Andatza mendian parke eoliko bat eraikitzeko baimen-administratiboaren aurretiazko eskaerak alarma sortu du Usurbil eta inguruetako herrietan. Anerreka ingurumen elkarteak azaldu duenez, halako azpiegiturak "jasangaitzak" dira, eragiten duten kalteengatik.
Gipuzkoako Aldizkari Orokorrean argitaraturiko iragarpenaren arabera, Andatza mendian, Ezkeltzu izeneko parajean lau aerosorgailu handi eraikitzeko asmoa du egoitza Madrilen duen konpainia batek. Anerreka ingurumen elkarteak oharra kaleratu du Noaua aldizkarian, halako azpiegitura batek eragin ditzakeen kalteak azalduz.
Elkarteak dioenez, energia eolikoen sektorean plangintzarik eginik ez dagoenez, enpresek berek erabakitzen dute parke eolikoak non eta nola egin, eta Andatzako kasuan ere "Jaurlaritzak amore eman du enpresen aurrean, haiei gure lurrak oparituz erokeriak egiteko".
Haize errota hain garaiak izanik, sostengua egingo duten hormigoi-zapata izugarriak egin behar izaten dira, sakonera handikoak eta 20 metro baino gehiagoko diametroarekin, lur mugimendu handiak eraginez
200 metroko garaiera izan dezaketen potentzia handiko haize errotak aurreikusten ditu Green Capital Development enpresak, eta halako dorreak eraikitzeko ingurumenean sortzen diren kalteak nabarmendu ditu Anerrekak: "Ezkeltzuko kokapenera iristeko, gutxienez 8 metroko zabalerako bidea ireki beharko litzateke, garraiorako ibilgailu bereziak behar baitira. Haize errota hain garaiak izanik, sostengua egingo duten hormigoi-zapata izugarriak egin behar izaten dira, sakonera handikoak eta 20 metro baino gehiagoko diametroarekin, lur mugimendu handiak eraginez. Sortzen den elektrizitatea garraiatzeko, goi-tentsioko linea eraiki beharko litzateke baita, parketik azpiestazioraino. Horrek suposatzen du beste lur eremu handi bateko baso suntsiketa eta lur mugimenduak dorreak eraikitzeko, eta etorkizunean eremu guzti horretan basorik ez sortzea".
Behin aerosorgailuak funtzionamenduan jarrita ere, hegazti-faunari egiten dioten kalteak "etengabeak eta betirako" direla dio elkarteak.
"Inork ez du zalantzan jartzen etorkizunean energia fosilak desagertu behar direla eta haien lekua energia berriztagarriek hartu behar dutela. Kontua da nola eta zertarako –dio Anerrekak oharrean–. Hortaz, ustez klima aldaketari aurre egiteko eraiki nahi diren proiektu hauek natura-ingurumenean eragin oso larriak dituztela ikusten dugu". Hala, ahalik eta hurbilen dagoen energia ekoizpen eredurantz egin beharra adierazi du.
Enpresa batek Irimo mendian zentral eolikoa eraikitzeko asmoa zuela iragarri zigun aspaldi batean haize kolpe batek. Gehienek ezin zuten sinistu, inondik ere. Are gutxiago Irimo mendiaren orografia eta izaera harritsua ezagutzen dituztenek. "Baina ba al dakizu ze nolako... [+]
Enigma Green Power enpresak "Ikatz Gane" deitu dion proiektu eolikoa egiteko "aldez aurreko administrazio-baimena" eskatu du. Bost haize errota jarri nahi ditu. Enigma Green Powerren jabe bakarra Arena Green Power da, eta honen kargudunen artean da Endesa.
Kolitza mendiaren magal batean eraiki nahi zituzten haize erroten proiektua atzera bota du Eusko Jaurlaritzak, hala adierazi du Balmasedako alkateak. Baina horren ordez, "eragin gutxiago" duen beste zentral bat aurreikusi dute inguru bertsuan. Maiatzaren 26an Euskal... [+]
Energiaren sektoreari loturiko konpainiak bere zuzendari nagusia aldatu du, doikuntzak iragartzearekin batera. Euskal Herriko lantegietan ia 3.000 langile aritzen dira eta sindikatuak kezkatuta agertu dira, kaleratzeak ekar litzakeelako erabakiak.
Martxoaren 20an Barakaldoko BECen egingo du Europako industria eolikoak bere urteroko kongresua, "Wind Europe" deitu diotena. 10:00etan atarian elkarretaratze zaratatsua deitu du EH Bizirik sareak.
Berriztagarriek Galizian ere sukarra bizi dute eta proiektu ugari justizia auzitegietan dira momentu honetan. Galiziako Justizia Auzitegi Nagusiak haietako hamahiruren gaineko suspentsioa agindu du, eta horretarako bere irizpideak egokitu ditu Espainiako Auzitegi Gorenak... [+]
"Hamaika arrazoi lurraldea defendatzeko" izeneko erakusketa artistiko honetan, Euskal Herriko hamaika ilustratzailek parte hartu dute eta makroproiektu eolikoek kaltetutako Euskal Herriko zenbait familia eta bizilagunen hamaika testigantza ere jasotzen dira. Etxalarko... [+]
Irimo mendian Cilda Energy SLU enpresak 200 metroko bi haize errota ezarri nahi ditu, Trekutz izeneko proiektuaren baitan. Dimentsioaz jabetzeko giza katea egin dute Antzuolan otsailaren 25ean, Meaka-Irimo herri plataformak deituta "berriztagarriak bai, horrela ez!"... [+]
Euskal Herria Bizirik sareak elkarretaratzea egin du Eusko Legebiltzarraren atarian, barruan Trantsizio Energetiko eta Klima Aldaketaren Legea onartzen zuten bitartean. Sare horren hitzetan, "EAJ-PNV, PSE eta EH Bilduren aldeko botoekin onartu da, agerian utziz hiru alderdi... [+]
Meaka-Irimo herri plataformak 3.022 alegazio aurkeztu ditu Eusko Jaurlaritzako Industria sailean, "Trekutz" izeneko proiektuaren aurka. Zera adierazi du: "Meaka-Irimo herri plataforman energia berriztagarriak behar-beharrezkoak direla argi dugu, baina ezin dira... [+]
Arabako Mendiak Askek administrazioarekiko auzi-errekurtsoa jarri du EAEko Auzitegi Nagusian, Azazeta Parke Eolikoaren proiektuaren aldez aurreko administrazio-baimenaren aurka. Horrez gain, Aixeindar SA enpresa sustatzailearen "lege-iruzurra" salatu du,... [+]
"Lurraldearen defentsan lanean ari garen Euskal Herriko hainbat herri mugimenduk eta plataformak gure indarrak, ezagutzak eta ekintzak batu ditugu natura eta landa-ingurunea suntsitzen dituzten makroproiektu andana baten inposaketari aurre egiteko". Hitz horiekin eman... [+]
Green Capital-en matrizea den Capital Energyk berriki aurkeztu ditu Trekutz (Antzuola-Urretxun) eta Buruzaiko (Azkoitia-Azpeitia-Zumarraga) zentral eolikoen ingurumen txostenak, "eta bertan izan genuen lehenengoz erabakiaren berri esplizituki. Ondoren enpresaren... [+]