotik". Gaztigatu zutenez, “kaltetutako kontzejuei ez zaie jakinarazpenik egin, Nafarroako Toki Administrazioari buruzko 6/1990 Foru Legean jasotakoa bete gabe”.
Horregatik, hiru alkateek gaztigatu dutenez, “energia tarifaren prezio historikoen egungo testuinguruan, proiektu zorrotzak behar dira, benetako premiekin bat datozenak eta ikuspegi integratzaile batekin bat datozenak, 2030 Agendaren ildotik, zeinak klima aldaketaren aurkako borroka eta biodibertsitatearen kontserbazioa bat egiten baititu pandemiak areagotu dituen egungo behar sozialekin”.
Egitasmoa
Lezaun, Deierri eta Gesalazen haize erroten poligonoa jartzea aurreikusi dute, 47.233.179,47 euroko aurrekontua lukeena. Erroten tamainagatik haiek Sakanako makina bat tontorretatik ikusiko dira, zutoinak 90 eta 102,5 metroko altuera izanen baitute, eta palen diametroa 155 metrokoa da. 13 errota jarriko lituzkete (11 Lezaunen eta 2 Iturgoienen), bakoitza 4 MW-ko potentziakoa; haize poligonoak guztira 52 MWko potentzia izanen luke. Gainera, sortutako argindarra ateratzeko 220 KV-ko goi-tentsioko linea berria eginen da eta Lezaun, Gesalaz, Goñi, Etxauri, Oltza eta Orkoien udalerriak zeharkatuko ditu. Lineak bi azpiestazio eraldatzaile ere izanen lituzke.
Herriz herri
Lezaun. 11 haize errota, neurketa dorreak, transformazio azpiestazioa eta horien bideak, bai eta goi-tentsioko linearen 4 euskarri ere.
Deierri. Errezuko Kontzejua. Tentsio ertaineko lurpeko lineak.
Gesalaz.
Iturgoiengo Kontzejua. 2 haize sorgailu, goi tentsioko lineen euskarriak eta sarbideak
Muezko Kontzejua. Haize sorgailuetara sartzeko bidea.
Argiñano, Genbe eta Bidaurreko kontzejuak. Ebakuazioko goi-tentsioko linea.
Etxauri, Oltza. Ebakuazioko goi-tentsioko linea.
Orkoien. Ebakuazioko goi-tentsioko linea, transformazio azpiestazioa eta bideak.
Natura Ondarearen Zerbitzuak txosten bat aurkeztu du Barakaldoko mendi horretan bost haize errota jarri nahi dituen Iparaixe II proiektuaren aurka. Barakaldoko Udalak duela urte eta erdi eman zion ezezkoa egitasmoari, Mendietan Eolikorik Ez–Barakaldo plataformaren... [+]
Euskal Herriko Agintaritzaren Aldizkariaren bidez ezagutarazi da Cañaveras Solar enpresak egingo duela zentrala. Cañaveras Solar enpresaren zuzendaria Rafael Benjumea da, oligarkiako Benjumea familiako kidea. 15 milioi eurotik gorako kostua izango du proiektuak... [+]
Giza-katea antolatu du Subflubiala ez! plataformak eta hitzordua Artaza-Romo Institutuan jarri du gaurko 18:00etan. Bizkaiko Foru Aldundiak Ingurumen Inpaktuaren Adierazpena (IIA) aldatzea du helburu eta horrelakorik ez du onartzen plataformak.
Ez dezazuela lotura hau Ezkiotik bilatu, ez eta Altsasutik ere, are gutxiago Ebro ibaia Castejonetik zeharkatuz. Euskal Yaren eta Nafarroako AHTaren arteko lotura, edo hobeto esanda, loturak, dagoeneko errealitate bat dira. Pluralean dauden lotura horiexek dira kezkatu beharko... [+]
EH Bilduk galdera sorta bat erregistratu zuen Eusko Legebiltzarrean Donostiako Metroaren igarobideko lanen gainkostua argitzeko. Informazio hori atzo jakinarazi zuen Susana Garcia Chueca Mugikortasun sailburu sozialistak.
Martxoaren 19an amaitu zen proiektua aurkezteko epea, baina Errioxako PSOEk adierazi du Forestalia enpresak "interesa baztertu" duela. Enpresak bi parke eoliko eraiki nahi zituen Aragoiko lurretan, baina oraindik ez ditu lortu baimenak eta hori dute egitasmoa... [+]
.jpg)
EAE, Akitania Berria eta Nafarroak osatutako euroeskualdearen batzarra egin dute Iruñean martxoaren 25ean. AHT izan dute topaketaren ondoko agerraldiko aipagai nagusien artean eta Akitania Berriko ardatza Hego Euskal Herriko trenbidearekin lotzeko konpromiso politikoa... [+]
Dakota Access oliobidearen kontrako protestengatik zigortu du Ipar Dakotako epaimahai batek erakunde ekologista, Energy Transfer Partners enpresak salaketa jarri ostean. Standing Rockeko sioux tribuak protesten erantzukizuna bere gain hartu du.
Koalizio abertzaleko hiru ordezkariek ohar baten bidez euren "frustrazioa" adierazi dute proiektu fotovoltaikoa ezin gelditzeagatik: "Egoera horren aurrean, ez gara legegintzaldia amaitzeko indarrez sentitzen". Proiektu honi ez! plataformak salatu du EH Bilduren... [+]
Datorren udaberrian, Stop AHT Zundaketak ekimenak bi urte beteko ditu. 2023ko maiatzean, ADIFek Itza, Sakana eta Goierriko udalei jakinarazi zien zundaketa geoteknikoak eta beste jarduketa batzuk egingo zituela AHTaren Nafarroako korridorea Euskal Y-arekin lotzeko alternatibak... [+]
Josu Estarrona EH Bilduko Arabako senatariak egindako galderari erantzun dio Espainiako Sustapen Ministerioak, eta hor berretsi du Ezkioko aukera zailtasunez beteta dagoela.
Satorralaia plataformak Donostiako Metroaren Mirakontxa-Easo zatiko lanek “%164ko gainkostua” izan dutela salatu zuen joan den astean, eta, horren harira, EH Bilduk gainkostu hori argitzeko eskatu du, Eusko Legebiltzarrean erregistratutako galdera sorta baten bidez.
Elkarretaratzea egin zuen Aiaraldeko Mendiak Bizirik plataformak atzo Laudioko Lamuza plazan, Mugagabe Trail Lasterketaren testuinguruan.