Amillubi proiektuaren interneteko diru bilketa azken astean sartu da
Zestoako Amilibia baserria eta bere lurrak eskuratzeko eta bertan elikadura burujabetzari loturiko Amillubi proiektu kolektiboa martxan jartzeko apustua egina du Biolur elkarteak: "Herritarrek elikagaiak eta nekazariek lurrak bermatuta izatea izango litzateke mugimendu agroekologiko honen uztarik onena". Horretarako, diru bilketa kanpaina abiatu zuen iragan abenduan eta internet bidez ekarpena egin nahi duten herritarrek hauxe dute azken astea. Albiste hau idazteko unean 721 dohaintza ziren jasotakoak eta denen artean 122.622 euro zituzten batuta.
Hasi da internet bidezko diru bilketaren atzerako kontaketa eta aste honetan dute bide hau erabilita ekarpena egin nahi duten herritar edo eragileek dohaintza egiteko azken aukera, www.amillubi.eus webgunean.
Amillubiko taldeak adierazi du "oso gustura" dagoela, "herritar zein eragileen partetik proiektuak izan duen babesa ikusita". Bildutako diruak Amilibia baserria eta bere lurrak eskuratzeko bidean, lehen ordainketak egiteko balioko duela jakinarazi dute, eta "jasotakoak arnas apur bat" eman diela, lortu behar duten kopuru osora iristeko. Izan ere, guztira 390.000 euro behar dituzte erosteko eta baserria konpontzeko. (Artikulu honetan duzu proiektua sakon azalduta)
Hainbat iturri ari dira lantzen kopuru oso hori batzeko (udalak, enpresak, eragileak, herritarrak) eta internet bidezko kanpainari hasieran 150.000 euro biltzeko erronka jarri zioten. Lortuko ote da? Amillubi lan-taldetik azken deia egiten dute, "orain arte bere aletxoa jartzeko aukera izan ez duenari, bere ekarpena eginaz proiektua babestera anima dadin".
.JPG)
Lehen haziak erein dituzte
Abenduan sinatu zuten Biolur elkarteak eta baserriaren jabeek salerosketa kontratua. Dagoeneko hasi da Amillubiko lan-taldea baserriaren lurretan lanean. Biolur elkarteko baratzezainek sumatzen zuten premia bati kolektiboki erantzutea izan da egin duten lehen gauza: landare ekologikoa aurkitzeko dituzten zailtasunak ikusita, 150.000 porru hazi erein dituzte Amillubiko lurretan. "Dena ondo bidean, baratzezainek eskura izango dute modu ekologikoan ekoiztutako porru landarea eta inguruko baratzezain txikientzako ere salgai jartzeko asmoa dago", Amillubiko lan-taldeak adierazi duenez.
Aurrera begira haziak ereiten jarraitzeko asmoa dute: datorren asteetan babarrun eta artoa ereiteko lurrak prestatzen ari dira eta udazkenari begira Biolurreko okinek garia ereiteko asmoa ere badute. "Amillubin ereindako haziak gizarteratzen jarraitzeko gogotsu" dagoela adierazi du lan-taldeak eta horretarako auzolan irekiak egitea aurreikusten dute. "Herritarrek elikagaiak eta nekazariek lurrak bermatuta izatea izango litzateke mugimendu agroekologiko honen uztarik onena".
EHNE Bizkaiak bultzatutako azterketaren emaitzek baieztatu dute eredu agroekologikoan ekoiztuak diren tomateek berotegi efektuko gasen isurketan, eta batez ere energia kontsumoan, inpaktu txikiagoa dutela eredu agroindustrialean ekoiztuak diren tomateekin alderatuta. Honetan,... [+]
Europar Batasunak abuztuan onartutako araudi baten arabera, 2030erako degradaturiko eremuen %20 lehengo egoerara itzularazi behar da. Hori dela-eta, hainbat eragilek Jaurlaritza, natura leheneratu orain dokumentua sortu dute, eta asteazken honetan aurkeztu dute publikoki... [+]
Emakume bat ikusi zuen Xabier Arriagak Gernikako kafetegi batean kafesnea esne gaingabetuarekin eta gurinezko opil batekin hartzen. Orduan konturatu zen nolako kontraesanetara ohitu nahi gaituen sistema kapitalistak.
Hitzordua Noaingo Zentzumenen Parkean izango da. Herritarrak eta ekoizleak elikagai ekologikoen inguruan biltzeko Nafarroako topagune handiena da azoka. Bederatzigarren edizioa da aurtengoa eta laugarren urtez jarraian Noaingo Zentzumenen Parkean egingo da.
Bigarren urtez segidan hartu du Habelarte baserritarren elkarteak Leitzako festetan, Gaztetxean, afariak emateko ardura. Nafarroako Mendialdeko ekoizle agroekologikoen produktuekin osatu dute eguneroko eskaintza, eta ehunka lagun pasatu dira abuztuaren 10etik 14ra haien... [+]
Nekazaritza eta Elikadura Ekologikoaren Kontseilutik herritarrak animatu dituzte azoketan erostera eta ekoizleak gertutik ezagutzera. Uztailaren 29an Zigoitian izango dira, eta abuztuaren 23an, Zarautzen. Urriaren 27an amaituko dute udako denboraldia, Villabonan.
Sektoreko beharrak hainbat eragilerekin identifikatu ostean, lurrak ezagutu eta martxan jartzeko aitzakia tarteko erronka zehatz bati ekin zion Amillubik: baratzezainentzat porru landare ekologikoa bertan ekoiztea. Igandean hogei lagun baino gehiago bildu ziren, Amillubiko talde... [+]
Zestoako Iraeta auzoan, Urola ibaiaren meandroan daude Amilibia baserria eta bere lurrak. Horiek modu kolektiboan erosteko dirua biltzen ari da Biolur laborantza ekologikoaren aldeko elkartea. 2025 bukaerarako dute hitzartua azken ordainketa, baina erosketa fasean egon arren,... [+]
Bost hilabete bete dira otsailaren 6an traktoreen mobilizazioak hasi zirenetik. Mirene Begiristainek eta Isabel Alvarezek ekofeminismoaren betaurrekoak jantzita aztertu dituzte mobilizazio hauek eta fokutik kanpo geratu diren laborariak eta aldarrikapenak ekarri dituzte lehen... [+]
Zestoako Amilibia baserria eta bere lurrak eskuratzea eta bertan elikadura burujabetzari loturiko laborantza proiektu agroekologikoak martxan jartzea; horixe du helburu Biolur elkarteak. Horretarako, besteak beste, abenduan ekin zion interneteko diru bilketa kanpainari eta... [+]
Amets Ladislao Kuban egon berri da bertako laborantza eredua eta elikadura sistema ezagutzen. Sobiet Batasuna (SESB) erori zenean eta jasaten duen mundu mailako blokeoa dela-eta, pestizida eta ongarri kimikorik gabe geratu zen Karibeko irla, eta kimiko horien ondorioz, lur oso... [+]