Alternatiba Itzulia blokeatu du poliziak Frantziatik Alemaniarako bidean
Ekainean Baionan hasi eta Pariserako bidea bizikletaz egiten dabil Alternatiba Itzulia, irailaren 26an iristeko. Abenduan ospatuko den COP21 klimaren gailurraren aurrean jendartea mobilizatu nahi dute martxarekin. Fessenheimgo (Frantzia) zentral nuklearrean egindako azalpenen ondoren oztopatu du poliziak itzulia.
Hainbat komunikabide eta kamaren aurrean energia nuklearraren aurka azaldu dira martxaren bozeramaileak, Alternatiba Itzuliak Fessenheimgo zentral nuklearraren aurrean egindako geldialdian: “Industria nuklearrean inbertitzen diren milaka milioiak ez dira energiaren kontserbaziora edota energia berriztagarrietara bideratzen.”
Ordu arte ez da inolako istilurik izan itzulian, baina Alemaniako mugatik kilometro bateko distantziara zegoela, Frantziako poliziak bidea oztopatu eta ziklistak identifikatu ditu. Ekainaren hasieran martxa hasi zenetik lehen kontrola izan da, eta antolatzaileek adierazi dutenez, poliziaren aurretik behin baino gehiagotan igaro dira identifikatzeko beharrik gabe. Fessenheimgo ekintzagatik fitxatu nahi izan dituztela salatu dute.
Alemaniako polizia ere inplikatuta
Identifikazioen ondoren, Frantziako poliziak Alternatiba Itzuliari bere bidea jarraitzen utzi dio, muga zeharkatuz. Gau horretan, ordea, Alemaniako etxalde batean afaltzen zeudela, beraien hitzetan “surrealista eta harrigarria” den esperientzia bizi izan dute: Alemaniako poliziaren zazpi ibilgailu etxalde barrura sartu, eta Frantziak Friburgoko fiskalari ziklistak identifikatzeko eskaera egin diola jakinarazi diete. Identifikatu ezean, martxa blokeatuko zutela adierazi diete.
Antolatzaileek salatu dute, COP21en urte berean, Frantziak beste herrialde bati klimaren aldeko mobilizazio baketsu eta eraikitzailea geldiarazteko eskatzea surrealista dela. Abokatuekin hitz egingo dutela adierazi dute, gertakariaren aurrean neurriren bat har dezaketen aztertzeko.
Oihartzun handia izaten ari da Alternatiba Itzulia sare sozialean: #AlternatibaItzulia edota #TourAlternatiba (Twitter)
Aldaketa klimatikoaren saihesteko bideak marrazteko eta justizia klimatikoaren alde lan egiteko gunea izan da Baiona Ttipia, asteburu guztian zehar. 15.000 herritar batu dira, hausnartzeko, alternatibak deskubritzeko zein garatzeko, eta nola ez, benetako aldaketak exijitzeko... [+]
Urriaren 5ean, ostiralarekin, Donostiatik igaroko da Alternatiba Tourra. Ekainaren 9an Parisen hasi eta 5.800 kilometro egin ondoren Baionan asteburuan amaituko den bizikleta itzuliak klimaren aldeko bizkortzea du helburu, eta horretarako ekonomia eraldatzailea ezinbesteko dela... [+]
Baionatik Bilbora: inor gutxik espero zezakeen Baionan 2013ko urriaren 6an ikusitakoa bi urte geroago Bilbon, 2015eko urriaren 24an errepika zitekeenik. Nik neuk ARGIAn hauxe idatzi nuen: “Ziur nago, Alternatiba eguna hemendik aurrera erreferentzia politiko nabarmena... [+]
60.000 pertsona baino gehiagok hartu dute parte Parisen Alternatiba Itzuliak larunbat eta igandean antolatutako ekitaldietan.
Urriaren 24an egingo dute Alternatiben Herria ekimena Bilbon. Finantzaketarako crowdfunding kanpaina jarri dute abian antolatzaileek: 21.050 euro lortzea dute helburu, baina lortu beharreko gutxieneko kantitatea 12.180 euroan jarri dute.
Asteartean Flandriago Gantetik pasa ondoren, asteazkenean Frantziako Estatuko Lille hirira iritsi behar du ekainaren 5ean Baiona eta Donostian abiatu zen Alternatiba Itzuliak. Normandian barrena gero Bretainiarantz jarraituko du kostaz kosta Bordeleraino jaitsita Paris alderako... [+]
Larunbatean, ekainak 13, Tolosatik pasa ostean, Mediterraneora bidean doa Baiona eta Donostian 5ean abiatutako Alternatiba Itzulia. Astelehenean Carcasona (Carcassona okzitanieraz) hiri historiko famatuan ibiliko da, asteartean ukituko du itsasoa Narbonan eta heldu den... [+]
Urriaren 24an Alternatiben Herria egingo dute Bilbon. Euskal Herriko Eskubide Sozialen kartak planteatutako erronka da Alternatiben Herria.
Ostiralean aldi berean Donostiatik eta Baionatik abiaturik, Bizi! eta Attac elkarteek antolatutako Alternatiba Itzulia Paue ondoko Leskarre herrira iritsi zen astelehenean eta asteazkenean, ekainak 10, Banhèras de Bigòrran edukiko du helmuga. 5.000 kilometroz goiti... [+]
Donostiatik igaroko da Europan Klimaren krisia gainditzeko borroken ikur bilakatu den Bizi! mugimenduak antolatutako Alternatiba itzulia. Ekainaren 5ean. Aukera baliatuta, alternatiba sozio-ekonomikoak bilduko dituen ekimena antolatu dute, festa giroan, bestelako bideak badirela... [+]
Maiatzaren 20an, asteazkena, Bizi! mugimenduak bere kideak bilduko ditu, ekainaren 5ean Baionatik abiatu eta irailaren 26an Parisen bukatuko den Alternatiba Itzuliaren azken albiste eta xehetasunak eskainiz mobilizazio handirako bihotzak berotzeko.
Bizi! mugimenduak 2013ko urriaren 6an Baionan arrakastaz antolatutako Alternatiba (“Alternatiben herrixka”) dagoenekoz Hexagono osora hedatu da. “B” hizki eta guzti, inkluso batzuetan euskal kutsuko tipografia atxikiz, “Alternatiba” izeneko... [+]