Alternatiben Herria Iruñean: “Bai, kapitalismoak badu alternatibarik”
Datorren ekainaren 2an Alternatiben Herria ospatuko dute Iruñean kapitalismoak baduela alternatibarik erakutsi nahi duten Nafarroako pertsona eta kolektiboek. Ostegunean egin zuten Iruñeko Katakraken bilera orokorra eta baliatu zuten ekimenaren aurkezpen orokorra egiteko.
Neoliberalismoaren ikurtzat hartzen den Erresuma Batuko Margaret Tatcher lehen ministro ohia presente izan zen aurkezpenean. 80ko hamarkadan mandatari britainiarrak kapitalismoak ez zuela alternatibarik esan zuen eta Iruñerritik eta Nafarroatik gogorarazi nahi diote baietz, badela alternatibarik eta datozen hilabeteetan frogatuko dutela.
2013an Baionan egin zen lehenbiziz Alternatiben Herria eta 2015ean Bilbon. Hirugarrenenean Iruñean izango da udaberriaren amaieran. Hilabeteetan lanean ari direla diote eta “Thatcherri, baina bereziki gure buruei eta auzokideei erakutsi eta irakatsiko dizkiegu dauzkagun alternatibak: bizitza duin eta anitzaren alde lan egiten duten sindikatuekin, herri mugimenduekin, gobernuz kanpoko erakundeekin, ekonomia sozialeko kooperatibekin, espazio autogestionatuekin, edo aisialdia beste modu batera pentsatzen duten guneekin”.
Iruñeko Alde Zaharra izango da festagunearen ardatza eta, Bilbon bezala, jarduera sei auzo tematikoren bueltan antolatuko da: bizitza anitza eta duinak; auzoekonomia; arragoa, guztion hondarea; herriak eta lurra; burujabetza eta haurren errepublika. Ekimenean lan egin nahi duenak Alternatiben Herriaren webgunean topa dezake informazio gehiago eta haiekin harremanetan jartzeko modua.
.jpg)
Alternatiben Herrian esperientzia eta proiektu ezberdinak kaleratu ziren Iruñean larunbatean, Ahotsa.inforen erreportaje honetan ikusi daitekeen bezala. Antolatzaileen esanetan, larunbatean argi geratu zen alternatiba ugari direla eta posible dela beste mundu eraikitzea.
Baionan egin zen Alternatiben Herriaren lehen ekitaldia 2013an. Bilbon errepikatu zen esperientzia 2015ean eta ekainaren 2an Nafarroaren txanda da: IIruñeko Alde Zaharrean ospatuko da eguna. Hantxe izango da ARGIA eta antolatutakoaren jarripena egingo dugu.
Euskal Herriko Eskubide Sozialen Kartako ordezkaria da. Iruñean jaio zen eta 28 urte bete berri ditu Zufiak. Bilgune feministako kide da eta, hortik egin du jauzi Euskal Herriko Eskubide Sozialen Kartara eta Alternatiben Herrira. Azken honek, baietzari indarra emateko,... [+]
Klimaren hondamendia, hori da seguruenik gaur egungo krisi globalaren ondorio ikusgarriena. Donald Trumpen etorrerak brintzak sortu dituen arren, horren inguruko kontsentsua handia da: gure planetak sendabideak behar ditu. Euskal Herrian Baionan egin zen asmo horren aldeko lehen... [+]
Ekainaren 2an, Iruñean, Alternatiben Herria egingo dugu. Egunean zehar, Iruñeako alde zaharra herri txiki bat bihurtuko dugu, hausnarketaz, alternatiba praktikoz eta baikortasunez betez. Euskal Herrian zehar, nork bere herrian, auzoan, taldean… aurrera... [+]
Iruñeko Katakrak liburudendan, asanblada irekia deitu dute ostegunean 18:00etan ekainaren 2an egin nahi duten Alternatiben Herria antolatzen hasteko.
2018ko Ekainaren 2an Iruñean ospatuko da Alternatiben Herriaren edizio berri bat. Sistema kapitalistaren aurrean Euskal Herrian dauden alternatibak erakusteko eta bide berriak jorratzeko balio duen ekimena izanen da.