Altsasuko gazteen alde, Erandioko trenbideko katenaria moztu dute ezezagunek
Ezezagunek HIRUKA komunikazio-taldeari igorritako agiri baten arabera, Metro Bilbaoko katenaria moztu dute gaur goizaldean, Erandio aldean. Oharrean azaldu dutenez, ekintza horregaz espetxeratutako Altsasuko gazteen askatasuna eta "1978ko erregimenarekin lotzen gaituen katea" apurtzea aldarrikatu gura izan dute. Iragarri dutenez, hainbat trenbidetako katenariak moztu dituzte Euskal Herriko "txoko askotan".
HIRUKAri helarazitako agiriaren arabera, hainbat ezezagunek Erandioko trenbideko katenaria moztu dute gaur goizaldeko lehenengo orduetan. Espetxeratutako Altsasuko gazteen alde egindako hamaika mobilizazio, protesta eta dinamiken baitan kokatu dute ekintza hori. "Ez da terrorismoa, ez eta gorrotoa; nazka da sentitzen duguna", adierazi dute Espainiako Auzitegi Nazionalak emandako epaiaren harira.
Metro Bilbaok adierazi duenaren arabera, "katenariak ez du inolako erasorik jasan" eta metroa normaltasunez funtzionatzen ari da.
Ezezagunek HIRUKA komunikazio-taldeari bidalitako agiria:
Lehenik eta behin, doakiela besarkadarik sendoena Altsasuko gazteei eta, nola ez, euren senide eta lagunei. Aupa zuek!
Altsasuko gazteen sententziak eta espetxeratzeek agerian utzi dute beste behin ere espainiar erregimen postfrankista honen ankerkeria. Euskal Herritarroi, berriro ere, gure erreietan sentiarazi digute haserrea eta amorrua. Fiskaltzak eta erregimenaren lagun diren komunikabideek askotan errepikatu dituzte "terrorismo" eta "gorroto" bezalako hitzak. Baina ez da terrorismoa, ez eta gorrotoa. Nazka da sentitzen duguna.
Baina, honen guztiaren gainetik, sentitzen dugun amorrua duintasun eta maitasun bilakatzen jakin izan dugu. Horren adierazle dira Euskal Herri osoan zehar Altsasuko gazteen alde egindako hamaika mobilizazio, protesta eta dinamika. Argi adierazi diegu injustizia eta ankerkeriaren aurrean hemen herri duin bat dagoela.
Eta bide honetatik jarraitu behar dugu. Erandion eta Euskal Herriko txoko askotan, trenbidetako katenariak moztu ditugun bezala; moztu dezagun ere 78ko erregimenarekin lotzen gaituen katea. Datozen egunetan ere, mobiliza gaitezen eta bete ditzagun kaleak. Kolpatu dezagun 78ko erregimena, erortzear baitago! Animo eta aurrera, amesten dugun askatasunera!
Altsasukoak aske!
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.
Estrasburgoko Auzitegiak onartu egin ditu Altsasuko kasuan kondenatu zituzten zortzi gazteetatik biren defentsek aurkeztu zituzten errekurtsoetako batzuk eta aztertuko du ea epaiketa justu bat izateko eskubidea urratu zitzaien.
Asteartean onartu diete hirugarren gradua Altsasu auzian auziperatutako Jon Ander Cob eta Julen Goikoetxeari.
Duela lau urte “batzuek” erabaki zuten lehen lerro politiko eta mediatikora eramatea, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu zuen... [+]
Duela lau urte “batzuek” erabaki zuten lehen lerro politiko eta mediatikora eramatea Altsasu, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu... [+]
2019ko urriaren 17an, Ertzaintzak 21 gazte atxilotu zituen Altsasuko gazteen eta Kataluniako independentziaren aurkako sententziak salatzeko Ernaik deitutako mobilizazioetan. Atxilotuetako hamabost deklaratzera deitu dituzte orain.
Altsasuko gazteak, haien gurasoak eta Altsasukoak Aske herri plataformako kideak hedabideen aurrean agertu dira lau urteko ibilbidean gazteen auzian elkartasuna azaldu duten guztiei eskerrak emateko. Etapa bat ixteko garaia dela adierazi dute.
Giza Eskubideen Europako Auzitegian helegiteak aurkeztu dituzte auzipetuen abokatuek. Tramiterako onartzeko zain daude.
Auzipetuen egoera nabarmen aldatu delako, Altsasu Gurasoak taldeak eta Altsasukoak Aske herri plataformak ostiralero elkarretaratzeak egiteari utziko diote. Kontzentrazioei amaiera emateko ekitaldi berezia antolatu dute ostiralean.
Irteerak egiteko baimenik ez zuten Altsasu auziko bi gazte bakarrak ziren. Auzitegi Nazionaleko Espetxe Zaintza Epaitegiak hirugarren gradua ukatu die, baina 100.2 artikulua onartu.
