Alokairuen prezioak bost urtez izoztuko ditu Berlingo hiri-estatuak
Hiriburu alemaniarra pairatzen ari den turistifikazio eta gentrifikazio azkarra balaztatu nahi izan nahi du Alemaniako Alderdi Sozialdemokratak, Berdeen eta Die Linke-ren (Ezkerra) laguntzaz. Neurri honekin bost urtez izoztuko dira alokairuen prezioak, eta legeak ere alokairuei gehienezko prezioa jarriko die, nahiz eta gehienezko prezio hori zenbatekoa den oraindik ez duten zehaztu.
Alokairuak datozen bost urtetan ezingo direla igo adierazi zuen Katrin Lompscher Hiri-garapenerako Berlingo Ministro sozialdemokratak. Neurri honekin, Berlingo hirietan protestan ibili den jendearen eskakizunak asetzea dute helburu hiru alderdiek. Izan ere, hirien eraldaketa partikular honek alokairua eta beste oinarrizko ondasunen prezioek etengabe gora egitea eragiten du.
Lege proiektuak urriaren 17rako prest egon beharko du, Berlingo hiri-estatuaren parlamentuak onartu dezan. Nahiz eta legea 2020aren hasieran indarrean sartu, parlamentuan onartua izango den egunerainoko atzeraeragina izango du. Hau da, onartzen den momentutik aurrera jaberen batek alokairuaren prezioa igoz gero, zigortua izango da, eta 500.000 eurorainoko isuna jaso lezake.
Kontu arantzatsua
Milioi eta erdi etxebizitzari eragingo dien neurri honek oposizioaren erabateko aurkakotasuna izan du, Berlingo hiri-estatuaren polarizazioa islatuz. Gauzak, baina, ez dituzte horren garbi Alemaniako Gobernuan koalizioan dauden aldeek. Alemaniako Alderdi Sozialdemokrataren behin-behineko buruzagiak, Thorsten Schäfer-Gümbelek, akordioa onetsi du, eta Alemaniako Gobernu federala herrialde osoan alokairuen prezioak mugatzeko neurriak aurrera ateratzeko prest dagoela adierazi du. Bestalde, Horst Seehofer Barne-ministroak (Bavariako Kristau Batasun Soziala alderdikoa) kritikatu du Berlingo gobernuak onartuko duen neurri hau.
Jabeak desjabetuen aurka
Funts-ondasunen Batzorde Zentralak gogor egin du lege-proiektuaren aurka, “hiriburua harresitzen” ari dela esanaz. Egoera politikoa inbertsioa ezegonkortzen ari dela gehitu du Batzordeak, eta hori Berlinen oinarria dela argudiatuz, oso kaltegarria izango dela adierazi du.
Haus & Grund jabeen elkarteak etxebizitzen jabeei alokairuen prezioak ahalik eta lasterren igotzeko gomendatu die, lege-proiektua onartu aurretik. Berlin eta Brandenburgoko Etxebizitzen inguruko Enpresen Elkarteak ere neurria gogor kritikatu du, inbertsioari muga jarri zaiola esanaz.
Joera geldiezina
Erdialdeko Europako hiriburu eta hiri nagusi gehienetan gertatzen ari den prozesuak dira turistifikazioa eta gentrifikazioa. Kapitalaren berregituraketa honek hiri nagusi hauen erdialdeak eskari hori asetzera bideratzen ditu; hala, etxebizitza gehienak esku gutxitan geratzen dira, eta turistentzat alokatzen ez badituzte, prezioak izugarri igotzen dituzte, familia komun batek ordaindu ezin duena.
Hortaz, periferia eta hiri degradatuetara indarrez desplazatuak dira gutxien duten familiak. Etxegabetzeen zifra da prozesu hau argi eta garbi islatzen duen adierazleetako bat; aurtengo maiatzean Andrej Holm soziologoak ARGIArekin izan zuen elkarrizketan azaldu zuenez, Berlinen urtean 7.000 eta 8.000 inguru etxegabetze izaten dituzte.
Gobernuak aberriratu ondoren, ia urtebetez bizi behar izan dute aterpetxeetan eta ostatu pribatuetan, eta etengabe lekualdatu dituzte. Gaur egun erabiltzen duten aterpetxea urriaren 31n utzi beharko zutela esan zieten azkenekoz, nahiz eta badirudien beste luzapen bat ezarriko... [+]
Gazteei PFEZa murriztea edota zenbait kasutan deuseztatzea proposatu du Portugalgo Gobernuak, baina momentuz hizpidea baino ez du ipini, ez baitago argi aurrekontuak onartu ahalko dituen, gobernua osatzen duten alderdiek ez baitute-eta gehiengo parlamentariorik. Espainiako... [+]
Euskal Herriko Etxebizitza Sindikatu Sozialistak salatu du etxebizitzaren negozioak eragiten duela etxebizitzaren arazoa. Higiezin-eskasia baino, etxebizitza lortzeko problema dagoela baieztatu du. “Negozioa egiteko erabiltzen dira etxebizitzak, eta ez behar sozialei... [+]
Etxea uzteko agindua zuen gaurko emakume batek Artikaberrin eta momentuz bertan behera gelditzen dela jakinarazi du Iruñerriko Etxebizitza Sindikatu Sozialistak. "Emakumearen abokatuak atzo jaso zuen deia epaitegitik eta ebazpenaren berri eman zioten", azaldu du... [+]
Alfaro kontseilariak “aurreko hamarkadetako politika espekulatiboak” kritikatu ditu eta kolaborazio publiko-pribatuaren aldeko apustua egin du Foru Legebiltzarrean. Helburu gisa jarri du Europa erdialde eta iparraldeko datuetara heltzea. Etxebizitzaren esparruan lan... [+]
Egun alokairuak hipotekak baino 60 euro garestiagoak dira, eta gazte askok euren diru sarreren %40 baino gehiago bideratzen dute errenta ordaintzeko, Jaurlaritzaren azken txostenaren arabera. Honen aurrean, etxebizitza-premia duten gazteen gehiengoek Gobernuak babesturiko... [+]
Geroz eta zailagoa da Errenterian etxebizitza eskuratzea. Etxe gutxi daude, eta garesti, gainera. Horregatik abiatu zuen Udalak gune tentsionatu izateko prozesua, eskaera Eusko Jaurlaritzari luzatuta. Asteazkenean egingo dute ofizial izendapena. Horrek aukera emango du... [+]
Poliziak hiru pertsona etxegabetu ditu asteartean Alde Zaharrean, eta protesta egiten ari zirenen kontra jo du.
Espainiako Estatuan, soilik Bartzelonan da garestiagoa logela bat alokatzea. Kataluniako hiriburuan hilean 623,14 euro ordaindu behar dira jende gehiago bizi den etxebizitzako logela bat alokatzeko. Eta kopurua gora egiten ari da, Pisocompartido.com atariaren datuetatik abiatuta... [+]
Aurreko urtearekin alderatuta %80 igo da etxegabeei arreta emateko aurrekontua.
Zaurgarritasun ekonomikoaren baldintzak betetzen dituzten arren, Santander bankuak ordainketak epe batez etetea ukatu die bi familiei.
EH Bildu, PSN, Geroa Bai eta Zurekin taldeek lege egitasmoa adostu dute, Iruñeko Alde Zaharrean etxe turistikoei lizentzia gehiago ez emateko. Akordioak “izaera prebentiboa” duen “hirigintza-aldaketa” du ardatz, hiru helbururen bueltan oinarrituta:... [+]
Etxebizitzen %20 baino gehiago jadanik bigarren etxebizitzak dira Ipar Euskal Herrian. Larrialdi klimatikoaz sentsibilizatzeko lau hilabetez, Nantesetik abiatu Alternatiba txirrindula itzulia, kostaldean zen aste buruan.
Ofizialki 9.000 etxe daude alokairuan, eta 300 jabe handirenak dira horietatik 3.000. Etxebizitzen parke osoaren %3,2 da hori.
Bruselan legez kanpokoa da etxebizitza hutsak izatea, eta hainbat komunek (Belgikako hiriburua banatzeko barruti modukoak) lege-tresna bat jarri dute martxan etxebizitzen kontrola hartu eta merkatura ateratzeko, arrazoizko prezioetan.