Defentsek bi epaile arbuiatu dituzte, Altsasuko liskarretik bi urtera
Jada 700 egun daramatzate preso Adur, Jokin eta Oihanek, eta preso dauden zazpiei omenaldia egin zaie asteburuan. Gazteen defentsaren abokatuek apelazio helegitea aztertu behar duten hiru epaileetatik bi errekusatu dituzte, besteak beste, Guardia Zibilak kondekoratuak direlako.
Lanorduetatik kanpo zeuden guardia zibilen eta herritarren artean izandako liskarra egon zela jakina da, baina gertakizunaren kontaketak guztiz ezberdinak dira. Bere bertsioa zabaltzen lehena Espainiako Gobernu Ordezkaritza izan zen: “Herritar talde handi batek eraso egin zien”. Zenbait espainiar hedabidek ere sekulakoak bota zituzten, terrorismoari gorazarre egitea leporatuz. Ildo honetan, batekoen eta bestekoen aldetik erreakzio soka luzea etorri zen.
Gertaerak terrorismo gisa kalifiktu zituen hasieran epaile instruktoreak, baina azkenean erasoak, mehatxuak eta desordena publikoengatik 13, 12 eta 9 urteko espetxe zigorrak ezarri zizkieten sei gazteri eta 2 urtekoa beste bati. Gaur-gaurkoz, aldiz, zazpi gazteak espetxean dira; Adur, Jokin eta Oihanek ia bi urte, eta Iñaki, Julen, Aratz eta Jonanek lau hilabete pasatxo.
Altsasuko Gurasoak egitasmoak bi ekitaldi antolatu zituen pasa den asteburuan Altsasun. Lehena larunbatean, udaletxe parean kontzentrazio jendetsu bat burutu zuten. Eta igandean, Altsasuko Burunda frontoian gazteak berriz omendu ostean, bideo-emanaldia izan zuten. Ordura arte jazotakoa biltzen zuen bideo bat eta altsasuarren iritzia biltzen duen beste bat proiektatu zuten.
Defentsek bi magistratu arbuiatu dituzte
Jose Ramon Navarro–ponentea– eta Eloy Velasco epaileak apelazio helegitearen azterketatik at uzteko eskatu dute defentsa abokatu gehienek. Lehenago ere, eskatu zuten gauza bera epaiketa bideratu zuen Concepción Espegel magistratuaren aurka, baina ez orduan ez orain ez zen defentsen eskaera onartu.
Eloy Velascori dagokionez, gainera, defentsak azpimarratzen du hainbatetan egin dituela deklarazioak kasuari lotuta eta bere iritziak ez diola uzten inpartziala izaten auzi honetan. Esaterako, aurtengo martxoan adierazi zuen Auzitegi Nazionalak Nafarroako Auzitegiak baino hobeto ezagutzen dituela terrorismo kasuak. Bi erakundeek izan zuten lehia auzia epaitzeko eta botere judizialak Auzitegi Nazionalean epaitzearen alde egin zuen azkenean.
Igandeko zenbait irud ikus daitezke ondoko txioan:
https://twitter.com/Altsasugurasoak/status/1051627925408272384
Adur Ramirez de Aldaren ama Bel Pozuetak EITBri eginiko adierazpenak beste honetan:
https://twitter.com/eitbAlbisteak/status/1051561038376853504
Altsasu gurasoek igandeko bideo emanaldian proiektatutako altsasuarren iritzia biltzen duen bideoa:
https://www.youtube.com/watch?v=FK77fqTSsHw&feature=youtu.be
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.
Estrasburgoko Auzitegiak onartu egin ditu Altsasuko kasuan kondenatu zituzten zortzi gazteetatik biren defentsek aurkeztu zituzten errekurtsoetako batzuk eta aztertuko du ea epaiketa justu bat izateko eskubidea urratu zitzaien.
Asteartean onartu diete hirugarren gradua Altsasu auzian auziperatutako Jon Ander Cob eta Julen Goikoetxeari.
Duela lau urte “batzuek” erabaki zuten lehen lerro politiko eta mediatikora eramatea, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu zuen... [+]
Duela lau urte “batzuek” erabaki zuten lehen lerro politiko eta mediatikora eramatea Altsasu, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu... [+]
2019ko urriaren 17an, Ertzaintzak 21 gazte atxilotu zituen Altsasuko gazteen eta Kataluniako independentziaren aurkako sententziak salatzeko Ernaik deitutako mobilizazioetan. Atxilotuetako hamabost deklaratzera deitu dituzte orain.
Altsasuko gazteak, haien gurasoak eta Altsasukoak Aske herri plataformako kideak hedabideen aurrean agertu dira lau urteko ibilbidean gazteen auzian elkartasuna azaldu duten guztiei eskerrak emateko. Etapa bat ixteko garaia dela adierazi dute.
Giza Eskubideen Europako Auzitegian helegiteak aurkeztu dituzte auzipetuen abokatuek. Tramiterako onartzeko zain daude.
Auzipetuen egoera nabarmen aldatu delako, Altsasu Gurasoak taldeak eta Altsasukoak Aske herri plataformak ostiralero elkarretaratzeak egiteari utziko diote. Kontzentrazioei amaiera emateko ekitaldi berezia antolatu dute ostiralean.
Irteerak egiteko baimenik ez zuten Altsasu auziko bi gazte bakarrak ziren. Auzitegi Nazionaleko Espetxe Zaintza Epaitegiak hirugarren gradua ukatu die, baina 100.2 artikulua onartu.
