Alokairuen prezioa mugatzeko araua azaroaren 25ean jarriko da indarrean Ipar Euskal Herrian
Tentsiopean dagoen eremuko 24 udalerritan mugatuko dituzte alokairuen prezioak, Angelun, Baionan, Donibane Lohizunen, Hendaian, Miarritzen, Uztaritzen eta Ziburun, besteak beste.
Julien Charles Pirinio Atlantikoetako prefetak eta Jean René Etchegaray Euskal Elkargoko lehendakariak Baionan eskainitako prentsaurrekoan adierazi dutenez, hasiera batean araua bi urtez izango da indarrean, proba moduan. Etxebizitzaren arazoari aurre egitea du xede, eta hura eskuetan, metro koadroko batez besteko alokairua kalkulatuko da etxebizitza mota ezberdinak kontuan hartuta, Tidjan Peron eta Maite Ubiria kazetariek Kazeta.eus-en azaldu duten moduan. Baiona Handiko T2 motako 45 metro koadroko apartamentu baten kasua jarri dute adibide moduan: merkatuan 850 eurora hel daiteke, eta gehienezko prezioa 603 euroan finkatuko da.
Gehienezko prezioa hainbat irizpideren arabera finkatuko da (eremu geografikoa, gela kopurua, eraiki zen urtea, etxebizitzak altzariak dituen edo hutsik dagoen...). Halaber, alokairu-kontratu berrien kasuan soilik aplikatuko da; ez du eraginik izango indarrean dauden kontratuengan, ezta etxebizitza sozial alokatu batean bizi direnengan ere.
"Mobilizazio sozialaren emaitza da"
Jean René Etchegaray Elkargoko lehendakariaren hitzetan, arauaren helburua da "gehiegizko alokairuen eta prezioen gehiegizko igoeraren aurka egitea, herritarren erosteko ahalmena babesteko". Bestalde, EH Bai koalizioak adierazi du "etxebizitza eskubidea bermatzeko urrats garrantzitsua" dela. "Mobilizazio sozialaren, lurraldean eraikitzen diren adostasunen eta borroka kolektiboaren emaitza da", gaineratu du. Etxebizitza eskubidearen defentsan diharduen Alda elkarte abertzaleak ere gizarte zibilaren papera nabarmendu du, eta gaineratu arauaren eraginkortasuna frogatzeko ezinbestekoa izango dela "kontrol neurriak" ezartzea. Pirinio Atlantikoetako prefetak gogorarazi du arau berria betetzen ez duen etxe-jabeak 5.000 euro arteko isuna jaso lezakeela.
Etxebizitza eskuratzeko orduan pertsona arrazializatuek eta migratzaileek jasaten duten bazterketa sistematikoa salatu dute Gasteizen, agerraldi baten bidez. Apirilaren 5ean Donostiara bertaratzera deitu dute, etxebizitza-eskubide unibertsalaren alde.
Aljeriatik datoz Mohamed eta Said [izenak asmatuak dira], herri beretik. “Txiki-txikitatik ezagutzen dugu elkar, eskolatik”. Ibilbide ezberdinak egin arren, egun, elkarrekin bizi dira Donostian, kale egoeran. Manteoko etxoletan bizi ziren, joan den astean Poliziak... [+]
Espainiako hedabideetan aurkitu dugu albistea, salaketa egin dutela Fotocasa eta Idealista etxebizitza-atarien kontra, prezioak manipulatzen dituztelakoan. Salaketan ez dugu manipulazioaren deskribapen zehatzik aurkitu, baina Ameriketako Estatu Batuetan agertu den salaketa... [+]
Ez da gauza berria politikari profesionalak gizarteko arazoak estaltzeko ahaleginetan ibiltzea. Azkenaldian Denis Itxaso -EAEko Etxebizitza sailburua- entzun dugu etxegabetzeei garrantzia kenduz eta aditzera emanez gurean bazterreko fenomenoa direla; eta Begoña Alfaro... [+]
Azpeitiko Udalak etxebizitza hutsei ezarritako kanona abian jarri berritan –eta Euskadi osora zabal daitekeela jakinda–, etxebizitza horien jabeen eta eskuineko alderdien kexak irakurtzen eta entzuten hasiko gara. Jabetzarako Eskubidearen inguruko mantra horiek... [+]
Azora putre funts alokairua igo eta mantentze lanak alde batera utzi ditu, Isaac Lagos eta bere familia etxebizitza uztera behartuz. Kaleratzearen aldeko epai bat jaso berri du maizterrak.
Plataformak "atzerapausotzat" hartu du Eusko Jaurlaritzako Etxebizitza eta Hiri agendako sailburu Denis Itxasok berriki iragarri izana lurzoru urbanizagarrietako etxe babestuen proportzioa %75etik %60ra jaistea. Pradales agintera iritsi zenetik alokairu soziala eskatzen... [+]
Etxera itzuli ahal izan diren arren, joan den azaroan kaleratu zuten Astrabuduko familia berriz ere arriskuan dago. Uribe Kostako Etxebizitza Sindikatuak salatu du mailegu-enpresa berriz ere saiatzen ari dela kanporatzea gauzatzen, oraingoan, desokupazio-enpresa bat... [+]
Etxebizitza berrien promozioak ez atzeratzea da Eusko Jaurlaritzako Gobernu Kontseiluak onartu duen dekretuaren helburu nagusietako bat. Zentzu horretan, udalei "autonomia" gehiago emango diela ziurtatu du Denis Itxaso sailburuak.
Azken boladan gero eta gehiago entzuten dugu gazte askok etxebizitza erosteko ahalmenik ez dugula. Batzuetan, badirudi ez dagoela beste gairik; egia da gai serioa dela. Niri neuri ere, 31 gertu izan arren, oraindik pixka bat falta zait neurea izango den etxebizitza lortzeko... [+]
Azken egunak garrantzi handikoak izan dira Bartzelonan, etxebizitzaren aldeko mugimenduarentzat eta espekulatzaileen aurkako borrokarentzat. Urtarrilaren 28an, polizia-armada batek Raval auzoko Massana Zaharrari [zentro sozial okupatua] eraso egin zion goizaldean, aurrez abisatu... [+]
Lau urte eta erdira arteko kartzela-zigorrak eta 25.000 eurorainoko isunak eskatzen dituzte auzipetuentzat. Duela lau urte, etxe-kaleratze bat gelditzen saiatu ziren Herrandarren kalean.
70 urteko emakume bat eta bere biloba bota zituzten euren etxetik, baina hura bereganatu dute berriz. Etxea defendatzeko konpromisoa azaldu du Uribe Kostako Etxebizitza Sindikatu Sozialistak.
Genero-indarkeriaren biktima den emakume bat eta haren bost seme-alabak, horietatik hiru hemezortzi urte beherakoak, etxetik bota nahi izan dituzte ostegunean. Erabakia aurrera eramateko baldintzarik ez zegoela argudiatuta ez dute kaleratzea burutu, baina beste data bat... [+]
Etxebizitza Sindikatu Sozialistak azaldu duenez, gizarte-zerbitzuek ez dute bestelako aukerarik eskaini, kaltetuak eskaera bat baino gehiago egin badu ere. “Legearen, erasotzailearen eta erakundeen aurrean” emakume horrek pairatzen duen erabateko babesgabetasuna... [+]