Amiantoaren biktimentzako funtsa “behingoz” martxan jartzeko eskatu diote Espainiako Gobernuari
Bi urte igaro dira Espainiako Estatuan funtsa sortzeko legea onartu zutela, baina Pedro Sánchezen gobernuak oraindik ez du araudirik garatu eta ez du aurrekonturik funtsa diruz hornitzeko. Espainiako Kongresuan talde politiko guztiek aho batez eskatu diote, berriz ere, hala egin dezala.
EAJren ekimenez, amiantoaren gaia berriz ere Espainiako Kongresuan eztabaidatu dute. 2022an onartu zuten gai kutsagarri horrek sorturiko kalteak konpentsatzeko funtsaren legea, baina behin onartuta, Espainiako Gobernuak ez du garatu eta ez du diruz hornitu funtsa.
Kongresuan indar politiko guztiek berriz ere eskatu diote Espainiako Gobernuari legeak aurreikusten duen araudia onartu dezala, biktimen elkarteek eta sindikatuek aurkezturiko helegiteak onartu ditzala, eta aurrekontuetan kontuan eduki dezala funts hori. "Legeak aitortza eta erreparazioa ekartzen ditu. Baina tamalez, erreparazio hori oraindik ikusteke dago", esan du Idoia Sagastizabal EAJko parlamentariak ekimena aurkeztean.
"Espainiako Gobernuak zor historiko bat dauka amiantoaren biktimekin, asko zelako egin zezakeena, baina ez zuen egin. Askotan beste aldera begiratu zuten"
Oskar Matute (EH Bildu)
Espainiako Gobernuaren "zor historikoa"
Joan den otsailean Sumar, EAJ, ERC, Junts, Podemos, Coalición Canaria, BNG eta EH Bilduko parlamentariek gutuna bidali zioten gobernuari, 2022ko legea ezartzeko pausoak eman zitzala eskatzeko. "Espainiako Gobernuak zor historiko bat dauka amiantoaren biktimekin, asko zelako egin zezakeena, baina ez zuen egin. Askotan beste aldera begiratu zuten", azaldu du Oskar Matute EH Bilduko eledunak.
Amiantoak biriketako minbizia, mesoteliomak eta asbestosia sortzen dituela jakina zen duela hamarkada asko, baina Espainiako Estatuan ez zen bere erabilera 2002. urtera arte debekatu, ordurako Europako herrialde ugaritan aspaldi debekaturik egon arren. LAB sindikatuaren arabera, baliteke Euskal Herrian 6.000 eta 10.000 lagun hiltzea gai kutsagarri hori arnastearen ondorioz.
PSOE: "Prozedura bidean dago"
Talde sozialistako parlamentari Maria Luisa Garcíak Sánchezen gobernuaren izenean azaldu du biktimentzako diru-funtsa aitortzen duen errege dekretu proiektua "bere prozedura bidean" dagoela. Erkidegoetako ekarpenak aztertzen ari direla gaineratu du Garcíak, "norman kontuan hartu eta horrela tramitazioarekin aurrera egin ahal izateko".
Parlamentari sozialistak Alderdi Popularreko kideei "erantzukizunez" aritzeko eskatu die, bestalde. "Jende askok gehiegi dauka jokoan, baita erkidego eta udal askok ere, zuek agintzen dituzuenak barne, gehiegi. Zehazki, 12.000 milioi daude jokoan", esan du –Espainiako Gobernuaren "bide fiskala" deituriko ekimenari ez diotela babesik eman egotzi die horrela popularrei–.
Parlamentari sozialistak Alderdi Popularreko kideei "erantzukizunez" aritzeko eskatu die: "Jende askok gehiegi dauka jokoan, baita erkidego eta udal askok ere, zuek agintzen dituzuenak barne"
Bere azalpenaren amaieran Garcíak gogorarazi du PSE-EE izan zela EAEko legebiltzarrean funtsa sortzeko legeari "erabateko bultzada" eman ziona.
Biktimak: "Bitartean jendea hiltzen ari da"
Euskadi Irratian Fedavica Biktimen Elkarteen Federazioko kide Jon Garcíak azaldu du PSOEk Espainiako Kongresuan EAJren ekimenari baietza emanda ere, biktimek ez dutela "itxaropen" handirik bere jarrerarekiko, azken bi urteetan egin duena ikusita.
Hala, biktimen ordezkariak "kezka" agertu du, eta esan du legea geldi dagoen bitartean "jendea hiltzen" ari dela. Hego Euskal Herrian, Asviamie biktimen elkartearen arabera jadanik hamahiru dira aurten amiantoarengatik hildakoak.
Garcíaren esanetan, funtsak ekarriko luke biktimek ez igaro behar izatea “beste kalbario bat” auzitegi eta prozesu judizialetan, konpentsazio bat lortzeko.
Kexak eta esker onak paretsu mantendu dira, baina erreklamazioetan bada aldea. Esaterako, aurtengo ekaina iazkoarekin alderatuta, ia %30 igo dira erreklamazioak.
Aste honetan zehar egongo da AEBko auditoria Gurutzetako ospitalean; bere estandarrak betetzen dituzten osasun-zentroei akreditazioa ematen die. Osakidetzak 106.843 euro gastatu ditu bere aurrean itxurak egiteko.
Sexologian eta zoru pelbikoan aditua den Juncal Alzugaray Zurimendi fisioak zenbait gako eman ditu klimaterioa eta menopausia hobeto ulertzeko.
Silizearen hautsak sorturiko gaitz eta biriketako minbizi kasuek ez dute etenik azken urteetan. Australian, Ingalaterran edo Espainiako Estatuan alarmak piztu dira, eta kristal-silizea duten kuartzozko sukalderako mahaiak egitea debekatzeko urratsak ematen hasi dira.
Eurostaten arabera, 2013tik 2021era bitartean, 13.530 kasu erregistratu zituzten Europar Batasunean. Teorian 2005ean debekatu zuten amiantoaren erabilera, baina mesoteliomaren sintomak ez dira agertzen hamarkada asko igaro arte. Amiantoagatik 700 pertsona baino gehiago hil dira... [+]
Igeriketa, patinetean ibiltzea eta irakurtzea gustuko ditu Leire Manzanares Etxeberriak (Donostia, 2005). Garapenaren nahasmendua dauka eta Zereginak Ikasteko Gelan (ZIG) dago. Gurasoekin batera informazioa bilatzen aritu da ikasten jarraitzeko aukerak aztertzeko, baina oztopoz... [+]
Anbulantzien zerbitzua enpresa batetik bestera aldatzeak ez duela egiturazko arazoa konponduko eta “orain arteko pribatizazioaren bidean atzera egin eta anbulantzia zerbitzuaren publifikazioari” ekiteko eskatu diote langileek Eusko Jaurlaritzari, LABek antolaturiko... [+]
Pasaiako Portuko Agintaritza eta Algeposa taldea lan arriskuen babesa ez bermatzeagatik kondenatuak izan direla adierazi du Amiantoaren Biktimen Euskal Elkarte ASVIAMEk. Osakidetzak laneko gaixotasunak ezkutatu izana salatu dute.
Garbiñe Larreak Kosmetikoak sendabelarrekin liburua argitaratu berri du ARGIArekin. "Egin ezazu zuk zeuk" filosofia kosmetikoen mundura ekarrita, egunerokoan behar diren produktuak egiteko liburu teoriko-praktikoa da. Eskuragarri dago azoka.argia.eus webgunean.
Alfonso Setiey Anitzak elkarteko lehendakariak esan du langile eta informazio falta dagoela, itxaron zerrenda “luzea” dela eta estigmatizazio “handia” dagoela.
Irakasleei oinarrizko yoga formazioa eman, gero gelan ikasleekin aplikatu dezaten, horretan dihardu Maite Eizmendik. Ikasle-irakasleak "lo" iritsi direla eskolara? Jolas-orduaren ostean ezin kontzentratuta daudela? Presio akademikoak itota dituela? Aktibatzeko,... [+]
Larrialdietan bukatu ohi duena ez da 20 kilometroko lasterketa egiteko prestatuta ez dagoelako; alderantziz, kirola egitera ohituta dauden 25-35 urteko gizonak dira gehiengoa, marka egin nahian topera joateagatik. Hala ziurtatu digu Donostiako ospitaleko mediku batek... [+]
Amurrioko anbulatorioko Etengabeko Arreta Gunean ez zen medikurik egon joan den igandean, Aiaraldeak informatu duenez. Hain justu, hainbat bizilagunek sinadura bilketa abiatu dute eskualdean: “Erabat normalizatu da Laudioko zein Amurrioko Etengabeko Arreta Guneetan mediku... [+]
Garbiñe Larreak Kosmetikoak sendabelarrekin liburua aurkeztu du azaroaren 7an Donostian. Azala, ilea eta gorputzeko hainbat atal garbitzeko eta zaintzeko behar ditugun produktuak guk geuk egiteko argibide eta informazio osoa ematen du liburuak. Auzi hau ez da azalekoa,... [+]