Altsasuko gazteen auzia salatzeko “Duintasunaren martxa” egingo dute larunbatean
Larunbatean egingo duten elkarretaratze erraldoiaren aurretik, Altsasutik Iruñeara iritsiko den txirrinda martxa antolatu dute Altsasuko Gurasoak eta Altsasukoak Aske plataformek. Martxan parte hartzeko izen-ematea irekia dago.
Espainiako Auzitegi Gorenaren sententzia jakin ostean, Altsasuko Gurasoak eta Altsasukoak Aske plataformetako kideek elkarretaratze masibo baterako deia egin zuten. Larunbat honetan, urriaren 26an, Iruñeko Auiztegian izango da mobilizazioa, arratsaldeko 17:00etan.
Ostiralean Altsasun egindako elkarretaratzean ekimen berri bat aurkeztu zuten plataformek: elkarretaratze erraldoiaren larunbat berean, Altsasutik "Duintasunaren martxa" izena hartuko duen txirrinda martxa abiatuko da. Iruñeara iritsiko dira txirrindulariak, 17:00ak aldera, elkarretaratzea baino lehen.
Martxaren helburua "epaiari buelta" ematea izango da. Zortzi puntutatik igaroko da eta bakoitzean, Altsasuko gazte bakoitzari ezarritako zigorra agertuko den irudia egongo da. Martxa pasatzean, irudiaren atzean dagoen "injustizia" argituko da. Irudi guztiak bilduko dituzte eta Iruñeara eramango dira, elkarretaratzeari irudi horiekin hasiera emateko asmoz.
Martxan parte hartzeko izen-ematea irekia dago: altsasumartxan@gmail.com helbidearen edo 602 53 22 79 zenbakiaren bidez egin daiteke inskripzioa. Antolakuntzako kideek azaldu dute 9:30etan abiatuko dela martxa Altsasuko Foruen Enparantzatik. 13:30-14:00ak aldera Berriozarren egingo da atsedenaldia bazkaltzeko. Bazkaria antolakuntzaren esku egongo da. 16:00ak aldera abiatuko dira azken txanpa egiteko. Elkarretaratzearen ostean, autobusak eta kamioiak egongo dira txirrindulariak Altsasura itzul daitezen.
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.
Estrasburgoko Auzitegiak onartu egin ditu Altsasuko kasuan kondenatu zituzten zortzi gazteetatik biren defentsek aurkeztu zituzten errekurtsoetako batzuk eta aztertuko du ea epaiketa justu bat izateko eskubidea urratu zitzaien.
Asteartean onartu diete hirugarren gradua Altsasu auzian auziperatutako Jon Ander Cob eta Julen Goikoetxeari.
Duela lau urte “batzuek” erabaki zuten lehen lerro politiko eta mediatikora eramatea, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu zuen... [+]
Duela lau urte “batzuek” erabaki zuten lehen lerro politiko eta mediatikora eramatea Altsasu, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu... [+]
2019ko urriaren 17an, Ertzaintzak 21 gazte atxilotu zituen Altsasuko gazteen eta Kataluniako independentziaren aurkako sententziak salatzeko Ernaik deitutako mobilizazioetan. Atxilotuetako hamabost deklaratzera deitu dituzte orain.
Altsasuko gazteak, haien gurasoak eta Altsasukoak Aske herri plataformako kideak hedabideen aurrean agertu dira lau urteko ibilbidean gazteen auzian elkartasuna azaldu duten guztiei eskerrak emateko. Etapa bat ixteko garaia dela adierazi dute.
Giza Eskubideen Europako Auzitegian helegiteak aurkeztu dituzte auzipetuen abokatuek. Tramiterako onartzeko zain daude.
Auzipetuen egoera nabarmen aldatu delako, Altsasu Gurasoak taldeak eta Altsasukoak Aske herri plataformak ostiralero elkarretaratzeak egiteari utziko diote. Kontzentrazioei amaiera emateko ekitaldi berezia antolatu dute ostiralean.
Irteerak egiteko baimenik ez zuten Altsasu auziko bi gazte bakarrak ziren. Auzitegi Nazionaleko Espetxe Zaintza Epaitegiak hirugarren gradua ukatu die, baina 100.2 artikulua onartu.
