Guardia Zibilak Aldatu Gidoia ekimena isundu du, Mozal Legea aplikatuta
20 lagun baino gehiago elkartzeko baimena eskatu behar dela dio legeak, eta apirilaren 25ean Altsasun 22 lagun elkartu zirela argudiatuta zigortu dute ekimena. Aldatu Gidoiak salatu du “politikan parte hartzea eragozteko” legea dela.
Apirilaren 25ean Aldatu Gidoiak Altsasun emandako prentsaurrekoan, maiatzaren 18an Gasteizeko Foru Plazako manifestaziorako deia egin zuten. Eusko Jaurlaritzari eskaera egin zioten “kultura-politiketan, EiTBn, eta EiTBz harago, zinema eta plataformetan, euskara erdigunean jartzeko”. Bilkura hori dela eta, Guardia Zibilak Aldatu Gidoia ekimeneko kide bati isuna jarri dio.
Guardia Zibilak Mozal Legea urratu zutela arrazoitu du, ekimenak sare sozialen bitartez partekatutako argazkietan 22 pertsona agertzen direla eta baimena ez zutela eskatu argudiatuta, eta legeak ezartzen duela 20 pertsonen gainetik baimena eskatu behar dela. Aldatu Gidoia egitasmoak isuna salatu du, “politikan parte hartzea eragozteko” baliabidea dela diote eta nabarmendu dute “euskara ardatz duten politikak" aldarrikatzen segituko dutela.
Mozal Legearen aurrekariak Altsasun
2022ko uztailean Nafarroako 0-3 plataformako bozeramaile Eider Garderi zigorra ezarri zion Altsasuko Guardia Zibilak, Mozal Legea erabilita. “Legez kanpoko elkarretaratzearen erantzulea” izatea leporatu zioten eta Jose Luis Arasti Pérezek “herritarren segurtasunerako Lege Organikoa urratzeagatik, 100 eta 600 euro arteko isuna” jaso zuela jakinarazi zion Garderi.
Eider Gardek adierazi zuen ez zela kasualitatea pertsona salatua bera izatea. “Agindua eman duenak uste badu ni eta ni bezalako beste hainbati ahoa itxiko digutela, oso oker dago”, adierazi zuen 0-3 plataformako bozeramaileak.
Segurtasun Sailak Ernaiko gazteen aurka egin du, eta zigor desproportzionatua ezarri die bidezko protesta bat egiteagatik, hala nola Aitor eta Galder lankideen espetxeratze arbitrarioaren kontra egiteagatik. Herritarren Segurtasunerako Lege eztabaidagarria erabili du... [+]
Aske antolakundeak aldarrikatu du elkartasuna eta amnistiaren aldeko borroka ez dela delitua. Eta, Ertzaintzak indarkeria erabiltzeko duen inpunitatea kritikatu du. Antolakundekoei jarri dizkieten isunak ordaintzeko, urriaren 5ean antolatuko duten elkartasun egunerako deia... [+]
"Ernai ekonomikoki itotzen eta politikoki deuseztatzen" saiatzea leporatu dio gazte antolakundeak Jaurlaritzari ostegun goizean Bilbon egindako agerraldi jendetsuan. Jakinarazi dutenez, Aitor Zelaia eta Galder Barbadoren espetxeratze agindua salatzeko Bilbon eta... [+]
2021eko protesta batean Poliziaren jarduna grabatu eta zabaltzeagatik, Mozal Legea urratu izana leporatu zion udaltzainak kazetariari. Salaketan hainbat gezur esan zituen agenteak, grabatutako bideoan egiazta daitekeenez. Agiriak faltsutzeagatik kazetariak kereila jarri zuen... [+]
2015ean PPk gehiengo absolutuz ezarri zuen Mozal Legea. Oinarrizko zenbait eskubide urratzen dituen arau sorta horrek kontrakotasun handia bildu zuen Espainiako Estatuko mugimendu sozial eta alderdi politikoen artean, baita nazioartean ere. Lege hori "ezbairik gabe derogatu... [+]
Dagoeneko erreformaren %96 adostuta dute Espainiako Kongresuan erreforma lantzen ari diren alderdiek, eta datorren astean akordio batera iritsiko dira, El Plural.com-en irakurri dugunez.
Laudioko Gaztetxearen kaleratzearen ondorio ekonomikoei aurre egiteko elkartasun jaialdiak antolatu dituzte Orbeko Etxean, Zazpi Katu Gaztetxean eta Gasteizko Gaztetxean. Ertzaintzak 'mozal legea' ezarri zien sei gazteri ekainaren 13ko protesten harira, 4.000 euroko... [+]
Hogei eragile sozialek baina gehiagok eginiko deialdiak dozenaka pertsona bildu ditu ostegun ilunabarrean Donostian adierazpen askatasuna aldarrikatu eta Mozal Legearen indargabetzea eskatzeko. Lege horren bitartez, Hego Euskal Herrian 2020tik hona 30.000 zigor baina gehiago... [+]
Iñigo Orduña Ahotsa.info-ko kameraria protesta bat grabatzen ari zenean, udaltzain batek salatu egin zuen. Kontakizun faltsua egin zuen salaketan, kazetariaren aurkako zigorra larriagotzeko asmoz. Dena grabatuta geratu zen, poliziaren gezurrak agerian geratuz... [+]
Azaroaren 21ean izango da Administrazio Epaitegian hitzordua. Alde batean Tubacexeko grebalarietako bat egongo da, eta bestean Laudioko Udaltzaingoa. Poliziak leporatzen dio langileari hesi batzuk jartzea errepidean grebaren azken egunean eta beharginak akusazioa ukatzen du.
Mozal Legea urratu duelakoan, Altsasuko Guardia Zibilak isuna ezarri dio Nafarroako 0-3 Plataformako bozeramaile Eider Garderi, haurtzaindegietako gatazkarekin elkartasunez ateratako argazki batengatik, legez kanpoko elkarretaratzea egotzita.
Otsailean apezpikua agurtzeko Donostian egin zen performancea ikusten izan zen Beatriz Goñi. Orain, zigortu egin dute identifikarazi zutenean ahoz adierazi zuelako bere NAN zenbakia. Identifikatzeari uko egitea egotzita, 700 euroko isuna jarri dio Ertzaintzak.
Eusko Jaurlaritzak eta Gasteizko Udalak jarri dizkiete isunak Gasteizko Etxebizitza Sindikatuko kideei, egotzita ez zituztela bete pandemian ezarritako neurriak 2021eko urtarrilean, hamabost lagunen etxegabetze bati aurre egiten ari zirenean. “Jazarpena” salatu dute... [+]