Altsasuko auzian froga gehienak ukatu dizkietela salatu du defentsak
Madrilen emandako prentsaurrean, Altsasuko auziko abokatuek salatu dute Auzitegi Nazionaleko Zigor Aretoko I. Sekzioak ukatu egin dituela auzipetutako gazteen defentsarako eskatutako froga gehienak. Horrekin euren lana berme juridikorik gabe uzten dela salatu dute.
Fiskalak 375 urteko espetxe zigorra eskatzen du hamar auzipetuentzat. Guardia zibiletako batek orkatila bihurritu zuen, hori izan zen liskarretako lesio fisikorik handiena.
Traficantes de Sueños argitaletxearen egoitzan eman dute prentsaurrekoa. Abokatuek azaldu dutenez, akusazioaren oinarria hau da: Alde hemendik herri ekimena ETArekin lotzea, haren aldarrikapenen artean delako Espainiako segurtasun indarrek Hego Euskal Herritik alde egitea. Aldarrikapenen lotura horretan oinarritzen du fiskaltzak bere akusazioaren muina.
Hori ezin dela horrela lotu azaltzen saiatuko da defentsa ahozko auzian, aldarrikapen hori 1976tik datorrela eta hainbat mugimenduren aldarrikapena izan dela. Horretarako lekukoak proposatu dizkio orain epaimahaiari: hainbat mugimendu horietako kideak; edo Ospa Eguna edo gisako aldarrikapenetan parte hartzeagatik epaitu izan dituzten pertsonen absoluzio epaiak; eta aditu batek egindako txosten historikoa, azalduz Alde Hemendik mugimenduaren jatorria eta nola garatu den ETAtik aparte.
Hainbat ikus-entzunezko ere ukatu zaizkie abokatuei: tabernan bertan eta bere inguruan grabatutako bideoak, lokalaren argazkiak eta planoak, Google Mapsetik ateratako Altsasuko mapak eta akusatuetako batek gertakarien gauean bertan grabatutako bideoak, esate batera. Epailearen arabera, defentsarenak izanik, “ez dute nahikoa bermerik”.
Honako froga hauek ere ez zaizkie onartu: salatzaileen irratietako elkarrizketak entzuteko aukera, haietan sumarioko deklarazioetan azaldutakoarekiko zehaztapen kontrajarriak ematen baitzituzten. Identifikazio errondaren mekanika, Soto del Real eta Alcala-Mecoko espetxeetatik eramandako adin, nazionalitate eta etnia desberdineko gazteak eraman zituzten, eta haietako inor zen Altsasukoa. Gertakarien unean bertan ziren beste hainbat gazteren lekukotza ere ez da onartu.
Berme juridikorik ez eta inpartzialtasuna
Horren ondorioz, defentsek salatu dute ez dutela auzia bideratzeko berme juridiko nahikorik eta, beraz, urratzen dela Espainiako Konstituzioaren 24. artikulua eta Giza Eskubideen Europako Itunaren 6.a, besteak beste. Epaiketa bideratu behar duen epaitegiaren inpartzialtasuna ere salatu dute, defentsari azaldutako froga guztiak ukatu dizkiolako eta akusazioari aurkeztutako gehienak onartu.
Lehen unetik, Nafarroako Lurralde Auzitegiak, Nafarroako Legebiltzarrak eta Nafarroako Gobernuak, esaterako, auzia Nafarroako Auzitegian egin behar zela defenditu izan dute eta ez Auzitegi Nazionalean. Carmen Lamela da epaile instruktorea, Jordi-ak eta Kataluniako Generalitateko kontseilariak espetxeratu dituen bera. Ahozko auziak ez du oraindik datarik.
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.
Estrasburgoko Auzitegiak onartu egin ditu Altsasuko kasuan kondenatu zituzten zortzi gazteetatik biren defentsek aurkeztu zituzten errekurtsoetako batzuk eta aztertuko du ea epaiketa justu bat izateko eskubidea urratu zitzaien.
Asteartean onartu diete hirugarren gradua Altsasu auzian auziperatutako Jon Ander Cob eta Julen Goikoetxeari.
Duela lau urte “batzuek” erabaki zuten lehen lerro politiko eta mediatikora eramatea, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu zuen... [+]
Duela lau urte “batzuek” erabaki zuten lehen lerro politiko eta mediatikora eramatea Altsasu, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu... [+]
2019ko urriaren 17an, Ertzaintzak 21 gazte atxilotu zituen Altsasuko gazteen eta Kataluniako independentziaren aurkako sententziak salatzeko Ernaik deitutako mobilizazioetan. Atxilotuetako hamabost deklaratzera deitu dituzte orain.
Altsasuko gazteak, haien gurasoak eta Altsasukoak Aske herri plataformako kideak hedabideen aurrean agertu dira lau urteko ibilbidean gazteen auzian elkartasuna azaldu duten guztiei eskerrak emateko. Etapa bat ixteko garaia dela adierazi dute.
Giza Eskubideen Europako Auzitegian helegiteak aurkeztu dituzte auzipetuen abokatuek. Tramiterako onartzeko zain daude.
Auzipetuen egoera nabarmen aldatu delako, Altsasu Gurasoak taldeak eta Altsasukoak Aske herri plataformak ostiralero elkarretaratzeak egiteari utziko diote. Kontzentrazioei amaiera emateko ekitaldi berezia antolatu dute ostiralean.
Irteerak egiteko baimenik ez zuten Altsasu auziko bi gazte bakarrak ziren. Auzitegi Nazionaleko Espetxe Zaintza Epaitegiak hirugarren gradua ukatu die, baina 100.2 artikulua onartu.
