Altsasuko gazteen aurkako zigorren “neurrigabekeria” salatzeko, elkarretaratzea antolatu dute urriaren 26an Iruñean
Azken hiru urteetako elkartasuna, urriaren 26an berriz erakusteko deia egin dute Altsasu Gurasoak eta Altsasukoak Aske taldeek. Epaia "astakeria eta zentzugabekeria" dela salatu dute eta Auzitegi Konstituzionalera eta Estrasburgora joko dutela ziurtatu dute.
Espainiako Estatuko Auzitegi Gorenak hartutako erabakia irmoa da jada, eta Altsasuko gezteen gurasoek "sumina, haserrea, inpotentzia eta amorrua" adierazi dute ostegunean hedabideen aurrean. Argi utzi dute prentsaurrekoan azken epai horrekin "injustizia apaindu nahi bazuten, ez dutela lortu".
Auzia Nafarroatik atera zuten, legedi antiterroristaren izenean. Gurasoek, Altsasukoak Aske eragilearekin batera, gogorarazi dute amaierako erabakiak ez duela inondik "terrorismo" terminoa aipatzen, eta "muntaia mantentzen duen sententzia zurruna" dela gaineratu dute.
Auzia hiru urtez luzatu da eta denbora horretan sentitutako "elkartasuna" eskertu nahi izan dute, eta "injustiziari aurre egiteko" elkarretaratze baten berri eman dute: urriaren 26an Iruñeko Auzitegiaren aurrean, arratsaldeko 17:00etan hasita. Aurretik, bizikleta martxa bat egingo dute, Altsasutik Iruñeraino joango dena.
Erabaki irmoa denez, graduen berrikusketak eta eskariak egiteko aukera zabaldu da. Horrek gazteek Zaballako espetxea noizbehinka uzteko abagunea emango die. Gurasoek ez dute zalantzarik: "Kasu hau Estrasburgon amaituko da, Marteraino joan behar badugu, joan egingo gara. Ez dugu zalantzarik Estrasburgon jakingo dela Espainiako Estatuak injustizia bat egin duela".
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.
Estrasburgoko Auzitegiak onartu egin ditu Altsasuko kasuan kondenatu zituzten zortzi gazteetatik biren defentsek aurkeztu zituzten errekurtsoetako batzuk eta aztertuko du ea epaiketa justu bat izateko eskubidea urratu zitzaien.
Asteartean onartu diete hirugarren gradua Altsasu auzian auziperatutako Jon Ander Cob eta Julen Goikoetxeari.
Duela lau urte “batzuek” erabaki zuten lehen lerro politiko eta mediatikora eramatea, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu zuen... [+]
Duela lau urte “batzuek” erabaki zuten lehen lerro politiko eta mediatikora eramatea Altsasu, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu... [+]
2019ko urriaren 17an, Ertzaintzak 21 gazte atxilotu zituen Altsasuko gazteen eta Kataluniako independentziaren aurkako sententziak salatzeko Ernaik deitutako mobilizazioetan. Atxilotuetako hamabost deklaratzera deitu dituzte orain.
Altsasuko gazteak, haien gurasoak eta Altsasukoak Aske herri plataformako kideak hedabideen aurrean agertu dira lau urteko ibilbidean gazteen auzian elkartasuna azaldu duten guztiei eskerrak emateko. Etapa bat ixteko garaia dela adierazi dute.
Giza Eskubideen Europako Auzitegian helegiteak aurkeztu dituzte auzipetuen abokatuek. Tramiterako onartzeko zain daude.
Auzipetuen egoera nabarmen aldatu delako, Altsasu Gurasoak taldeak eta Altsasukoak Aske herri plataformak ostiralero elkarretaratzeak egiteari utziko diote. Kontzentrazioei amaiera emateko ekitaldi berezia antolatu dute ostiralean.
Irteerak egiteko baimenik ez zuten Altsasu auziko bi gazte bakarrak ziren. Auzitegi Nazionaleko Espetxe Zaintza Epaitegiak hirugarren gradua ukatu die, baina 100.2 artikulua onartu.
