Altsasu auziko zigorra berresteko eskatu dio Fiskaltzak Gorenari
Auzipetutako gazteen defentsek Auzitegi Nazionalaren ebazpenaren kontra jarritako zortzi kasazio-helegiteak inpugnatu ditu Ministerio Publikoak.
Albiste hau Euskalerria Irratiak argitaratu du eta Creative Commons lizentziari esker ekarri dugu.
Auzitegi Nazionalak Altsasuko gazteen kontra ezarritako zigorra berresteko eskatu dio Fiskaltzak Auzitegi Gorenari. Auzitegi Nazionaleko Zigor Arloko 1. Sekzioak bi eta 13 urte bitarteko zigorra ezarri zien auzipetuei, 2015eko urriaren 15ean bi guardia zibilekin eta haien bikokideekin izandako liskarrengatik, terrorismoa egotzi ez arren. Agenteen kontrako atentatua, lesioak, desordena publikoak eta mehatxuak egotzi zikieten.
Ebazpen horren kontra, zortzi kasazio-helegite aurkeztu zituzten zigortutako gazteen defentsek, eta Ministerio Pulikoak errekurtso guztiak inpugnatu zituen, orain arteko ebazpenetan terrorismo delitua jasotzen ez dela ikusita, Gorenean helegiteak jartzea ez dela "egokia" argudiatuz.
Zigorra berresteko froga nahiko dagoela uste du fiskalak, erasoa arrazoi ideologikoengatik gertatu eta biktimak guardia zibilak zirelako, eta hori larrigarritzat jotzen du.
Era berean, Auzitegi Nazionaleko magistratuen ustezko alderdikeria ukatzen du fiskalak, nahiz eta Guardia Zibilak domina eman eta epaile bat guardia zibil baten ezkontidea izan. Fiskaltzaren hitzetan, modu partzialean aritu direnik ezin da defendatu.
Auzitegiaren bi ebazpenek zigorrak areagotu zituzten diskriminazioagatik, biktimak guardia zibilak izateak akusatuen erasoa bultzatu zuela ulertuta, baina terrorismoa baztertu zuten.
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.
Estrasburgoko Auzitegiak onartu egin ditu Altsasuko kasuan kondenatu zituzten zortzi gazteetatik biren defentsek aurkeztu zituzten errekurtsoetako batzuk eta aztertuko du ea epaiketa justu bat izateko eskubidea urratu zitzaien.
Asteartean onartu diete hirugarren gradua Altsasu auzian auziperatutako Jon Ander Cob eta Julen Goikoetxeari.
Duela lau urte “batzuek” erabaki zuten lehen lerro politiko eta mediatikora eramatea, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu zuen... [+]
Duela lau urte “batzuek” erabaki zuten lehen lerro politiko eta mediatikora eramatea Altsasu, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu... [+]
2019ko urriaren 17an, Ertzaintzak 21 gazte atxilotu zituen Altsasuko gazteen eta Kataluniako independentziaren aurkako sententziak salatzeko Ernaik deitutako mobilizazioetan. Atxilotuetako hamabost deklaratzera deitu dituzte orain.
Altsasuko gazteak, haien gurasoak eta Altsasukoak Aske herri plataformako kideak hedabideen aurrean agertu dira lau urteko ibilbidean gazteen auzian elkartasuna azaldu duten guztiei eskerrak emateko. Etapa bat ixteko garaia dela adierazi dute.
Giza Eskubideen Europako Auzitegian helegiteak aurkeztu dituzte auzipetuen abokatuek. Tramiterako onartzeko zain daude.
Auzipetuen egoera nabarmen aldatu delako, Altsasu Gurasoak taldeak eta Altsasukoak Aske herri plataformak ostiralero elkarretaratzeak egiteari utziko diote. Kontzentrazioei amaiera emateko ekitaldi berezia antolatu dute ostiralean.
Irteerak egiteko baimenik ez zuten Altsasu auziko bi gazte bakarrak ziren. Auzitegi Nazionaleko Espetxe Zaintza Epaitegiak hirugarren gradua ukatu die, baina 100.2 artikulua onartu.
