Altsasuko gertakariak “terrorismoa” izan daitezke Espainiako Auzitegi Nazionaleko Fiskaltzaren ustez
Guardia Zibilak eta Foruzaingoak euren txostenetan halakorik ez dagoela esan arren, Auzitegi Nazionaleko Fiskaltzaren ustez terrorismotzat jo litezke urriaren 8ko Altsasuko gertakariak, eta beraz bere eskuduntzen artean dago auzia ikertzea. Horren arabera, baliteke azkenik epaiketa Madrilen egitea eta ez Iruñean.
Guardia Zibilaren txostenaren arabera, gorroto delitua izan zen Altsasun, baina ez planifikatutako segadarik; hartara, ezin liteke esan terrorismo delitua egon zenik. Gauza bera ondorioztatu du Foruzaingoak. Batzuen zein besteen txostenak esku artean ditu Iruñeko 3. Instrukzio epaitegiak. Oraingoz hantxe ari dira auzia ikertzen, baina Auzitegi Nazionaleko epaile Carmen Lamelak hartaz galdetu du, Berria-k jakinarazi duenez.
Jorge Fernandez Diaz Espainiako Barne ministroak ere esan du terrorismo deliturik ez duela ikusten Altsasun jazotakoan, bai ordea gorroto delitua, Guardia Zibilak berak adierazitakoaren ildotik. Azkenik, ordea, litekeena da epaiketa Auzitegi Nazionalean izatea, Fiskaltzaren azken erabakiaren arabera. Covite biktimen elkarteak eskatu zuen, hain zuzen, Altsasuko liskarrak terrorismo delitutzat hartzea.
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.
Estrasburgoko Auzitegiak onartu egin ditu Altsasuko kasuan kondenatu zituzten zortzi gazteetatik biren defentsek aurkeztu zituzten errekurtsoetako batzuk eta aztertuko du ea epaiketa justu bat izateko eskubidea urratu zitzaien.
Asteartean onartu diete hirugarren gradua Altsasu auzian auziperatutako Jon Ander Cob eta Julen Goikoetxeari.
Duela lau urte “batzuek” erabaki zuten lehen lerro politiko eta mediatikora eramatea, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu zuen... [+]
Duela lau urte “batzuek” erabaki zuten lehen lerro politiko eta mediatikora eramatea Altsasu, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu... [+]
2019ko urriaren 17an, Ertzaintzak 21 gazte atxilotu zituen Altsasuko gazteen eta Kataluniako independentziaren aurkako sententziak salatzeko Ernaik deitutako mobilizazioetan. Atxilotuetako hamabost deklaratzera deitu dituzte orain.
Altsasuko gazteak, haien gurasoak eta Altsasukoak Aske herri plataformako kideak hedabideen aurrean agertu dira lau urteko ibilbidean gazteen auzian elkartasuna azaldu duten guztiei eskerrak emateko. Etapa bat ixteko garaia dela adierazi dute.
Giza Eskubideen Europako Auzitegian helegiteak aurkeztu dituzte auzipetuen abokatuek. Tramiterako onartzeko zain daude.
Auzipetuen egoera nabarmen aldatu delako, Altsasu Gurasoak taldeak eta Altsasukoak Aske herri plataformak ostiralero elkarretaratzeak egiteari utziko diote. Kontzentrazioei amaiera emateko ekitaldi berezia antolatu dute ostiralean.
Irteerak egiteko baimenik ez zuten Altsasu auziko bi gazte bakarrak ziren. Auzitegi Nazionaleko Espetxe Zaintza Epaitegiak hirugarren gradua ukatu die, baina 100.2 artikulua onartu.
