Amazonek Nafarroan “eskala handiko” bi zentral fotovoltaiko eraiki nahi dituela dio
Multinazionalak jakinarazi duenez 72 MWko potentzia izango luketen bi "eguzki parke" edo makro-zentral fotovoltaiko eraiki nahi ditu foru lurraldean, baina ez du kokapenaren berri eman. Industria teknologikoan gehien kutsatzen duen enpresetako bat da Jeff Bezos milioidunarena, eta hori estaltzearen aitzakian berriztagarrien negozioan sartu da azken urteetan.
Amazonek paketeak etxeetarainio eramateko ez ditu soilik biltegiak eta langile prekarioen batailoi andana bat, produktu horiek guztiak alde batetik bestera mugitzeko edo eduki-zerbitzuak eskaintzeko –Netflixekoak adibidez– baditu, baita ere, elektrizitate kontsumo izugarria eragiten duten superordenagailu edo datu-zentroak.
Eta orain, eolikoen eta fotovoltaikoen negozioan sartu da, bere fabrika erraldoien elektrizitate-kontsumoa hornitzeaz gain, ekologismoaren munduan askotan greenwashing bezala salatu izan dena praktikan jartzeko.
Multinazionalak "eskala handiko" bi zentral-fotovoltaiko eraiki nahi ditu Nafarroan, hala adierazi du ohar bidez astearte honetan. Kokapena ez du zehaztu, baina bai gaitasuna: 72 megawatteko (MW) potentzia izango lukete zentral horiek denera.
Espainiako Estatuan eraiki nahi dituen hamabi proiektuen barruan sartu ditu Nafarroako biak. Horrela, Amazonek 596 MW gehitu nahi ditu berriztagarrietatik lorturiko bere energia hornidurara, 2,9 gigawatteraino (GW).
Multinazionalak "eskala handiko" bi zentral-fotovoltaiko eraiki nahi ditu Nafarroan, hala adierazi du ohar bidez astearte honetan. Kokapena ez du zehaztu, baina bai gaitasuna: 72 megawatteko (MW) potentzia izango lukete biek batera
Oharrean, multinazionalak azpimarratu du mundu osoan eolikoen eta fotovoltaikoen 500 proiektu baino gehiago dituela abian eta bere asmoa dela 2025ean erabiltzen duen elektrizitatearen %100 berriztagarrietatik eratorria izatea: "2023an, laugarren urtez, energia berriztagarriaren munduko erosle korporatibo handiena bihurtu gara", dio.
Big tech kutsatzaile handietan handiena
Halako proiektuekin, tokian-tokiko ekonomiari ekarritako "onurak" eta lanpostuen sorrera ditu aipagai Amazonek. Gauza bera azpimarratu zuen 2022an, 2021ean eta 2020an, bere webguneko prentsa-aretoan irakur daitekeenez. Albiste horiek aldian-aldian agentzien bidez hedatzen ditu enpresa erraldoiak.
Aitzitik, Bezosen konpainiak jarraitzen du sortzen duen kutsadura ikaragarria gutxitu ezinik. Global Action Plan GKEak berriki egindako txosten batek dio, munduko bost big tech edo konpainia teknologiko handienek (Amazon, Meta, Alphabet, Apple eta Microsoft), milaka milioi euro bideratzen dituztela euren karbono aztarna gutxitzeko ekintza-plan absurduetara, baina gero eta gehiago kutsatzen jarraitzen dutela.
Zehazki, hegazkinen sektoreak baino karbono gehiago kutsatzen dute enpresa horiek –mundu mailako CO2 isurien %2 eta %3 artean–, hiperkontsumoa bultzatzen dutelako eta online publizitatearen bidez ere sekulako energia gastua eragiten dutelako.
Enpresa horien artean, gainera, Amazon da gehien kutsatzen duena. 2021ean, adibidez, urte osoan 900 hegazkin etengabe munduari bueltaka ibiltzea baino gehiago kutsatu zuen.
Euliak besteen buztanaz haizatzen
Amazon multinazionalak azken urteetan ahotan darabiltzan fotovoltaikoen proiektu horietako asko ez dira bere jabetzakoak, ezta Amazon Web Services bere zerbitzu-filialarenak ere.
Amazonek ahotan darabiltzan fotovoltaikoen proiektu horietako asko ez dira bere jabetzakoak: inbertsioa "energia erosketa akordioen bidez" egiten du, 'La Marea' egunkariari azaldu dionez.
La Marea egunkari madrildarrak egindako ikerketa baten arabera, sarritan gertatzen da Espainiako Estatuan publikoki iragarritako proiektuak berez izatea berriztagarrien sektorean dabiltzan beste multinazional batzuenak –Solarcenturyrenak kasu, gero Statkraften esku geraturiko enpresa–.
Hala, inbertsioa berez "energia erosketa akordioen bidez" egiten du, egunkari horri Amazonek berak azaldu dionez, eta ez zentral fotovoltaikoak zuzenean eraikita, nahiz eta ondoren horren "onurak" publizitatzen dituen.
"Ekintza hauek guztiak, munduko enpresa kutsatzaileen greenwashing kanpaina erraldoi baten barruan kokatzen dira", dio La Marea-k.
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Urtarrilaren 16an, Madrilgo administrazioko Trantsizio Energetikorako Ministerioak irrikaz eta kezkaz itxaroten genuen “Itsaraz” proiektuaren gaineko ingurumen-inpaktu adierazpena argitaratu zuen. Ebazpenak makroproiektu honen aurkako erabaki irmoa bezain argia... [+]
“Urumeako mendiak bizirik” herri-ekimenak jende andana elkartu du Hernaniko plazan. Mendi horietan egin nahi dituzten bi makroproiektu eolikoen berri eman du, ekarriko lituzketen kalteak azaldu ditu eta Urumea bailarako eta inguruetako herritar guztiei dei egin diete... [+]
Nafarroan eraikitzen ari den tren lasterraren langileak esklabotza egoeran ari direla salatu du AHT Gelditu elkarteak Iruñean emandako prentsaurrekoan.
Añana eta Trebiñuko kuadrilletako ordezkariek eta Arabako nekazari eta abeltzainek salatu dute "mespretxu instituzional izugarria" jasaten dutela AHTren lanak direla-eta. Denera bi miloi metro koadrotik gora "lur emankor" desjabetuko dituzte... [+]
Valentziako tanta hotzaren ondoren hondamendiaren itzala beste leku batzuetara ere hedatu da: zer gertatuko litzateke horrelako denborale erraldoi batek Esako urtegi handitua kolpatuko balu? Eutsiko ote lioke presak? Urak gainezka egingo ote luke? Galderak hor daude eta... [+]
Zirkulazioan lehentasunek garrantzi handia dute. Gidatzeko ikasten dugun lehen gauzatakoak dira: biribilguneak eta STOPak menperatu ezean nekez lortuko dugu gidabaimena.
Hala ere, lehentasunak ez dira kontu neutroak, eta historiak eta interes kontrajarriek aldatu izan... [+]
Espainiako Gobernuko Trantsizio Ekologikorako eta Erronka Demokratikorako Ministerioak atzera bota du Statkraf multinazionalak Araba eta Gipuzkoa artean eraiki nahi zuen Itsaraz parke eolikoa.
Azken asteotan Castejón-Soria trenbidea berreskuratzeko eta Tuterako tren-geltokia gaur egun dagoen tokian mantentzeko edo, Nafarroako Erriberako hiriburuan Abiadura Handiko Trenaren ustezko geralekuak aitzakiatzat hartuta, hirigunetik kanpo beste bat egiteko... [+]
Garai aproposa izaten da urteburua iraganeko lorpenak goraipatzeko eta, are gehiago, etorkizuneko asmo-usteak aldarrikatzeko. Eta halatsu da Txinan ere, alafede. Bide batez, ez da harrigarria abenduko azken orduetan, aurreikusitako planari aurrea hartuz, Xinjiangeko Urumqi-Yuli... [+]
Suhiltzaileek beste sute bat itzali behar izan zuten abenduaren 27an Zubietako erraustegian.
Frantziako Gobernuak Espainiakoari baieztatu dionez, Abiadura Handiko Trena ez da Hego Euskal Herrira iritsiko (Irungo loturara) gutxienez 2042 urtera arte. Ez dago Parisen lehentasunen artean.
Eusko Jaurlaritzaren esku geratu dira beste bi eskumen: Itsasertzaren Antolaketa eta Kudeaketa, eta Zinematografia eta Ikus-entzunezko Jarduera. Astelehenean bildu da Transferentzien Batzorde Mistoa, Madrilen, eta han adostu dute bi eskumen horiek EAEra eskualdatzea.
Ezkeltzun eraikitzekoa zuten parke eolikoaren egitasmoa, momentuz ez dute gauzatuko. 2022ko otsailean jakin zen Ezkeltzun parke eolikoa eraikitzeko zegoen asmoa. Hortik aurrera, ibilbide bat egin du gaiak, baina badirudi, momentuz, proiektuak ez duela aurrera egingo. Hala... [+]
Ribabellosan 300 megawatioko gaitasuna duen eskala handiko datu zentroa eraikitzen ari da Merlin Propertiers enpresa madrildarra. Milaka milioi euro ari da gastatzen Iberiar Penintsula osoan, ustez puntako teknologia “jasangarria” duten baina elektro-intentsiboak... [+]