Auzitegi Nazionalak dio Altsasu auziko Guardia Zibilaren tenientea ez dela terrorismoaren biktima
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.
2016ko urrikoak dira Altsasuko gertaerak eta 2017an tenienteak eskatu zion Espainiako Barne Ministerioari onar ziezaiola terrorismoaren biktimei bideratzen zaien kalte-ordaina. Erantzuna 2019an heldu zitzaion, Espainiako Auzitegi Gorenak Altsasuko gazteei jarritako zigorra txikitzen zuen epaiaren ondoren. Zigor ebazpenean ez zen terrorismo hitzik agertzen eta, beraz, ez zegokion halako kalte-ordainik. Kale istilu haietan erasoa jasan zuen tenientearen bikoteak ere eskatu zuen maila bereko kalte ordaina eta hari ere ukatu zitzaion.
“Autoritatearen aurkako erasoa, pertsonei egindako kalteak, desordena publikoak eta mehatxuak” izan ziren Altsasuko gazteen zigorraren oinarria eta ez terrorismoa, Auzitegi Nazionalaren arabera. Bitxia da, zeren eta hilabete batzuk lehenago auzitegi horretatik egindako auziaren instrukzioa eraso terroristan oinarritu zen, eta tenienteak helduleku hori baliatu zuen kalte-ordain eskaera hori egiteko. Erantzuna argia izan da: “Ezin da terrorismoaren kalte-ordainik jaso terrorismo deliturik ez badago”. Enrique Conde kazetariak eman du albistearen berri, Diario de Noticias-en.
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Estrasburgoko Auzitegiak onartu egin ditu Altsasuko kasuan kondenatu zituzten zortzi gazteetatik biren defentsek aurkeztu zituzten errekurtsoetako batzuk eta aztertuko du ea epaiketa justu bat izateko eskubidea urratu zitzaien.
Asteartean onartu diete hirugarren gradua Altsasu auzian auziperatutako Jon Ander Cob eta Julen Goikoetxeari.
Duela lau urte “batzuek” erabaki zuten lehen lerro politiko eta mediatikora eramatea, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu zuen... [+]
Duela lau urte “batzuek” erabaki zuten lehen lerro politiko eta mediatikora eramatea Altsasu, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu... [+]
2019ko urriaren 17an, Ertzaintzak 21 gazte atxilotu zituen Altsasuko gazteen eta Kataluniako independentziaren aurkako sententziak salatzeko Ernaik deitutako mobilizazioetan. Atxilotuetako hamabost deklaratzera deitu dituzte orain.
Altsasuko gazteak, haien gurasoak eta Altsasukoak Aske herri plataformako kideak hedabideen aurrean agertu dira lau urteko ibilbidean gazteen auzian elkartasuna azaldu duten guztiei eskerrak emateko. Etapa bat ixteko garaia dela adierazi dute.
Giza Eskubideen Europako Auzitegian helegiteak aurkeztu dituzte auzipetuen abokatuek. Tramiterako onartzeko zain daude.
Auzipetuen egoera nabarmen aldatu delako, Altsasu Gurasoak taldeak eta Altsasukoak Aske herri plataformak ostiralero elkarretaratzeak egiteari utziko diote. Kontzentrazioei amaiera emateko ekitaldi berezia antolatu dute ostiralean.
Irteerak egiteko baimenik ez zuten Altsasu auziko bi gazte bakarrak ziren. Auzitegi Nazionaleko Espetxe Zaintza Epaitegiak hirugarren gradua ukatu die, baina 100.2 artikulua onartu.
Altsasuko auziak eragindako gertaerak izan zirela lau urte bete ziren ostegunean. Defentsek auzibidearekin aurrera jarraitzen dute. Bi auzipetuk preso segitzen dute, bostek 3. graduan eta bakarra dago aske.