Altsasuko auzia Estrasburgon
Giza Eskubideen Europako Auzitegian helegiteak aurkeztu dituzte auzipetuen abokatuek. Tramiterako onartzeko zain daude.
Altsasuko auzia epaitegien ibilaldian azken geltokira iritsi da, Estrasburgon dagoen Giza Eskubideen Europako Auzitegira. Abokatuek auzipetu bakoitzeko helegite bana aurkeztu dute urte hasieran. Defentsek idatzi horietan argudiatzen dute Espainian epaile inpartzial bat izateko eskubidea urratu zaiela, eta aurkeztutako frogak onartu ez izana.
Lehen argudioa arrazoitzeko Europako epaitegiari gogoraraziko diote Espainiako Auzitegi Nazionaleko Zigor Arloko lehen aretoko epailea Concepcion Espejel dela, Guardia Zibilaren koronel batekin ezkonduta dagoena eta erakunde horren Merezimenduzko Saria jaso duena. Abokatuek “ageriko lotura afektibo eta psikologikoa” dela argudiatu eta helegitea aurkeztu zuten 2018an, eta Espejelek berak atzera bota zuen. Espainiako Auzitegi Nazionaleko Zigor Aretoko Jose Ramon Navarro eta Eloy Velasco epaileek ere aipatu saria jaso zutenez, haien kontra ere egin dute defentsek helegitea aurkezterakoan.
Bigarren argudioa da, Altsasuko zortzi auzipetuei prozesu justu bat izateko eskubidea urratu zaiela. Abokatuek, besteak beste, salatu dute kasuaren instrukzioan hainbat froga eta lekuko aurkeztea galarazi zitzaiela. Esaterako, Adur Ramirez de Alda beste arropa batzuekin ageri zela Burunda frontoiko harmailetan; edo Iñakik grabatutako bideoa, non ikusten den liskarraren ondoren guardia zibiletako bat ustezko erasotzaileen bila ari den, eta ez duen inor identifikatzen.
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.
Estrasburgoko Auzitegiak onartu egin ditu Altsasuko kasuan kondenatu zituzten zortzi gazteetatik biren defentsek aurkeztu zituzten errekurtsoetako batzuk eta aztertuko du ea epaiketa justu bat izateko eskubidea urratu zitzaien.
Asteartean onartu diete hirugarren gradua Altsasu auzian auziperatutako Jon Ander Cob eta Julen Goikoetxeari.
Duela lau urte “batzuek” erabaki zuten lehen lerro politiko eta mediatikora eramatea, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu zuen... [+]
Duela lau urte “batzuek” erabaki zuten lehen lerro politiko eta mediatikora eramatea Altsasu, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu... [+]
2019ko urriaren 17an, Ertzaintzak 21 gazte atxilotu zituen Altsasuko gazteen eta Kataluniako independentziaren aurkako sententziak salatzeko Ernaik deitutako mobilizazioetan. Atxilotuetako hamabost deklaratzera deitu dituzte orain.
Altsasuko gazteak, haien gurasoak eta Altsasukoak Aske herri plataformako kideak hedabideen aurrean agertu dira lau urteko ibilbidean gazteen auzian elkartasuna azaldu duten guztiei eskerrak emateko. Etapa bat ixteko garaia dela adierazi dute.
Auzipetuen egoera nabarmen aldatu delako, Altsasu Gurasoak taldeak eta Altsasukoak Aske herri plataformak ostiralero elkarretaratzeak egiteari utziko diote. Kontzentrazioei amaiera emateko ekitaldi berezia antolatu dute ostiralean.
Irteerak egiteko baimenik ez zuten Altsasu auziko bi gazte bakarrak ziren. Auzitegi Nazionaleko Espetxe Zaintza Epaitegiak hirugarren gradua ukatu die, baina 100.2 artikulua onartu.
Altsasuko auziak eragindako gertaerak izan zirela lau urte bete ziren ostegunean. Defentsek auzibidearekin aurrera jarraitzen dute. Bi auzipetuk preso segitzen dute, bostek 3. graduan eta bakarra dago aske.