Alvaro Camposek energiari buruzko hitzaldia emango du urriaren 24ean Zizurkilen
"Sare elektrikoak eta lurraldea: sistema energetikoa eztabaidagai" hitzaldia emango du Euskal Herriko Unibertsitateko ikertzaile eta irakasleak. Herribizigune eta Ezkeltzu Bizirik taldeek elkarrekin antolatu dute hitzaldia.
Ingenieritza Termikoan da doktorea Alvaro Campos. Euskal Herriko Unibertsitateko ikertzaile eta irakaslea izateaz gain, lurraldearen defentsarako hainbat plataformetan hartzen du parte.
Infografiez eta irudi bidez lagunduta emango duen hitzaldian, era oso ulergarrian azaltzen du nola dagoen sare elektrikoa antolatuta: energia sortzen denetik herritarrek etxean argia pizten duten arte zein den argindarrak egiten duen bidea, urrats bakoitzean zein diren eragileak eta jabeak...
Energia berriztagarriak zer diren ulertzeko eta hainbat logikaz hausnartzeko bidea emango du hitzaldiak: tokian tokiko energia berriztagarriek zer logikari jarraitzen diote? Eta berriztagarrien makroproiektuek? Energia eredu bera dira? Bateragarriak dira?
Camposek gazteleraz emango du hitzaldia, azalpen teknikoak euskaraz adierazteko besteko segurtasunik sentitzen ez duelako. Euskaraz primeran ulertzen du eta entzuleek aukera izango dute nahi duten hizkuntzan zuzenean galderak egiteko.
Herribizigune eta Ezkeltzu Bizirik taldeek elkarlanean: herritarrei egindako galdeketen emaitzak plazaratuko dituzte
Hitzaldia urriaren 24an, osteguna, 19:00etan Zizurkil behean izango da, Atxulondo kulturgunean.
Herribizigune eta Ezkeltzu Bizirik taldeek antolatu dute, elkarlanean. Herribizigune kooperatiba Zizurkil herri bizia izan dadin ari da lanean, esaterako, bertako eta gertuko laborarien elikagaiak herritarren eskura jartzen ditu. Ezkeltzu Bizirik taldea Green Capital enpresak Ezkeltzu gainean egin nahi duen 200 metroko lau haize-errotako makroproiektuaren aurka ari da lanean.
Energiaren gaian, Zizurkilen energia komunitatea aktibatu nahi dute bi taldeek elkarrekin eta horretarako lehen urrats modura herritarren artean galdetegi bat zabaldu dute. Elkarrekin egingo duten bigarren ekitaldia hitzaldi hau izango da, herritarrak energiaren gaiaz informatzeko eta eztabaida plazaratzeko. Hitzaldi honetan emango dute herritarren artean zabaldutako galdetegiaren emaitzei buruzko informazioa.
Arratzua-Ubarrundiako "Proiektu honi ez!" plataformak adierazpen hau kaleratu du, udalerri horretako EH Bilduko hiru zinegotziek dimisioa aurkeztu berritan. Izenburu hau darama testuak: "EH Bilduren moketako politika edo Iparra nola galdu".
Arratzua-Ubarrundia (Araba) herriko EH Bilduko hiru zinegotziek dimisioa eman dute Solariaren zentral fotovoltaikoagatik. Hau da hiru zinegotziek, Txetxu Zengotitabengoak, Laura Sanchok eta Javier Ruiz de Arkautek, herritarrei zuzendu dieten agur mezua.
Eusko Jaurlaritzak eta Arabako Foru Aldundiak Datu Zentroen instalazioei ateak irekitzen dizkiete horiek arautzeko legedia sortu aurretik. Bilbao-Arasur Dantu Zentroarekin, bere lehen fasea gauzatuta, eta instalatzea amesten duen Solariaren Datu Zentroarekin, 110.000 m2... [+]
Otero jauna, garai honetan artzain honek ez du tarte handirik izaten ezertarako, justuan ibiltzen naiz, baina gaurkoan ezin utzi erantzun gabe zure azken kolaborazioa. Izan ere, sortu didan egonezinak pisua du. Haserrea ere astuna egiten zait. Ez pentsatu, ordea, dela zenbait... [+]
Martxoak 15 goizean elurrak zuritu zuen Arano. Bertako herritarrek eta ingurutik eta ez hain ingurutik bildutakoek bete zuten plaza eta elkartasunaren beroan gozatu zuten eguna: Urumeako mendietan ezarri nahi duten Euskal Herriko zentral eoliko handienaren kontrako protesta izan... [+]
Susmoa dut komunitatea hustuketa prozesu betean dagoela, eta beldur naiz, beste askori gertatu eran, mamirik gabeko bilgarri ez ote den bilakatuko, jada bilakatu ez bada. Ikustea besterik ez dago, komunitatearen izaera holistikoa gero eta modu lausoagoan heltzen da, eta Che... [+]
Herriko EH Bilduko zinegotzi eta legebiltzarkide den Ander Goikoetxeak egindako galdera parlamentario bati Jaurlaritzak emandako erantzunaren bidez jaso informazioa hau. Bi haize sorgailu ezartzeko asmoa dago eta Cluster Hernani izeneko proiektu zabalago baten barruan kokatzen... [+]
Cefiro Holdco enpresak "Domiko" deitu dion eta bederatzi makroeoliko izango lituzkeen proiektua jarri nahi du Lesaka eta Goizuetako lurretan eta ebakuazio-linea Oiartzungo azpiestaziora bideratuko luke. Espainiako Gobernuak du proiektu hau tramitatzeko eskumena.
Bolo-bolo dabil energia berriztagarrien hedapenaren inguruko eztabaida. Sarri askotan, iritsi den proiektu zaparrada desordenatuak eragindako artegatasunak bultzatuta, albiste zein iritzi-artikulu mordoaz gain, hitzaldiak, eztabaidak, mahai inguruak, bideo emanaldiak eta abar... [+]
Komunitatea bildu, pilpilean dauden gaiez hitz egin, informazioa trukatu eta beste herrien esperientziak ezagutzea da herritar kritikoek egiten duten lehen ekintza, makroeoliko bat herrian jarriko diotela jakiten duenean. Halaxe egingo dute martxoaren 13an Andoainen: mendi... [+]
Laudion, Aiaran eta Okondon izango du eragina energia azpiegiturak eta plataformaren aburuz, proiektuak eta ingurumen-inpaktuaren azterketak gabezia garrantzitsuak dituzte.
Makroproiektu "berriztagarriek" sortzen dituzten ondorioak filmatu ditu Vidas irrenovables (Bizitza ez-berriztagarriak. Euskarazko eta frantsesezko azpitituluak prestatzen ari dira) dokumentalean Extremadurako (Cabeza del buey, Espainia, 1985) landagunean hazitako... [+]
"(Oiongo osoko bilkuraren) helburua argia da, legez legitimatzea tramitazioan irregulartasun nabarmenak dituzten megaproiektu energetikoak"
Joan den asteazkenean egun gogorra eta desatsegina bizi izan genuen, ez bakarrik Labrazarentzat, baita zentral eoliko,... [+]
Abenduaren 20an Eusko Jaurlaritzak planaren behin-behineko bertsioa onartu zuen eta gaitasun “baxu eta ertaineko” eremu ugari gaitasun “ertain eta altukoak” bezala ageri dira orain.