‘Amapatxa’ liburu-egitasmoa, Amazoniako Shipibo-Konibo komunitatea laguntzeko asmoz
Ion Brakamonte Unanue zumaiar musikari eta irakasleak ia Amerika osoa zeharkatu zuen bi urte eta erdiz (2018-2021), Argentinatik hasi eta AEBetara arte. Bidaiaren bizipenak biltzen dituen Amapatxa. Amets bat, bide bat liburua kaleratzeko crowdfundinga jarri du martxan. "Pandemiagatik umezurtz geratu ziren Peruko Amazoniako Shipibo-konibo komunitateko umezurtzak eta hango emakumeen ahalduntzerako proiektuak" laguntzeko asmoa du proiektuarekin.
Amerikan barrena egin zuen bi urte eta erdiko bidaian ikusi eta bizi izandakoak eguneroko batean jaso zituen zumaiarrak eta horretan oinarrituta idatzi du liburua. Hamahiru herrialde zeharkatzearen esperientziaren bitartez, "nahi dut jendeak ikustea zer bizimodu desberdin dauden hemendik kanpora, eta nola bizi daitezkeen gauza gutxiagorekin", adierazi dio Baleike hedabideari. Liburuari azken ukituak ematen ari zaio, eta bien bitartean liburu-egitasmoa aurrera ateratzeko diru-bilketa abiatu du crowdfunding plataforma baten bitartez. Gipuzkoako Aldundiak onartu zuen Piztu Meta programaren barruan; eta hala, diru-bilketan lortutako euro bakoitzeko, Aldundiak beste euro bat jarriko du.
Proiektuaren irabaziak Amazoniako Shipibo-Konibo komunitateko umezurtzentzat bideratuko ditu. "Amazonia gero eta ahulago dago eta zuhaitz mozketa masiboak egiten ari dira; ondorioz, bertan bizi direnek, animaliak barne, gero eta zailtasun gehiago dituzte janaria lortzeko. Horrek pobrezia areagotu du, lehen ez zeuden gaixotasunak ere agertzen ari dira eta pandemiak izugarri jo du komunitateetan. Haur asko umezurtz geratu dira, pandemiak familiarik gabe utzi dituztelako", dio Brakamontek. Proiektuaren beste helburua da komunitateko emakumeak laguntzea, Alianza Arkana taldeak sustatutako Kene Nete ekimenaren bitartez, sortzen dituzten artea, diseinua, moda eta komunikazio proiektuei ekarpen ekonomikoa eginez. "Emakume gazteek ikasketekin jarrai dezaten eta beren artearekin bizimodua aurrera atera dezaten; eta hala mehatxatuta dagoen beren kulturak bizirik jarraitzeaz gain, emakumeen ahalduntzea bilatzen dute".
Texas Observer AEBetako irabazi asmorik gabeko hedabide aurrerakoi bat da, 1954an sortua. 2022ko udazkenean, Elon Muskek Twitter erosi zuenean, Mastodoneko zerbitzari propio bat (texasobserver.social) sortu zutelako egin ziren ezagunak sare sozial libre eta deszentralizatuen... [+]
Crowdfounding bidezko diru bilketak 40.000 euroko langa gainditzeko asmoa dute elkartekoek. Dirua furgoneta bat erosteko da, horrek Lesbos irlan (Grezia) dauden errefuxiatuei janaria banatzea ahalbidetuko dielako.
Artean (Bizkaia) dagoen Etxebarrie baserri agroekologikoko kideek SOS deia zabaldu zuten abendu amaieran, iraileko sute batek etxaldearen bizibidearen oinarrietako bat den ogitarako instalazioa kiskali ziela eta. Orain jakinarazi dute 7.000 euro bildu dituztela crowdfundingean... [+]
Bilboko Zirika! gune autogestionatuak jendartearen babes ekonomikoa eskatu du, proiektua sendotu ahal izateko. Gunean hobekuntzak egin nahi dituzte, “praktikoagoa, irekiagoa eta hobea” izateko.
Musikari ezagunak parte hartzen ari dira kanpaina berri honetan. Karena.eu atarian antolatu dute crowdfunding kanpaina, eta 9 egun falta direnean, oraindik ez da beharrezkoa den diru kopurua bildu.
Donbass: Gerra Europaren bihotzean dokumentala kaleratzeko diru bilketa martxan jarri du ARGIAk Karena.eu plataforman. Ibai Trebiño eta Mikel Arregi kazetariek Ukraina, Krimea eta Donbassen jaso dituzten lehen eskuko testigantzetan oinarrituta dago lana.
Eredu ekonomiko alternatiboa sustatzen duten Euskal Herriko enpresa, entitate eta ekimenak bilduko ditu Batura proiektuak mapa horretan. Abian jartzeko gutxienez 7.000 euro behar dituzte. Helburu horretara heltzeko crowdfunding kanpaina hasi dute.
Gure kabuz ala hil dokumentalaren bidez “kapitalismoaren logikatik kanpo” eta “autogestioan oinarritutako” proiektuak ezagutarazi nahi dituzte. Ikus-entzunezkoa finantzatzeko crowfounding kanpaina abiarazi dute sei gaztek.
"En tierra hostil" saioaren parodiek lortu duen eraginaz baliatuta, 500 akziodun lortzeko kanpaina abian jarri du agerkari digital nafarrak. Helburua Ahotsaren bideragarritasuna bermatzea eta tresna indartsuago bat eraikitzea da.
Kortxoenea, irautea sortzea delako dokumentala egiteko diru bilketa abiatu dute Karena Crowdfunding gunean. Eraikinaren historia kontatzearekin batera, egun hiriko gune autogestionatu horren proiektua azaldu nahi dute egileek.
Ibai Agirrebarrena baionarraren egitasmoa da erreportajea. Euskal Herriko gatazkaren parte izan diren hainbat pertsona elkarrizketatuko ditu Jauzia izeneko lanean. Dagoeneko martxan dago ekimena finantzatzen laguntzeko crowdfundinga, Arnasa Luzea plataforman.
Bizi! kolektiboak jakinarazi du jendeen borondatezko diru-laguntzekin 61.000 euro biltzea lortu duela eta dagoenekoz bere militanteak lanean ari direla datorren ekainetik irailera Europan barrena 5.000 kilometro burutuko dituen Alternatiba Itzulia prestatzen.
Euskal iheslarien bizipenak ezagutarazteko Kaxa hutsak ikus entzunezko egitasmoa jarri du martxan Bostok Photo argazki kooperatibak.
Finantzaketa kolektiboari oztopoak jarri nahi dizkio Espainiako Gobernuak ostiraleko Ministroen Batzordean. Hainbat erakunde sozial eta politiko aurka agertu dira, crowdfounding-a baita askoren diru-sarreretarako bidea.
"Gasteizko euskararen ahotsak" proiekturako crowfunding-ak 4.000 euroko aurrekontuaren %80 inguru eskuratu du hilabetean. Sei egun geratzen dira falta den dirua biltzeko. Ahotsak.com-ek azken bultzada ematen laguntzeko deia egin du.