Amnistia Eguna antolatu du Aske antolakundeak Gasteizen, ekainaren 15ean
Mahai-ingurua, hitzaldia eta manifestazioa egingo dira, besteak beste. "Errepresioaren aurkako borrokan sakondu eta honi erantzuteko beharrezkoak diren baldintza politikoak sortzen jarraitzeko" Amnistia Egunak "mugarri" direla adierazi du antolakundeak.
Prentsaurrekoa eman du gaur Aske antolakundeak Gasteizen, 2024ko Amnistia Eguna aurkezteko. «Egindako hautu eta konpromiso politikoagatik jazarpena jasan behar duten militanteak» gero eta gehiago direla esan dute agerraldian, baita «bizi baldintza prekarioek bultzatuta aurrera eramandako borrokengatik errepresioa pairatutakoak» ere.
Horren aurrean, beharrezkotzat dute «jazarpenaren kontrako borroka antolatzea»: antolakuntza politiko mailan, maila ideologikoan, baita baliabide politikoetan ere. Euskal Herriko txoko ezberdinetako militanteak bildu, errepresioaren inguruan hausnartu, eztabaidatu eta jazarpena gainditzera bidean pausuak emateko, Amnistia Egunak «mugarri» direla aldarrikatu dute.
Aurtengo Amnistia Eguna, ekainaren 15ean Gasteizen
Batetik, mahai ingurua antolatu dute «frantziar eta espainiar estatuak militantzia politikoaren aurka eramaten ari diren jazarpen juridikoa aztertzeko asmoz». AKAB kolektiboko Aratz Estonba abokatua, Uztailak 14ko kidea den Garazi Aduriz eta Jardun Koordinadorako kidea den Julen Balda izango dira mahaian.
Bestalde, poliziak gizarte kapitalistan duen funtzioa aztertuko dute. Poliziaren jatorria, bilakaera eta gaur-gaurkoz betetzen duen funtzioa aztertzea dute helburu, horren aurrean burutu beharreko borroka eta estrategiak aztertzearekin batera. Hori guztia jorratzeko, poliziaren inguruan aditua den Paul Rocher ikertzailea izango da hizlari.
Horrez gain, arratsaldean, manifestazioa deitu dute “Errepresioaren aurrean, amnistia osoa” lelopean. «Soilik amnistiaren gauzapenak ekarriko du Euskal Herri Langileak pairatzen duen errepresioaren gaindipena. Amnistia, preso politikoen askatasuna exijitzeaz gain, Euskal Herri Langilearen borrokaren zilegitasunaren aldarrikapena baita», adierazi dute.
Bukatzeko, prentsaurrekoan Amnistia Egunean parte hartzeko deia egin dute, «errepresioaren aurkako borrokan sakondu eta honi erantzuteko beharrezkoak diren baldintza politikoak sortzen jarraitzeko».
Konponbide prozesuari eta etxeratze prozesuari behin betiko amaiera emateko aldarrikatuko dute, eta euskal preso behin betiko etxean nahi dituztela. Laguntza ekonomikoa jasotzeko Bizumkada Nazionala ekimena jarri dute martxan.
.jpg)
Aroztegiko auzipetuei elkartasuna adierazi eta absoluzioa eskatzeko mozio bat onartu du Baztango Batzar Nagusiak. Urtarrilaren 2an egindako bileran, mozioaren aldeko bozketan aldeko 25 bozka, kontrako bi eta hiru abstentzio izan dira.
Irailean egin ziren hauteskundeak eta aise nagusitu zen FPÖ alderdia, botoen ia %30 eskuratuta. Bazen aukera ultraeskuinari hesia ipintzeko, baina ez dira ados ipini demokristauak eta sozialdemokratak.
.jpg)
84 urteko andrea erail zuen bere semeak urtarrilaren 3an euren etxebizitzan. Kolpeka hil zuela azaldu dute zenbait iturrik. Astearte arratsaldean egingo dira elkarretaratzeak Barakaldon eta Euskal Herriko lau hiriburutan.
Hiru funtzionariok jipoitu zuten Robert Brooks, eskuak bizkarrera lotuta zituela. Hurrengo egunean hil zen, eta autopsiak dio asfixia izan zela heriotzaren kausa.
Donostian 2024ko martxoan jokatutako futbol partiduaren aurretik Ertzaintzak egindako kargetan, Amaya Zabarte zaleaz gain bigarren pertsona bat zauritu zuten, ustez foam pilota batekin begian jota. Orain, kasu hori ere ikertzeko agindu du Gipuzkoako Lurralde Auzitegiak.
Merino 2001. urtean atxilotu zuten, eta dispertsioa jasan du, zigorraren zati handi bat Euskal Herritik kanpoko kartzelatan igaro baitzuen baldintza “zailetan”. Orain, askatasuna berreskuratu du.
Euskal Herria nazio dela aldarrikatzeko ekitaldia egingo dute Donostiako Kursaalean. Astebeteko ekitaldi sorta izango da.
Badira, garun distiratsua izanik, "zehaztasun gutxiko" definizioekin, gauza bera, beste era batera esanda, aldatzen eta itxuraldatzen adituak direnak. Berea zen, eta hainbat hamarkadatan errepikatu den proiektu in eternum bat izan da. Hasiera batean hori zen hegemoniko... [+]
"Erorien Monumentuaz sozialistekin akordioa lortu izan ez balitz, eraikinak bere horretan jarraituko luke aurrerantzean ere eta hori zen guk onartzen ez genuen aukera bakarra”. Hala dio Joseba Asironek. Entzun elkarrizketa osorik hemen sakatuta.
2024ko azarora bitarte 683 sexu eraso salatu dituzte, iaz baino %16,7 gehiago, Emakunderen arabera. Familia barruko indarkeria salatu duten emakumeen kopurua ere handitu da (975 izan dira), baita bikotekide edo bikotekide ohiek egindakoa ere (3.554).
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.
Berangoko euskal preso politikoa Zaballako espetxean dago gaur egun eta bertatik helarazitako idazkian Euskal Preso Politikoen Kolektiboa utzi duela iragarri du.