Irulegiko irratiaren adar gisa jardungo da Amikuzekoa, egunean bi orduko berezko emankizuna aurreikusi dute, goizez ordubete (09:00etatik 10:00etara) eta arratsaldez beste ordubete (18:00etatik 19:00etara), baina pixkanaka eskaintza handitu nahi dute. Gainerakoan, Euskal Irratien sareko edukiak ere entzun ahal izango dituzte amikuztarrek.
Artzen Letona ariko da esatari; Euskadi Irratian, France Bleu Pays Basquen eta Euskalerria Irratian Zubiak irratsaioa aurkezten aritzen da donapaleutarra Alaia Martinekin batera. Nolanahi ere, berriemaileen sarea "funtsezkoa" izango dela azaldu dute. Amikuzen eta inguruetan FMko 94.2 frekuentzian entzun ahal izango da.
Hilabeteak daramatzate Amikuzen irratia sortzeko proiektua prestatzen, eskualdean euskararen alde ematen ari diren urratsekin bat eginda. Antena jartzeko baimena lortu zuten lehenik. Toki publiko baten bila ere aritu dira, baina azkenean Donapaleuko erdi-erdian lokal pribatu batean jarri dute estudioa, antenatik gertu.
Denbora horretan, irratia lagundu eta babestuko duen jende bila aritu dira, besteak beste materiala erosteko kanpaina jarri dute abian joan den abenduan; helburua 16.000 euro lortzea da.
Xantal Ergi Aiziritzeko auzapezak eta proiektuaren parte denak Euskal Irratietan azaldu duenez “euskararen hedapena sustatzen” lagunduko du irratiak. Ergik gogorarazi du Amikuzeko biztanleen erdia euskalduna dela, “zinez bada lan egiteko irrati horrentzat”.
Nafarroako euskara hutseko irratiak 25 urte bete ditu eta Dialeko azkenak dokumentalean bildu dute bere ibilbidea. Maiatzaren 3an Larraintzarren estreinatuko dute, eta hurrengo asteetan Aizarotzen eta Erason egongo da ikusteko aukera.
Arrosa Irrati Sareak Nafarroan ospatuko du lehen aldiz komunikazio librearen aldeko eguna. Mende laurdena bete berri duen Esan Erran irrati txikian dute hitzordua, apirilaren 13an, Basaburuan. "Guretzat elkartzeko egun bat da, elkar gehiago ezagutu eta elkarlanaz... [+]
Ikasturtearen hasieran zibereraso bat jasan eta hainbat astez webgunea berreskuratzeko lanetan jardun ondoren, bueltan da Hala Bedi irratiaren web orria. Dagoeneko hasi dira ohiko edukia argitaratzen: Arabako aktualitate albisteak, magazinen edukiak, irratsaioen podcastak,... [+]
Hala Bedi Irratiak 40 urte bete dituela ospatu zuen abuztuaren 6an, lau hamarkada lehenago lehen irrati emisioa egin zuen egun berean.
Ekainaren 22an, ostegunez, hil zen kazetari oriotarra 65 urterekin, minbizi baten ondorioz. Herri Irratian egin zuen bere kazetari ibilbidea nagusiki, eta 1996 eta 2022ra arte EHUko Udako Ikastaroetako komunikazio arduraduna ere izan zen.
Kulturaren inguruko hainbat programa biltzen dituen podcasting espazioa da Basilika eta hemendik aurrera ARGIAn izango dituzue sortzen dituzten edukiak entzungai.
Nagore Irazustabarrena historialariaren podcast berria da 'Oroimen Histerikoa'. Axier Lopez kazetariaren konpainian historiako pasarte edo bitxikeria bat ekarriko digu hamabost minutuko istorio batean bilduta. Asteartero izango duzue saioa entzungai ARGIAn, gure ohiko... [+]
Martxoaren 4an, Oreretan egingo ditu Arrosa Sareak aurtengo Topaketak, bertako Zintzilik irrati librearen eskutik. Elkarrekin egoteko parada izateaz gain, “gure presentzia aldarrikatzeko” eguna ere izango da, Aitziber Zapirain sareko kideak ARGIAri kontatu dionez.