Altsasuko Gamesa lantegia legez kanpo itxi zutela ebatzi du Espainiako Auzitegi Gorenak
Enpresak 2010ean egindako enplegu-erregulazioko espedientea baliogabetu du auzitegiak. EEEren ondorioz 150 langile kaleratu eta lantegia itxi zuten. Epaitegiak enpresa behartu du langileak orain bost urteko egoerara bueltatzea.
Sententzia indarrean jarri bezain laster, hogei eguneko epea du Gamesak langile guztiak berriz “egoera eta leku berean” kokatzeko. Altsasuko lantegia ordea itxita dago. Gamesak lantegia berriz ireki ezean Langileen Estatutuak zehazten duen gehieneko kalte-ordaina eskatu ahal izango dute langileek. Une honetan, kaleratu zituzten langileetako 79 Gamesak Agoitzen duen lantegian ari dira lanean. Sententziak zehaztu du langilea lekuz aldatzeko berak hala onartu beharko duela.
2010eko otsailean agertu zuen Gamesak Altsasun zuen lantegia itxi eta bertako langileak kaleratzeko asmoa. Horrekin batera, Espainiako Estatuan zituen beste lau fabriketako behin-behineko langileen kontratuak etetea erabaki zuen. Negoziazio horiek guztiak Madrilen egin zituzten. Maiatzaren 6an Espainiako Gobernuak erregulazioko espedienteak onartu zituen.
ELAk salatu zuen espediente desberdinak zirela, eta Altsasuko enpresa batzordeak soilik zuela Nafarroako lantegikoa negoziatzeko eskumena. Sindikatuaren esanetan batzordearekin zuzenean ez aritzeak eragotzi zien langileen ordezkariei erregulazio-espedientea behar bezala negoziatzea.
Madrilgo auzitegiaren aldeko sententzia
ELAk gehiengoa zuen langile batzordean, eta salaketa jarri zuen. 2013ko abenduan Madrilgo Auzitegi Nagusiak arrazoia eman zion. Gamesak eta Estatuko Abokatuak kasazio helegitea jarri zioten epaiari. Atzoko sententziak ordea, Madrilgo auzitegiak ebatzitakoa berretsi du. Gamesak Konstituzio Auzitegian helegitea jar dezake.
Sindikatuaren esanetan epaiak negoziaketetan aritu ziren hiru eragileen –Gamesaren, UGT eta CCOO sindikatuen eta Nafarroako Gobernuaren– “argazki argigarria” egin du. Enpresaren kasuan, ELAk salatu du enplegu-erregulazioko espedientea aurkeztu zenean 115 milioi eurotako etekinak zituela Gamesak, eta diru laguntza ugari jasota ere, ez zuela “konpromisorik txikiena” hartu Nafarroako enpleguarekin.
UGT eta CCOO sindikatuei egotzi die Altsasun ordezkaritzarik izan gabe, negoziaketa euren gain hartu eta Madrilera eramatea. Nafarroako Gobernuak erregulazio espedientea Nafarroan izapidetzeari uko egitea “lotsagarria” izan zela kritikatu dute. “Azpimarratu beharrekoa da langile-talde horrek borroka irabazi duela”, adierazi du ELAk , “orain dugun erronka langile horiek berriz ere lanera onartzea da”.
"Euskalduna ez den pertsona bat –Nagore de los Rios– hautatu du EITBko zuzendaritza nagusiak Eitb.eus eta Social Media atalerako zuzendari posturako, eta, ondorioz, euskaraz ez dakien pertsona bat izendatu dute helburuen artean euskararen... [+]
Aurrekontuak eta urteko kontuen itxiera, ez da besterik urteko garaiotan; etxeko ekonomiatik hasita, partekatzen ditugun espazio sozioekonomiko gehienetara. Enpresa handiak hasi dira kalkulagailuak ateratzen eta 2025ari begira asmo handiak martxan jartzen. Erakunde eta eragile... [+]
Teslaren aurkako lehen greba –eta bakarra– da munduan, Suedian 2023ko urritik aurrera egiten ari direna. Duela mende batetik hona Suedian egindako grebarik luzeena bihurtu da. IF Metall sindikatua bultzatu du protesta, Elon Musken autogintza enpresak hitzarmen... [+]
Joan den abenduaren 5ean, PPk lege proposamen bat aurkeztu zuen Nafarroako Parlamentuan, Nafarroako toki entitateetako Idazkaritza eta Kontu-hartzailetza lanpostuetan funtzionarizazioa lortzeko prozesuak bereizteko. Hori gertatuko balitz, 30 pertsona inguruk merezitako... [+]
B&B Trends lantegiaren jabeak iragarri du hartzekodunen konkurtsoan jarri duela lantegia, "ondare desegonkortasuna" argudiatuta.
Alemaniatik etorritako goi kargu batek eman die 655 langileei enpresaren itxieraren berria, ohar bat "hoztasunez" irakurrita, eta langileei “lehiakortasun falta” egotzi die. Langileek presazko bilera eskatu diote BSHko operazio arduradun Pepe Justeri, eta... [+]
Zerk motibatuta bultzatzen da bi ikastetxeren arteko fusioa? Nola uztartu norbere eskola-proiektua, eredua eta ibilbidea ondokoarekin? Zein da bidea bi eskoletako hezkuntza komunitateak ados jartzeko? Zein da Eusko Jaurlaritzaren rola?
660 langile ditu ontzi-garbigailuak eta hozkailuak ekoizten dituen lantokiak. Astelehen goizean ezagutu dute Alemaniako zuzendaritzaren asmoa. Enpresa batzordeak langile asanbladara dei egin du.
Armagintzari loturiko Hego Euskal Herriko “enpresa, zentro edo erakundeak” hirukoiztu egin dira azken hamabost urteetan, Gasteizkoak talde antimilitaristak hurrenez hurren 2008an eta 2024an egindako ikerketen datuek azaleratu dutenez. Aurkeztu berri duten... [+]
ELB sindikatuak ardien mihi urdinaren eritasuna pairatu dutenendako elkartasunera deitzen du. Abendu hastapenean,departamenduko 650 ardi etxalde hunkiak izan dira. Kasu zenbaitetan, hamarka ardi galdu dituzte hazleek, bereziki marroak. Etxalde batzuek erraterako marroen %80... [+]
Grebak 27 egun iraungo ditu, urtarrilaren 6 arte. Gutxieneko soldata kobratzeko “365 egunez eta 24 orduz” lan-baldintza “jasanezinetan” lan egiten dutela salatu dute, eta lanaldiaren benetako zenbaketa egin dezan exijitu.
Osasun Legea aldatzea beharrezkoa dela adierazi du Nafarroako Osasun kontseilariak, hala nola Osasunbidea enpresa-erakunde publiko bihurtzea, bestela “luze gabe sistemak porrot” egingo duela argudiatuta. Sindikatuak ez daude formula horrekin ados.
Gaurko egunez, duela 50 urte, Euskal Herriko langile mugimenduak bere historiako kapitulu garrantzitsua idatzi zuen. Hegoaldean 200.000 langilek greba orokorra egin zuten erregimen frankistaren aurka. Mobilizazio hark argi utzi zuen Euskal Herriko mugimendu antifrankista... [+]