Altsasuko udalbatzak bat egin du “atxilotutakoen familien sentipenarekin”
Ferietako liskarra eta ondorengo atxiloketak direla eta, hamairu zinegotzitik hamabik, erakunde-adierazpena onartu du ezohiko bilkuran eta manifestazioa deitu dute azaroaren 26rako.
Geroa Baik, EH Bilduk, zinegotzi sozialistek euren izenean eta ez alderdiarenean eta Goazen Altsasuk aldeko botoa eman dute. Kontra UPNko zinegotziak bozkatu du. Alderdi eta koalizioetako bozeramaileen artean, txandaka, irakurri dute onartutako testua.
Altsasuko Udalak, lehenik eta behin, “astelehenean atxilotutakoen familien sentipena gure egiten dugu; defentsarik gabe, babesgabe, eta seme-alaben etorkizunagatik oso kezkatuta sentitzen dira, gertakariak gehiegi puztu direlako eta Auzitegi Nazionalak gertakariak terrorismo ekintzatzat jotzean neurri gabeko zigorrak bete ditzaketelako”.
Hori dela eta, Altsasuko Udalak Nafarroako erakunde guztiei (gobernua, legegilea eta epaitegiak) babesa” eskatu die gertakariak Iruñeko 3. zenbakidun Instrukzio Epaitegian epaitu daitezen. “Han hasi zen instrukzioa eta han dago Foruzaingoaren txostena, bera izan baitzen auziaren ardura hartu zuena eta auzian eskuduna dela uste dugu”.
Altsasuko Udalak epaileen erabakiei errespetua adierazi die, baina gertakariei “terrorismo delitu” zigor-kalifikazioa ematearekin ados ez dagoela gaineratu du. Udalak nabarmendu du atxiloketak egitea ez zela beharrezkoa. Akordioan Altsasuko Udalak “herrian bakearen eta bizikidetzaren aldeko apustua” berresten du, “elkarbizitza horretan aurrera egiteko elkarrizketa eta guztion ardura-jarrera indartuz”. Aldi berean, udalak “erabateko arbuioa” azaldu du “gure herriaz eman den irudiaz, ez baitu errealitatearekin zerikusirik”. Aipatu hedabideetan gazteen bizitza pribatuari eta adin txikikoei buruzko informazioekiko ere arbuioa azaldu du Altsasuko Udalak.
Deialdia
Manifestazioa larunbatean, 12:00etan, aurkeztuko da, Iortia kultur gune pareko plazan. Jende asko bildu nahi duen prentsaurrekoa izan nahi du eta altsasuarrak hartan parte hartzera deitu dituzte.
Albiste hau Guaixek argitaratu du eta CC-by-sa lizentziari esker ekarri dugu ARGIAra
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.
Estrasburgoko Auzitegiak onartu egin ditu Altsasuko kasuan kondenatu zituzten zortzi gazteetatik biren defentsek aurkeztu zituzten errekurtsoetako batzuk eta aztertuko du ea epaiketa justu bat izateko eskubidea urratu zitzaien.
Asteartean onartu diete hirugarren gradua Altsasu auzian auziperatutako Jon Ander Cob eta Julen Goikoetxeari.
Duela lau urte “batzuek” erabaki zuten lehen lerro politiko eta mediatikora eramatea, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu zuen... [+]
Duela lau urte “batzuek” erabaki zuten lehen lerro politiko eta mediatikora eramatea Altsasu, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu... [+]
2019ko urriaren 17an, Ertzaintzak 21 gazte atxilotu zituen Altsasuko gazteen eta Kataluniako independentziaren aurkako sententziak salatzeko Ernaik deitutako mobilizazioetan. Atxilotuetako hamabost deklaratzera deitu dituzte orain.
Altsasuko gazteak, haien gurasoak eta Altsasukoak Aske herri plataformako kideak hedabideen aurrean agertu dira lau urteko ibilbidean gazteen auzian elkartasuna azaldu duten guztiei eskerrak emateko. Etapa bat ixteko garaia dela adierazi dute.
Giza Eskubideen Europako Auzitegian helegiteak aurkeztu dituzte auzipetuen abokatuek. Tramiterako onartzeko zain daude.
Auzipetuen egoera nabarmen aldatu delako, Altsasu Gurasoak taldeak eta Altsasukoak Aske herri plataformak ostiralero elkarretaratzeak egiteari utziko diote. Kontzentrazioei amaiera emateko ekitaldi berezia antolatu dute ostiralean.
Irteerak egiteko baimenik ez zuten Altsasu auziko bi gazte bakarrak ziren. Auzitegi Nazionaleko Espetxe Zaintza Epaitegiak hirugarren gradua ukatu die, baina 100.2 artikulua onartu.
