Amurrioko Udalak uko egin dio Aiaraldea Komunikabidearen dirulaguntza 2025eko udal aurrekontuetan sartzeari
Ostegun honetako Udal Osoko Bilkuran eztabaidatu eta bozkatuko dira Amurrioko Udaleko 2025erako aurrekontuak eta, beste behin ere, Udal Gobernuak uko egin dio Aiaraldea Komunikabidearen hitzarmen eta dirulaguntza berrezartzeari.
Amurrioko 2025eko udal aurrekontuetan ere ez da Aiaraldea Komunikabidearen dirulaguntza egongo. Hala erabaki du Udal Gobernuak. Gaur arratsaldeko Udal Osoko Bilkuran eztabaidatu eta bozkatuko da tokiko erakundearen aurtengo plangintza ekonomikoa eta, iaz bezala, ez du Aiaraldea Komunikabidearekin sinatutako hitzarmena kontuan izango.
2024ko maiatzaren 24an jakinarazi zen Amurrioko Udalak 12 urtez indarrean egondako dirulaguntza kendu ziola eskualdeko euskarazko komunikabide bakarrari, egun batetik bestera eta aurretik inolako jakinarazpenik eman gabe.
Berez, Aiaraldea Komunikabideak apirilean jaso zuen albistea, bide ez-ofizialetatik. Hedabideko kideak alkatearekin biltzen saiatu ziren orduan, baina honek uko egin zion horri (gaur gaurkoz, bilera horren eta diru-laguntza kentzearen jakinarazten ofizial baten zain jarraitzen du komunikabideak).
1.700 ahotsi entzungor
Egoera zein zen ikusita, plaza publikora atera zen gaia, eta atxikimendu kanpaina abiatu zen Amurrioko zein eskualdeko eragile zein norbanakoen artean. Arrakasta nabarmena izan zuen ekimenak: aste bakan batzuen bueltan 1.700 atxikimendu jaso zituen euskarazko hedabideen aldeko manifestuak, Amurrioko 500 elkarte zein bizilagun baino gehiagorenak tartean. Kanpaina hori ekainaren 21ean amaitu zen, Amurrioko udaletxearen aurrean eginiko agerraldi jendetsuan.
Aiaraldea Komunikabideak egoera bideratzeko proposamen berria helarazi zion Udalari udazkenean, baina horri ere ez zion erantzun tokiko erakundeak
Patri Pinedo eskubaloi jokalari ohiak eta Manolo Plazak (Amurrioko Olentzero erretiratu berriak) irakurri zuten manifestua, eta hainbat eskaera egin zizkioten Udalari. Alde batetik, Aiaraldea Komunikabidearekin bilera egitea, bi entitateen arteko elkarlana berriz abiatu eta normalizatzeko, dirulaguntza berrezartzeko eta babes ekonomiko horren zenbatekoa eguneratzeko, “eskualdeko gainontzeko udalek egiten duten ekarpenarekin parekatuz”. Bestetik, “elkarlana estutzea” eskatu zioten udalerriko zein eskualdeko euskalgintzaren eragileekin, “eragile aktibo” bilakatzeko “euskararen biziberritzearen prozesuan”.
Proposamen berria, erantzunik gabe
Epe bat ere eman zuten horretarako: hiru hilabete, irailaren 21era arte. Baina igaro zen uda, eta Udalak ez zien eskakizun horiei erantzun. Are gehiago, berriro ere uko egin zion gaiaz hitz egiteko bilera bat egite hutsari. Egoera zein zen ikusita, gatazka honetan bitartekari izateko eskera formala luzatu zion Aiaraldea Komunikabideak Josune Irabieni. Irailean izendatu zuten Amurrioko alkate ohia Eusko Jaurlaritzako Euskara Zuzendari, eta horregatik pentsatu zen bera zela pertsonarik aproposena Amurrioko egungo udal gobernuarekin bitartekari lanak egin eta adostasunak bilatzeko.
Bitartekaritza saiakera horrek, baina, ez zuen fruiturik eman. Komunikabideak gatazka bideratzeko proposamen berri bat helarazi zion Amurrioko Udalari azaroan, baina kasu horretan ere ez zen inolako erantzunik egon tokiko erakundearen partetik. Urte berriarekin batera iritsi da Udalaren erantzun bakarra: 2025eko aurrekontuetatik ere euskarazko komunikabideen aldeko dirulaguntza kentzea.
Eusko Jaurlaritzak isunak kendu dizkie ertzainei euskaraz hitz egiteagatik zigortuak izan ziren Donostiako herritarrei. Manex Ralla eta Amaia Abendaño dira herritar horiek, isunak kendu dizkietela baieztatu diote hedabide honi.
Arkitektoen elkargoaren helegitea dela eta, Donostiako Udalak atzera bota du kontratazio espedientea.
Euskalgintzaren Kontseiluak eta Bizkaiko Foru Aldundiko langileak elkarretaratzea egin dute langileen egonkortzearen eta euskalduntzearen alde.
Baionako eta Donostiako epaitegiak margotu ostean, ostegun gauean Eibarko epaitegian pintaketa egin dute zenbait ekintzailek. "Oldarraldia gelditu" idatzi dute eta pintura berdea jaurti diote eraikinari. Abenduan, CCOO sindikatuaren egoitza ugari margotu dituzte, baita... [+]
"Euskalduna ez den pertsona bat –Nagore de los Rios– hautatu du EITBko zuzendaritza nagusiak Eitb.eus eta Social Media atalerako zuzendari posturako, eta, ondorioz, euskaraz ez dakien pertsona bat izendatu dute helburuen artean euskararen... [+]
Irungo euskaldunen pazientziak gainezka egin du; haserre daude eta oraingoan ez dira "isilik geratuko". Gabonetako argiak pizteko ekitaldia erdara hutsean egin izanak hiriko 35 elkarte eraman ditu udalaren hizkuntza politika salatzera –aurrekari gutxi izango ditu... [+]
Euskararen kontrako epaien oldarrialdien, azkenengoetako bat izan da Gipuzkoako entitate publiko bat, Kabia, kinkan jarri duena, ezarritako hizkuntza eskakizunen kontrako epai batekin. Bertako langileak egonkortzeko prozesuan ezarritako euskara eskakizunak, euskararen... [+]
ELA, LAB eta Kontseiluak elkarretaratzea egin dute, Administrazioarekiko Auzietarako epaitegi batek Kabia organismoari emandako ebazpenaren aurka protestatzeko. Euskara maila bermatzeko ahalegina “hutsaren hurrengoa” bilakatzeko arriskua dagoela salatu dute.
Donostiako Decathlon saltoki handiak errotulazioak euskaraz ez dauzkalako kexa jarri du kontsumitzaile batek Behatokian. Saltokiaren erantzuna (gaztelaniaz) esanguratsua da: Erkidegoko legeak ez du jasotzen inongo inposiziorik karteldegia euskaraz jartzeari buruz. Alegia, lege... [+]
Kabia organismoaren zaharren egoitzetan 54 plaza egonkortzeko 2022an onartutako lan-eskaintza bertan behera utzi du Donostiako epaile Gonzalo Pérez Sanzek. Gipuzkoako Aldundiaren erakundeak jarritako hizkuntza eskakizuna gehiegizkoa eta baztertzailea dela dio epaileak.
Donostiako auzitegiak Gipuzkoako Foru Aldundiko aterpetxeetako garbitzaileen lanpostuen prozesuaren harira sententzia eman du: lanpostu guztietarako hizkuntza eskakizuna ezartzea “proportzioz kanpokoa eta diskriminatzailea” dela dio. CCOO sindikatuak eman du... [+]
Euskal Herriko lurralde batzuetan euskara ofiziala da, besteetan meridianoaren arabera ofiziala ala ukatua eta, aitzitik, ipar aldera bagoaz, toleratua (ez ofiziala).
Azken boladan, epaitegi batzuk ebatzi dute funtzionario publikoek ez dutela euskara ezagutzarik izan behar eta,... [+]