Amurrio, Okondo, Urduña eta Orozkoko Udalek ez dute parte hartuko Laudiok deitutako bileran Osakidetzaren egoera lantzeko, “desleialtasuna” leporatuta
EAJk eskualdean gobernatzen dituen tokiko erakunde guztiek iragarri dute ez dutela parte hartuko Laudioko Udalak deitutako bileran. Guztiek egotzi diote EH Bildu eta Omniako udal gobernu taldeari erakunde desleialtasuna erakustea, hedabideetan horren berri emateagatik, euren erantzuna jaso baino lehen.
Amurrio, Urduña, Orozko eta Okondoko Udalek oharra plazaratu dute, bakoitzak bere aldetik, jakinarazteko ez direla egongo Laudioko Udalak deitutako bileran. EH Bilduk eta Omniak osatzen duten gobernu taldeak batzarra deitu zuen erantzun bateratua bilatzeko Osakidetzaren egoeraren aurrean, baina EAJk kudeatzen dituen tokiko erakundeek "desleialtasuna" leporatu diote.
Hain zuzen, Amurrio, Urduña, Orozko eta Okondoko tokiko erakundeek azaldu dute gutun bidez jaso zutela gonbidapena, baina erantzuna eman baino lehen "harrituta" geratu zirela "Laudioko Udalak bilera horren berri prentsari emateagatik".
"Ekintza horiek ez dagozkio bi administrazio berdinen arteko errespetuzko harreman instituzional bati", erantsi dute.
Horrez gain, lau Udalek ziurtatu dute Osakidetzaren inguruko informazioa jaso dutela zuzenean osasun erakundetik eta bilera "hauteskunde-kalkuluek eta kalkulu alderdikoiek eragin dutela".
Bileraren deialdia
Laudioko udal gobernu taldeak otsailean aipatu zuen zuela eskualdeko bilera antolatzeko asmoa, Gotzone Sagardui Osasun Sailburuarekin izandako batzarra "emaitza positiborik" utzi ez zuela argudiatuta. Gogoratu beharra dago bi erakundeen arteko elkarrizketa hori gertatu zela 42 urteko gizonezko bat hil zelako Laudioko Etengabeko Arreta Gunean medikurik ez zegoenean.
Osasun Sailak berak erantzun zuen handik eta egun gutxira, "bertsio partziala" zabaldu izana egotzita Udalari. Hurrengo egunean, aldiz, gezurrak esatea leporatu zion Omniak Osasun Sailari.
Gauzak horrela, osasun sistemaren egoera pil-pilean jarraitzen du Aiaraldean. Pasa den astean, adibidez, ESK sindikatuak salatu zuen Etengabeko Arreta Gunean medikurik ez zegoela berriro. Asteburuan, aldiz, zenbait herritarrek parte hartu zuten Osasun Sistema Publikoaren alde Bilbon eginiko mobilizazioan, berezko pankarta eramanda:
Herritar talde hori bere kabuz ari da antolatzen osasun sistema publiko eta duina aldarrikatzeko, SOS Aiaraldea mugimenduaren barruan. Gaur egingo dute bilera irekia, hurrengo urratsak zehazteko, 19:00etan Laudioko Herriko plazako erabilera anitzeko aretoan.
Vithas San José klinikak fitxatu du Jaurlaritzako Osasun sailburu ohia, kargu publikoa utzi eta urte eta erdira.
Garbiñe Elizegi baztandarra erizaina da. Abenduan, Zeelanda Berrian egin duten Osasun Ekitaterako Erizaintza Indigenari buruzko Ikerketa izenburuko bilkuran hartu du parte. Bere tesia aurkeztu du: Euskal emakumeek eta genero ez-normatiboek Euskal Herrian osasungintzan... [+]
Arazo mentalak dituztenen kopurua haziz doa, oraindik ere estigma sozial handia dute atzean eta, horri aurre egiteko, buruko nahasmenduren bat dutenak lan mundura bideratzen saiatzen da Elkarkide, Nafarroako Parlamentuan azaldu duenez. Lan horretan jarraitzeko laguntza eskatu du.
Dezibelio eta argiztapen muturrekoak ohiko diren makro-ikuskizunen eta makro-estimuluen garaiotan, autismodun haurren bueltako elkarteek aspalditik egindako eskaera zabaltzen ari da pixkanaka, baita Errege Magoen desfileetan ere: ez musika, ez argiztapen, ez abiadura... [+]
EAEko biztanleen %23,9k osasun asegurua zeukan kontratatuta 2023an, Eustaten datuen arabera. 2021eko datuekin alderatuta, %4,1 gehiagok. Batez ere traumatologia, oftalmologia, ginekologia eta dermatologia kontsultak egin ziren. Aseguruen %61,3 enpresentzakoak edo bestelako... [+]
Iazko Gabonetan, hamabi ordurainoko itxaronaldiak izan ziren. Urtean 180 egunetan ezartzen ditu nolabaiteko murrizketak Osakidetzak.
.jpg)
Blanca Ester Díaz Pulido epaileak Osakidetzako 2018ko oposizioen filtrazioen inguruko ikerketari amaiera eman dio, sei urte eta erdi igaro ondoren. Akusatu guztiak absolbitu dituzte, 22 guztira, nahiz eta bi kasu behin-behingoz artxibatu dituzten.
Osasun Legea aldatzea beharrezkoa dela adierazi du Nafarroako Osasun kontseilariak, hala nola Osasunbidea enpresa-erakunde publiko bihurtzea, bestela “luze gabe sistemak porrot” egingo duela argudiatuta. Sindikatuak ez daude formula horrekin ados.
Kutsatze gutxiago egon ez dadin diagnostiko horiek lehenago egitea zein garrantzitsua den azpimarratu du Nafarroako Osasun zuzendari nagusiak. “Osasun-sistemara heltzeko zailtasun handiagoak dituztenengan” jarri du fokua aurtengo hiesaren Eguneko kanpainak.Nafarroak... [+]
Atun latatan aurkitu diren merkurio kopuruekin asaldatuta dabiltza herritarrak. Bloom erakundeak Europan egindako ikerketa baten arabera, Carrefour, Intermarché, Mercadona, Aldi... supermerkatu guztiek merkaturatzen dute atuna kutsaturik. Arrantza industrialak berehala... [+]
Haurdunaldiaren zazpigarren hilabetean hil zen Aduna, Amets Etxeberriaren alaba. Halakoetan, erru sentimendua da bizkar gainean emakume askok hartzen duen zama, dolua ere oztopatzen duena. Profesionalengandik jasotzen duzun tratua funtsezkoa dela dio Etxeberriak, horri aurre... [+]
Hego Euskal Herriko gazteen osasun mentalaren egoera “kezkagarria” da, Gurea Geroa atari digitalak egindako txosten batek agerian utzi duenez. Inkestaren arabera, gazteen erdiek ondoez emozionala pairatzen dute, eta hamarretik seik pentsamendu suizidak izan dituzte... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]