Amiantoak eragindako minbiziak gora egin du Europar Batasunean
Eurostaten arabera, 2013tik 2021era bitartean, 13.530 kasu erregistratu zituzten Europar Batasunean. Teorian 2005ean debekatu zuten amiantoaren erabilera, baina mesoteliomaren sintomak ez dira agertzen hamarkada asko igaro arte. Amiantoagatik 700 pertsona baino gehiago hil dira EAEn, eta Nafarroan hildakoen datu zehatzik ez dagoen arren, gai horrek 3.200 langile kaltetu dituela uste da.
Europar Batasunean, soldatapeko lanari lotutako 13.530 mesotelioma kasu aurkitu zituzten 2013tik 2021era bitartean, Eurostaten datuek erakusten dutenez. Lanari hertsiki lotutako minbizien artean nagusi da gaitz hori, birika-minbiziarekin batera. Bigarrenari dagokionez, epe berdinean, 13.944 kasu erregistratu zituzten Europar Batasuneko beharginen artean, mesotelioma kasuak baino 414 gehiago.
Amiantoak eragindako minbizia bat da mesotelioma. Lehen ohikoa zen amiantoa erabiltzea zoruak, sabaiak eta teilatuak egiteko, baina gaur egun, teorian, debekatuta dago substantzia hori.
Italia, Alemania, Frantzia eta Espainiako Estatua, kasu gehien dituzten herrialdeak
2005ean debekatu zuten amiantoaren erabilera Europar Batasunean, baina mesoteliomaren sintomak hamarkada asko pasatu arte ez dira antzematen. Horrela, ehunka kasu identifikatzen dituzte urtean, amiantoarekin kontaktua izan eta bi hamarkada beranduago hainbat kasutan.
2021ean, adibidez, 2.380 pertsona hil ziren mesoteliomak jota Europar Batasunean. Italia, Alemania, Frantziako Estatua, Espainiako Estatua eta Herbehereak buru izan ziren rankingean. Hurrenez hurren 518, 400, 329, 212 eta 173 langile hil ziren herrialde horietan, amiantoak eragindako minbiziagatik.
700 pertsona baino gehiago hil dira Araban, Bizkaian eta Gipuzkoan
ASVIAMIE Euskadiko Amiantoaren Biktimen Elkartearen arabera, gutxienez 768 langile hil dira EAEn amiantoak kutsatuta. Beasaingo (Gipuzkoa) CAF enpresako beharginak omen dira, batez ere, kaltetuenak. CAFeko 56 langile amiantoa zuten trenak desmuntatzeagatik hil dira, amiantoarekin kontaktuan egon ostean. Gainera, hiru beharginen bikotekideek ere galdu dute bizia amiantoak eragindako minbiziagatik, langileen laneko arroparekin denbora luzez kontaktuan egon eta gero.
Nahiz eta ez dagoen Nafarroako datu zehatzik, iaz egindako kalkuluek seinalatzen zuten 3.200 inguru direla amiantoak kaltetutako langileak. Izan ere, horiek dira Nafarroako Osasun Publikoaren eta Lan-Osasunaren erregistroan agertzen diren beharginak, baina gehiago izan daitezke egiaz. Itxura denez, amiantoa duten 6.370.000 metro koadro uralita daude Nafarroa osoan, baita 566 kilometro kanalizazio ere.
Pasaiako Portuko Agintaritza eta Algeposa taldea lan arriskuen babesa ez bermatzeagatik kondenatuak izan direla adierazi du Amiantoaren Biktimen Euskal Elkarte ASVIAMEk. Osakidetzak laneko gaixotasunak ezkutatu izana salatu dute.
Bi urte igaro dira Espainiako Estatuan funtsa sortzeko legea onartu zutela, baina Pedro Sánchezen gobernuak oraindik ez du araudirik garatu eta ez du aurrekonturik funtsa diruz hornitzeko. Espainiako Kongresuan talde politiko guztiek aho batez eskatu diote, berriz ere,... [+]
Irailarekin batera badator ikasturte berriaren hasiera eta milaka haur eta nerabek ikastetxeetarako bidea hartuko dute berriz ere, batzuk pozik, beste batzuk ez hainbeste, baina denek euren azterketak eta lezioak motxilan dituztela. Beste hainbeste espero zitekeen euskal... [+]
Enpresa batzordeak salatu du otsailaren 26tik martxoaren 3ra bitartean amiantoa agertu zela labe kalibratzailean egindako obretan eta egun horietan lanak ez zirela eten. Enpresak azaldu du ohartu bezain pronto hartu zituela neurriak.
Jose Mari Esparza idazle, editore eta ekintzaile menderaezinak bere lanerako txokoan hartu gaitu, Altaffaylla Kultur Elkartea eta Txalaparta argitaletxearen sorlekuan, liburuz inguraturik. Gaztetan 20 urtez aritu zen Luzuriagaren Tafallako fabrikan lanean eta orain berriki... [+]
Beasaingo tren lantokiko hiru nabe amiantoz kutsatuta zeudela jakin eta berrogei egunetara agerraldia egin dute Eusko Legebiltzarrean langileen eta erakundeen ordezkariek. Enpresa Batzordeko kideek salatu dute zuzendaritzak informazio "erabat eskasa" eman diela. Eusko... [+]
Laugarren dibisioko zortzigarren nabean egin diren desmuntaia lanen ondoren gertatu da amianto kutsatzea eta legez onartuta dagoena baino altuagoa izan da neurketaren emaitza. Langileei hartutako sei laginetatik lauk positibo eman dute.
Europar Batasuneko erakundeek adostuta, amiantoaren inguruko zuzentaraua aldatu eta minbizia sortzen duen mineralarekiko gehienezko esposizio-maila murriztu dute ekainean. Horretarako, funtsezkoa izan da Nantesen Tripode izeneko eraikinean frantziar administrazioko langileek... [+]
Europar Parlamentuak eta Europako Kontseiluak akordioa lortu dute amiantoaren inguruko araudia aldatzeko. Langileek mineral kantzerijenoarekiko izan dezaketen gehienezko esposizioa hamar bider jaitsiko dute. Europar Batasunaren arabera eraikuntzaren arloan 7 milioi langile daude... [+]
Legazpiko Patricio Echeverria enpresako langile ohi baten alargunari ere pentsioa onartu diote, senarra amiantoak eragindako gaixotasun batengatik hil zela onartuta.
Euskal Herriko amiantoaren biktimen elkarteak, Asviamiek, mozioa aurkeztu du gai kutsagarri horrek gehien kalteturiko Gipuzkoako eta Bizkaiko sei udalerritan. Egin gabe dagoen eta "beharrezkoa" den lan bat dela dio, "ingurumen-kutsaduragatik amiantoaren biktima... [+]
13 heriotza kontatu dituzte Aiaraldeko udalerri populatuenean. Asviamiek mozioa aurkeztuko du Laudion eta zerrendako lehen 10 postuetan agertzen diren Euskal Herriko udalerrietan.
Espainiako Kongresuan aho batez onartua izan eta gero, Senatura iritsi da amiantoaren biktimei kalte-ordainak emateko funtsaren lege-proposamena. ASVIAMIE amiantoaren biktimen elkarteak azaldu duenez, %90ak ez daki indemnizazio horiek jaso ditzakeenik.