Amurrioko Udalak dirulaguntza kendu dio Aiaraldea Komunikabideari
Aiara eskualdeko euskarazko komunikabide bakarra da Aiaraldea, eta Amurrioko Udalarekin 2012. urtetik izenpetua eta indarrean zuten euskara sustatzeko hitzarmena "alde bakarrez" eta "inolako jakinarazpenik eman gabe" eten du udalak. Erabakia "oso larria" eta "onartezina" dela ohartarazi du komunikabideak. Euskalgintzaren Kontseiluak ere bere "kezka" adierazi du.
Aiaraldea Komunikabideari 6.000 euroko dirulaguntza kendu dio Amurrioko Udalak. Udalaren eta komunikabidearen artean 2012. urtetik izenpetua eta indarrean zuten euskara sustatzeko hitzarmena, baina Aiaraldea Komunikabideak jakitera eman duenez, "alde bakarrez" eta "inolako jakinarazpenik eman gabe" eten du ituna udalak. Aiarako euskarazko komunikabide bakarraren bizigarritasuna "are gehiago kolokan jartzen du" dirulaguntzaren desagerpenak.
Gertaera "oso larria" eta "onartezina" dela ohartarazirik, egoerari aterabide bat ematea eskatu diote udalari. Oraingoz udalak ez dio bilera eskaerari erantzunik eman, eta apirilaren 15az geroztik dago Aiaraldea Komunikabidea hitzordu horren beha. Euskalgintzaren Kontseiluak ere bere kezka adierazi du: "Euskarazko tokiko komunikabideen ekosistemak ezinbesteko ekarpena egiten du euskararen normalizazio prozesuan, erabileraren sustapenean eta euskaraz bizi nahi duten herritarren eskubideen bermean".
Egoeraren larritasuna azpimarratzeko orduan, begirada zabalagoarekin so egiten dio gaiari Aiaraldea Komunikabideak: "Eskualdeko euskarazko komunikabide bakarra itotzeko saiakera hau, azken urteotan Amurrioko Udalak euskararen biziberritzearen aurka hartu dituen erabakien azken mugarria da". Adibideak ez dituzte eskas: 2023ko maiatzean Euskalgintzaren Kontseiluarekin biltzeari muzin egin eta konpromisoak sinatzeari uko egin izana; uztailean euskararen teknikari lanpostua udal langileen zerrendatik ezabatzea erabaki izana –ondotik, presio sozialari esker atzera egin baldin bazuen ere–; apirilean Gora Aiaraldeko jai euskaldunak dinamikan sartzea errefusatu izana, eta abar. Hori horrela, euskararen aurkako eraso guztiak etetea eskatzen dio komunikabideak Amurrioko Udalari, eta herritarren ekinbidez sortu eta garaturiko euskara biziberritzeko dinamika eta proiektuak baliabide publikoen bidez sostengatzea.
"Bideragarritasuna are gehiago kolokan"
Aiaraldea Komunikabidea duela hamalau urte abiatu zuten, eta herritarren babesari esker aitzina egin ahal du, bidean eskualdeko udal eta alderdi politiko guztien babesa jasoz. Urteetan galera ekonomikoei diru ekarpen propioekin erantzun behar izan diete, ordea, –bazkideen kuota desinteresatuekin, zerbitzuetatik lortutako etekinekin, ekarpen boluntarioen bidez…–. Zehazkiago, proiektuak aurrera egin ahal izateko azken bost urteetan 486.329,97 euroko ekarpena egin behar izan du Aiaraldea Kooperatiba Elkarteak. Testuinguru horretan, Amurrioko Udalaren erabakiak min ikaragarria egingo lioke komunikabideari: "Egoera ekonomiko zail honen testuinguruan, Amurrioko Udalak proiektuari egiten zion ekarpen eskasa etetea erabaki du, proiektuaren bideragarritasuna are gehiago kolokan jarriz".
Amurrioko eragileei elkartasuna eskatzen die Aiaraldeak: "Elkarte, enpresa, ostalari, merkatari zein norbanakoei dei egiten diegu udalerriaren euskalduntze prozesuan atzerapauso gehiagorik ez onartzeko" eta "euskararen aurkako erasoak eta oztopoak geldituko dituen osasun-hesia osatzeko".
France 3 Euskal Herri telebista katea apalduz doa. Kate horretako kazetari eta langileek jakin berri dute berriz ere programazio eta finantzaketa apaltze bat pairatuko dutela. Egun oroz, zazpi minutuko berriak eman izan dituzte, baina iragan udatik bi minutuz murriztu zieten... [+]
Bideoak erakusten du nola CNN telebista kateko nazioarteko buru Clarissa Ward kazetaria ari den sartzen Siriako kartzela sekretu batean, eta nola grabatzen den preso bat askatzen duten unea.
Elon Musken presentzia hedabideetan gora doa, suziri baten moduan, Etxe Zuriko lorategian lurreratu ostean. Lortzen ari den botereaz eta influentziaz asaldatuta omen daude beste botere batzuk eta, bere eragina gutxitzeko asmoz, X sarearen kontra kargatu dute. Azken asteetan The... [+]
Aiaraldea Komunikabidea sortu zuten lehen, eta Faktoria gero. Laudion dute egoitza, eta bertan ari da lanean
Izar Mendiguren. Kazetari, bertsolari, musikari, militante... Ipurdi batez eserleku bi ezin estali litezkeela dio esaerak, baina hori baino handiagoa da Mendigurenen... [+]
Ikusle euskaldun gehien biltzen dituen katea da ETB2, datuen arabera. Aldatu Gidoia mugimenduak agerraldia egin du Bizkarsororen kontraprogramatzearen harira. Salatu dute askotan ETB1 lehian sartzen dela ETB2rekin, eta "herritar guztiak eta publiko bakarra helburu izango... [+]
Irutxuloko Hitzak asteartean parte hartu zuen Hordago - El Saltok antolatutako mahai inguruan, Hibai Arbide, Lucia Mbomio, Xalba Ramirez eta Miriam Najibi kazetariekin.
Opari hau ez da izango momentuan ireki, gozatu eta egun gutxian bazter batean geratuko den horietakoa. Urte osoan gozatzeko zerbait ariko zara ematen, astero helduko baitzaio etxera aldizkari bat.
Pobretuak kriminalizatzeko Jaurlaritzaren politika albiste izan da, berriz ere, azaroan. Salaketa anonimorako postontzia sortu du Lanbidek, herritar zintzoek Diru-sarrerak Bermatzeko Errenta jasotzen duten herritar potentzialki iruzurtien “jardun irregularren edozein... [+]
Munduaren egoerak ez du gogo handirik pizten bere berri izateko. Niri, behintzat. Ez dakit adina den edo darion kiratsak moteldu ote duen berarekiko jakin-mina. Jakin badakit ez dela garai kontua soilik; alegia, udazkenak eta negu hasierak barrura begira jartze hutsa.
ETB1ek Bizkarsoro filma estreinatu zuen Euskararen Egunean iluntzean. ETB2ri aldi berean gaztelaniazko azpidatziekin ematea proposatu bazioten ere, kate horretan Tasio eskaini zuten gaztelaniaz azkenean, eta horrek haserrea sortu du euskaldun askorengan sareetan.
Azken asteotan esku artean ibili ditut honako bi liburuak: Euskararen gogoetagunea (Euskaltzaindia, 2024) eta Mariano Ferrer, el periodismo reflexivo. Kazetaritza eta konpromisoa (Erein, 2023) . Irakurri dut euskaldunen %42,2k ikusten duela ETB1, eta %20,6k irakurtzen duela... [+]
2023an ezagutu genuen Solway Investment Group multinazional suitzar-errusiarraren boterea noraino iristen den. Guatemalan duen Fenix meategiaren gehiegikeriak agerian uzten zituen ikerketa baten berri eman zigun Prensa Comunitariako kazetari batek, eta elkarrizketa hori [+]
Azken asteotan esku artean ibili ditut honako bi liburuak: Euskararen gogoetagunea (Euskaltzaindia, 2024) eta Mariano Ferrer, el periodismo reflexivo. Kazetaritza eta konpromisoa (Erein, 2023) . Irakurri dut euskaldunen %42,2k ikusten duela ETB1, eta %20,6k irakurtzen duela... [+]