Ana Urkiza hautatu dute Eusko Ikaskuntzako lehendakari
Eusko Ikaskuntzaren Batzar Nagusia egin zen larunbatean Donostian eta bertan Ana Urkiza Ibaibarriaga izendatu zuten erakundeko lehendakari. Erakundearen historiako 102 urteetan kargua hartu duen zortzigarren pertsona da, eta lehen emakumea. Iñaki Dorronsoro ordezkatu du.
Harekin batera, Kontseilu Errektoreko kide izango diren kargu hauek berretsi dira: Asier Etxenike (Arabako kontseilukidea), Zelai Nikolas (Bizkaikoa), Manu Olariaga (Gipuzkoakoa), Isabel Elizalde (Nafarroakoa) eta Eguzki Urteaga (Ipar Euskal Herrikoaa).
Hautatua izan ondoren, Ana Urkizak konfiantza eskertu du, eta etapa berriari hasiera eman nahi izan dio, kargua utzi duen presidenteak 2018ko azaroan Oñatin egin zen Eusko Ikaskuntzaren XVIII. Kongresuaren amaieran erabili zituen hitz berberak aipatuz: "Eusko Ikaskuntza hemen dago, sortu eta 100 urtera, ideiekin eta proposamenekin, Euskal Herriaren zerbitzura lan egiten jarraitzeko gogoz (...) ezagutza sortuz, gure egungo erronkak ulertzeko eta erantzunak emateko".
Eusko Ikaskuntzako lehendakari berriak adierazi duenez, ilusioz hartzen du erantzukizuna, talde lana eta Eusko Ikaskuntzak eskaintzen dituen ekarpen, ezagutza, iritzi eta sentsibilitate anitzak kontuan hartuta.
2020-2024 aldirako lan programak, batzarraren gehiengoak berretsita, Eusko Ikaskuntza Euskal Herriko gizartea eta erakundeak inplikatuko dituen herri estrategia bat garatzeko erreferente nagusi gisa kokatzea du helburu nagusi.
Ondarroan jaioa 1969an, Bankoa Credit Agricole finantza erakundean ari da lanean komunikazioa, formazioa eta euskara alorretan, eta literatura liburu ugari idatzi ditu, batez ere ipuingintzan. Hainbat hedabidetan idatzi ohi ditu artikuluak, besteak beste Argian.
Musika ondare tradizionala “berreskuratu, zaindu eta transmititzeagatik” irabazi du Eusko Ikaskuntzaren 2024ko saria Beltranek. Urte luzeetako “dibulgazio lan multidimensionala” aitortu nahi izan dio epaimahaiak.
Zer da euskal nortasuna? Duela hamar urte eta orain gauza bera ote da? Gai sakonak landu ditu eusko ikaskuntzak Gasteizen egin duen 19. kongresuan.
Euskal Herriaren jendarte eta lurralde kohesioa helburu.
Eusko Ikaskuntzak aurten kaleratu du Aniztasuna eta bizikidetza Nafarroan. Euskara eta nazio identitateak ikerketa lana. Amaia Nausia –Eusko Ikaskuntzako proiektu arduraduna–, Julen Zabalo eta Txoli Mateosek egindakoa da. Azken lau urteetan Nafarroa osoan molde... [+]
Eusko Jaurlaritzaren Hezkuntza Sailak eta Eusko Ikaskuntzak txostena aurkeztu dute eskola segregazioa amaitzeko helburuarekin. Nabarmendu dute beharrezkoa dela "gizarte osoaren inplikazioa". Gasteizen Hezkuntza Lege berriaren aurkako prozesioa egin dute.
Eusko Ikaskuntzako buru izan zen, Eusko Jaurlaritzako Lehendakariaren Kanpo Harremanetarako ordezkari, ingeniari, gerrako haurra ez izanagatik ere erbestean hazi eta bizia, Paris-Madril-Donostia bidea egina. Hizketan hasi eta Donostian lehen ikastola hura sortu zuen Migel... [+]
Epe luzeko herri eztabaida abiatu zuen 2021ean Eusko Ikaskuntzak, "nahi eta behar dugun Euskal Hezkuntza Sistema denon artean irudikatzeko". Foro parte-hartzaileen bidez "aliantzak, konplizitateak eta konpromisoak josiko dituen elkarrizketa" bideratzea da... [+]
Azaroaren 11tik 13ra “Subiranotasun gatazkak Europan: Konponbiderako oinarriak” Nazioarteko Jardunaldiak izango dira. Bilboko Azkuna Zentroan izango dira eta internetez ere jarraitu ahal izango dira zuzenean.
"Bertsolaritza modernoaren erreferente argia da, berritu eta alor askotan aurrendaria izan da”, nabarmendu du epaimahaiak.