Altsasuko Gurasoek Iruñera deitu dute larunbat honetan, Gorenaren epaia salatzeko
Goizeko 9:30etan hasiko da Altsasun bizikletaz egingo den Duintasunaren Martxa eta 13:30ak aldera Berriozarrera iritsiko da. Bertan bazkaldu ondoren, 16:30etan harrera egingo zaio Martxari Iruñeko Antoniuttu Parkean eta handik Nafarroako Justizia Jauregira joango da, bertan ekitaldi nagusia egiteko.
Altsasuko Gurasoak eta Altsasukoak Aske elkarteek deitutako mobilizazioarekin salatu nahi da urriaren 9an Espainiako Auzitegi Gorenak Altsasuko auzian emandako epaia. Auzitegi Nazionalak bi eta hamahiru urte arteko espetxe zigorra jarri zien zortzi gazteei, eta Gorenak bat eta erdi eta bederatzi eta erdira jaitsi zien. Gazteen gurasoek eta euskal alderdi eta sindikatu gehienek gogor salatu dute Gorenaren epaia.
Kale mailako festetako edozein borroka izan zitekeen Altsasuko ferietakoa, baina oraingoan bi guardia zibil eta beren bikotekideak ziren tartean. Gertaerak izan eta ordu gutxira orduko Barne Ministro Jorge Fernández Díazek “gorroto” delituaz hitz egin zuen. Covite biktimen elkartea urrutiago joan zen eta terrorismo delituraino eraman zuen gaia, Madrilen salaketa jarriz. Ondorioz Auzitegi Nazionalak eskuetatik kendu zion auzia Nafarroako Lurralde Auzitegiari, Iruñean beharrean Madrilen epaitzeko.
375 urtetik 50 urtera
Auzitegi Nazionalak terrorismoa baztertu zuen, eta fiskaltzak eskatutako 375 urteko kartzela zigorra 76 urtetan utzi zuen, besteak beste, erasoetan nagusitasuna eta bazterketa ideologikoa larrigarriak ezarriz. Ondoren Gorenaren epaiak esan zuen, ez zegoela bazterketa ideologikorik eta nagusitasuna bakarrik lesioen kasuan mantendu du, baina, hala ere, 50 urtetan utzi ditu kartzela zigorrak.
Hasierako fiskalaren 375 urteetatik 50era jaitsi dira zigorrak, baina familiek eta defentsek iritzi diote hori ere izugarria dela, kontuan hartuta Espainian adibidez, molde horretako borrokak hilabeteetako kartzela zigorrekin eta isunekin bukatzen dutela kasurik txarrenean.
Euskal Herriko iritzi publikoan oso sustraituta dago zigor berezia jarri nahi izan dela Altsasuko auzian eta azken urteetan mobilizazio ugari egin dira kasua salatzeko. Antolatzaileek ehun bat autobus espero dituzte Euskal Herri osotik eta, iragarri dutenez, Kataluniatik ere hainbat etorriko dira.
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.
Estrasburgoko Auzitegiak onartu egin ditu Altsasuko kasuan kondenatu zituzten zortzi gazteetatik biren defentsek aurkeztu zituzten errekurtsoetako batzuk eta aztertuko du ea epaiketa justu bat izateko eskubidea urratu zitzaien.
Asteartean onartu diete hirugarren gradua Altsasu auzian auziperatutako Jon Ander Cob eta Julen Goikoetxeari.
Duela lau urte “batzuek” erabaki zuten lehen lerro politiko eta mediatikora eramatea, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu zuen... [+]
Duela lau urte “batzuek” erabaki zuten lehen lerro politiko eta mediatikora eramatea Altsasu, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu... [+]
2019ko urriaren 17an, Ertzaintzak 21 gazte atxilotu zituen Altsasuko gazteen eta Kataluniako independentziaren aurkako sententziak salatzeko Ernaik deitutako mobilizazioetan. Atxilotuetako hamabost deklaratzera deitu dituzte orain.
Altsasuko gazteak, haien gurasoak eta Altsasukoak Aske herri plataformako kideak hedabideen aurrean agertu dira lau urteko ibilbidean gazteen auzian elkartasuna azaldu duten guztiei eskerrak emateko. Etapa bat ixteko garaia dela adierazi dute.
Giza Eskubideen Europako Auzitegian helegiteak aurkeztu dituzte auzipetuen abokatuek. Tramiterako onartzeko zain daude.
Auzipetuen egoera nabarmen aldatu delako, Altsasu Gurasoak taldeak eta Altsasukoak Aske herri plataformak ostiralero elkarretaratzeak egiteari utziko diote. Kontzentrazioei amaiera emateko ekitaldi berezia antolatu dute ostiralean.
Irteerak egiteko baimenik ez zuten Altsasu auziko bi gazte bakarrak ziren. Auzitegi Nazionaleko Espetxe Zaintza Epaitegiak hirugarren gradua ukatu die, baina 100.2 artikulua onartu.
