Altsasuko gazteen eskakizuna atzera bota du Estrasburgoko Auzitegiak
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Giza Eskubideen Europako Auzitegiak ez du tramitera onartu Altsasuko gazteen eskakizuna, auzipetuetako batek, Iñaki Abadek, sare sozialen bidez jakinarazi duenez. Gazteen abokatuek eskakizuna aurkeztu zuten, prozesuan hautemandako urraketen harira. Auzipetuei epaiketa inpartziala izateko eskubidea urratu zitzaiela eta ezarritako zigorra neurriz kanpokoa izan zela iritzirik, gazteek epaiketa bidezkoa izan zuten aztertzeko eskatu zioten Estrasburgoko Auzitegiari. Azken honek, baina, ez du onartu eskakizuna.
Amaia Izko Altsasuko gazteen abokatuak Naiz-i egindako adierazpenen arabera, esperantza zeukan Giza Eskubideen Europako Auzitegiarengan, uste baitzuen abokatuek salatu dituzten "irregultartasun eta eskubide urraketa oro" aztertuko zituela.
Sistema judizialak prozesu judizialean jasotako urraketak aitortu ez arren, jendarteak horiek ikusi dituela azpimarratu dute bai Izkok zein Abadek, aspektu hori balioan jarriz. Lehenaren arabera, "ez dugu izango nahiko genukeen gutxieneko objektibotasuna duen analisi juridiko hori, baina jendarteak prozeduraz eta gertatu den guztiaz egin duen azterketa kritikoarekin geratuko gara". Ildo berean hitz egin du Abadek: "Erakunde judizial guztien babesgabetasunaren aurrean, ondo baino hobeto ulertzen duen gizartea geratzen da". Estrasburgon "galdu arren", gertatutakoa salatzen segitzeko asmoa agertu du azkenak.
Azkenik, Giza Eskubideen Europako Auzitegiak EZ du onartu gure salaketa. Erakunde judizial guztien babesgabetasunaren aurrean, ondo baino hobeto ulertzen duen gizartea geratzen da. #Estrasburgos en galdu arren, beti jarraituko dugu salatzen.#AltsasukoakASKE
— Iñaki Abad (@abad_altsasu) January 19, 2022
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.
Estrasburgoko Auzitegiak onartu egin ditu Altsasuko kasuan kondenatu zituzten zortzi gazteetatik biren defentsek aurkeztu zituzten errekurtsoetako batzuk eta aztertuko du ea epaiketa justu bat izateko eskubidea urratu zitzaien.
Asteartean onartu diete hirugarren gradua Altsasu auzian auziperatutako Jon Ander Cob eta Julen Goikoetxeari.
Duela lau urte “batzuek” erabaki zuten lehen lerro politiko eta mediatikora eramatea, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu zuen... [+]
Duela lau urte “batzuek” erabaki zuten lehen lerro politiko eta mediatikora eramatea Altsasu, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu... [+]
2019ko urriaren 17an, Ertzaintzak 21 gazte atxilotu zituen Altsasuko gazteen eta Kataluniako independentziaren aurkako sententziak salatzeko Ernaik deitutako mobilizazioetan. Atxilotuetako hamabost deklaratzera deitu dituzte orain.
Altsasuko gazteak, haien gurasoak eta Altsasukoak Aske herri plataformako kideak hedabideen aurrean agertu dira lau urteko ibilbidean gazteen auzian elkartasuna azaldu duten guztiei eskerrak emateko. Etapa bat ixteko garaia dela adierazi dute.
Giza Eskubideen Europako Auzitegian helegiteak aurkeztu dituzte auzipetuen abokatuek. Tramiterako onartzeko zain daude.
Auzipetuen egoera nabarmen aldatu delako, Altsasu Gurasoak taldeak eta Altsasukoak Aske herri plataformak ostiralero elkarretaratzeak egiteari utziko diote. Kontzentrazioei amaiera emateko ekitaldi berezia antolatu dute ostiralean.
Irteerak egiteko baimenik ez zuten Altsasu auziko bi gazte bakarrak ziren. Auzitegi Nazionaleko Espetxe Zaintza Epaitegiak hirugarren gradua ukatu die, baina 100.2 artikulua onartu.
Altsasuko auziak eragindako gertaerak izan zirela lau urte bete ziren ostegunean. Defentsek auzibidearekin aurrera jarraitzen dute. Bi auzipetuk preso segitzen dute, bostek 3. graduan eta bakarra dago aske.