Alokairuen greba prestatzen ari dira apirilerako, Espainiako Gobernuak neurriak hartu ezean
"Zuk ere ezin duzu alokairua ordaindu? Exijitu gobernuari konfinamenduak iraun bitartean alokairuak bertan behera utz ditzala. Batu zaitez". Mezu hori irakur daiteke suspensioalquileres.org webgunean sartu eta lehen begi kolpean. "Krisi honek diru sarrerarik gabe utzi gaituen maizterrak milaka gara. Ezin dugu bizi garen etxebizitzaren edo lan egiten dugun bulego edo komertzioaren alokairua ordaindu. Bi aukera: gobernuak bertan behera uzten ditu alokairuak edo ez ditugu ordainduko", diote zuzen. Espainiako Estatuko 200 eragilek bat egin dute dagoeneko, LAB sindikatuak edo Donostiako Maizterren Sindikatuak tartean.
"Etxebizitzaren ordainketara gure diru-sarreren ehuneko handiena bideratzen duen Europako estatuetako bat gara. Horrek aurretik ere familia asko itotzen zituen ekonomikoki. Covid-19 epidemiak iraun bitartean ez bada eteten alokairuen ordainketa, etxeko ekonomia eta enpresa txiki asko kolapsotik gertu geratuko dira, eta alokairua ez ordaintzera behartuta ikusiko dute beren burua. Muturreko egoera horretan dauden pertsonen kasuak iristen ari zaizkigu dagoeneko", diote kanpainaren antolatzaileek.
Gobernuari jakinarazi diote ez baditu neurriak hartzen, beraiek izango direla neurriok praktikan jarriko dituztenak. "Guk argi dugu, krisi hau ez dugu herritarrok ordainduko, 2008an ez bezala. Izan ere, luzaroan ari gara frogatzen ez dugula onartuko inor bere etxetik botatzea, soilik espekulatzaileen pribilegioak bermatzen direnean. Diru sarrerak galtzen baditugu, zorpetu edo oinarrizko beharrak bete gabe utzi baino, alokairua ordaintzeari utziko diogu. Erantzun bateratu eta koordinatua antolatzen ari gara".
"Krisi hau ez dugu herritarrok ordainduko, 2008an ez bezala"
Antolakuntzan indar berezia jartzen ari dira, eta alokairua ordaintzeko arazoak dituzten herritarrei formulario bat betetzeko eskatzen ari dira. Maizterrek beren etxejabeei edo lokalen jabeei entregatzeko dokumentuak ere prestatu dituzte hainbat hizkuntzatan, euskaraz barne. Orri horietan jartzen du Covid-19 krisiagatik diru sarrerak nabarmen gutxitu zaizkiola maizterrari, eta hilabeteko errenta bertan behera uzteko eskatzen diola jabeari, aldi berean jakinaraziz, ez duela apirileko errenta ordainduko. Behin dokumentuak eskuratutakoan, change.org sinadura bilketan babesa adierazteko eskatzen dute. Astelehen gauean 34.000 lagunek dagoeneko egina dute bat kanpainarekin.
Kanpainan parte hartu ala ez, zalantzan dauden jendeentzat ere hainbat galdera-erantzun bilduz atal bat prestatu dute.
Jarraian Donostiako Maizterren Sindikatuak atera duen komunikatua.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.