(Ez) amatasunen inguruko korapiloak askatzen hasi dira hainbat feminista
Donostiako Tabakalera feministen elkargune izan da asteburuan: ostirala eta larunbata oso-osorik bideratu dituzte amatasun askotarikoei eta ez amatasunei buruz hausnartzera. Amatasunaren gainean korapilo sorta identifikatu dute, eta horietako zenbait askatzeko lanari ere ekin diote. Hemendik aurrera landu beharreko ildoak ere identifikatu dituzte.
(Ez) amatasunak ikuspegi feministatik: desegin, egin, berregin jardunaldietako aforoa beteta, dozenaka emakumek egin dute bat Donostiako Tabakaleran azaroaren 11 eta 12a bitartean. Helburua: ikuspegi feministatik aztertzea amatasun eredu askotarikoak eta ez amatasunak, eta baita ere feminismotik amatasunaren gaineko hausnarketa kolektiboa gauzatu eta diskurtsoa eguneratzea.
Jakinik gaia konplexua dela eta bere osotasunean lantzeak asteburu bat baino epe-tarte askoz zabalagoa eskatuko lukeela, jardunaldien antolatzaile Emagin Elkarteak hasieratik alboratu zuen halako helbururik xedatzea. Alabaina, jardunaldiei ahalik eta etekin gehien ateratzeko asmoz, elkarteko kideek aurre-lanketa egin zuten, denbora-tarte murritzean egingo zen gaiaren gaineko hausnarketa efizientea izan zedin bilatuz: gertuko hainbat kiderengana jo zuten galdegiteko nola bizi duten edo bizi izan duten beraiek amatasunaren gaia, eta jasotako erantzunen bitartez saiatu dira auziaren ertz ezberdinak identifikatzen. Jardunaldien egitaraua osatzeko hainbat pista eman zien prozesu horrek, amatasunaren gaineko zenbait korapilo identifikatzea ahalbidetu baitzien. Horiek askatzen hasteko ez ezik, korapilo gehiago identifikatzen jarraitzeko baliatu dute Donostian egindako hitzordua, hori baitzen helburuetako bat. Hala adierazi zuen Miren Aranguren Emagineko kideak jardunaldien bezperetan ARGIAri eskainitako elkarrizketan: “Lan dezente daukagu askatu nahi ditugun korapiloak zein diren identifikatzen, eta hein handi batean hori da jardunaldien helburua”. Dituen korapilo guztiak identifikatu ezean, mataza bat ezin baita erabat askatu.
Orotara hamabi korapilo identifikatu dituzte parte hartzaileek, Berriak jaso duenez. Ama izateko edo ez izateko hautuaren gainean ostiralean burututako eztabaidatik atera zituzten, eta ipar-orratza bailitzan, jardunaldiei itxiera eman artean Tabakalerako Prisma aretoan idatzita egon dira: "Iruditeria berriak", "Mugimendu feminista eta hazkuntza prozesuak nola uztartu?", "Erditzen diren gorputzen beharrak", "Gizonen absentzia", "Bakardade eta indibidualizazioaren aurrean, hazkuntza komunitarioa", "Ez-amatasun kontzienteak", "Nola aurre egin epai sozial, barne-epai eta erruduntasun sentimenduei?", "Gure desioak eta hautuak problematizatzen", "Denboraren antolaketa", "Mugimendu feministan zein espazio behar ditugu honi buruz hausnartzen segitzeko?", "Gurasotasun bolleroak" eta "Erreprodukzio biologiko eta hazkuntza prozesuetan zer utzi nahi dugu publikoaren/merkatuaren esku?".
Korapilo horietako bakoitzari begira jarri zen lantalde bana igande eguerdian, korapiloaz hausnartu eta berau askatzeko estrategiak zirriborratzen hasteko. Aipatutako azken korapiloari ez zion ezein lantaldek heldu, baina gainontzekoak askatzeko prozesuan bai eman dituzte lehen urratsak. Hazkuntza komunitarioa bultzatzea familia nuklearrean oinarritutako hezkuntzaren aurrean, amatasunaren gaineko iruditeria berrien eraikuntza, ama izateko desira patriarkatuaren eraginpean ulertzea, amek egiten dituzten lanak ikusgai bilakatzea, genero rolen araberako gurasotasunak deseraikitzea... aurrera begirakoan landu beharreko hainbat ildo identifikatu dituzte.
Xumea, alaia eta energia handikoa da Olga Garate (Iruñea, 1964). Bizikletan ibiltzea dauka pasio eta familia da bere lehentasuna. Erizain laguntzailea da, eta lana “izugarri” gustuko duen arren, behin betiko lanerako ezintasuna eman diote, minbizi kronikoa... [+]
Nobel Akademiak iragarri ditu Medikuntzako, Fisikako eta Kimikako aurtengo irabazleak. Zazpi dira, eta zazpiak, gizonak, denak zuriak, eta AEB edo Erresuma Batukoak. Guztiz bete da, beraz, egun batzuk lehenago Nature aldizkariak egindako iragarpena. Aurreko urteetako irabazleen... [+]
Gasteizko Izaskun Arrue Kulturguneak (IAK) eta UEUk elkarlanean Euskaldunentzako Jabetze Eskola martxan jarriko dute, euskaldunok ahaldundu, eta ondorioz, jendartea eraldatzeko asmoz. Aurkezpen hitzaldia urriaren 30ean egingo du Garikoitz Goikoetxeak. "Hizkuntzaren... [+]
Hau irakurtzen duzunerako, ez dakit zenbat herri izango ditudan bihotzean eta zenbat gogoeta buruan. Idatzi hau bidali baino lehen, izan naiz Arantzan, Tolosan, Elgoibarren eta Ondarroan, Hausnarrean liburua aurkezten.
Sare Elkarteak antolaturik chemsex fenomeno soziokulturalaren inguruan mintzatzeko jardunaldiak antolatu dituzte Iruñean.
Honakoa dio Arartekoak argitaratu duen ikerlanak. Jarrera matxisten inguruko azterketak Euskadiko nerabe eta gazteetan jarri du fokua. Diskriminazio gehien gertatzen diren espazioak kalea eta sare sozialak dira.
Sortzez Hazparnekoak (Lapurdi) ez badira ere, berrogei urte baino gehiago daramatzate Étienne Arburua haltsuarrak eta Cathy Arrotcarena hoztarrak Hazparnen bizitzen, eta urteak dira elkar ezagutzen dutela. Itsuak dira biak, eta larunbatero Angelura (Lapurdi) joaten dira... [+]
Maule, 1892. Zaraitzu ibarreko zortzi emakume espartingile Zuberoako hiriburutik etxera abiatu ziren, baina bidean, Larrainen, elurteak harrapatuta, hotzak hil omen zituen denak. Zortzietatik zazpiren izenak iritsi zaizkigu: Felicia Juanko, Felipce Landa, Dolores Arbe, Justa... [+]
Hainbat saio zuzenduko ditu Col·lectiu kooperatibak urriaren 1, 2 eta 3an, eta espazio publikoetako segurtasun-pertzepzioan eragina duten elementu fisikoak eta sozialak identifikatzea izango dute helburu.
New York, 1870eko apirilaren 2a. New York Herald egunkariak Victoria Woodhull (1838-1927) ekintzaile eta brokerraren eskutitz bat argitaratu zuen, 1872ko AEBetako presidente hauteskundeetarako hautagaitzaren berri emanez. Inoizko hautagai gazteena zen; 34 urte izango zituen... [+]
Egun osoko egitarauarekin elkartuko dira, eta Euskal Herria feministaranzko bidean, nondik, nora eta nola trantsitatu nahi duten zehazten jarraitzeko konpromisoa berretsi nahi dute.
Musikan inoiz ez dela diskriminaziorik egon adierazi du Alex Sardui abeslariak, eta haserre erantzun diote Euskal Herriko musikagintzako emakumeek*, 150 lagunek sinaturiko komunikatuan: “Denbora asko daramagu tankera honetako egoerekin nazkatuta”. Barkamena eskatu du... [+]