Alkoholemia proba egiteko “bat ere arazorik” ez zukeela esan du Maider Belokik
Autoarekin bi adineko harrapatu zituen Iruñeko Udaleko kultura zinegotziak iragan ostegunean, San Silvestre lasterketako sariak banatu ostean. Udaltzainek ez zioten probarik egin; azalpenak eskatu dituzte UPNk, PPk eta PSNk.
"Ez nuke bat ere arazorik izanen alkoholemia proba egiteko". Irmo mintzatu da Maider Beloki kultura zinegotzia, ezbeharraren berri emateko deituriko prentsaurrekoan. Hautsak harrotu baitira. Izan ere, alderdi erregionalistek EH Bilduren kontra jo dute istripua medio. Belokik, baina, Udaltzaingoko kideek probarik eskatu ez ziotela azpimarratu du, bai eta berak egin behar zuenik ez zekienik ere. Berez, Udaltzaingoaren protokoloan jasota dago auto istripu bat duen edozeini egin behar diotela azterketa etilikoa.
San Silvestre lasterketaren osteko uneak ziren. Hilaren 31, ostegunarekin. Kultur zinegotzi jardunean aritu zen Beloki sari banaketan, eta gero gertatu zen harrapaketa. Aparkalekutik ateratzeko atzera-martxa sartu, eta orduantxe egin zuen talka adineko bikote batekin. Emakume bati fisura eragin zion gerrian eta ospitaleratuta dago orain; beste lagunak belaunean hartu zuen mina.
Erregionalistak, mesfidati
Iruñeko Udaleko Herritarren Segurtasun sailerako zuzendari Xabier Ibañezek ziurtatu du aztertu eginen dutela zer dela eta ez zuten jokatu udaltzainek protokoloak agindu bezala. Txosten bat gauzatzeko eskatu du. Dena dela, zehaztapena egin du:"Agenteek badute eskumena proba egin ala ez egin erabakitzeko, ikusten dituzten zantzuetan oinarrituta". Belokiren kasuan, alkoholaren efektu pean egon zitekeen "inongo seinalerik" ez zuten ikusi, Ibañezen irudiko, eta horregatik ez zuten egin.
Jakinarazi dutenez, San Silvestre lasterketan zaintza lanak egiten ari ziren agenteetako zenbait izan ziren bertaratu zirenak. Diotenez, zauritutakoak artatzea "lehenetsi" zuten, proba egin beharrean; gainera, iturri ofizialen arabera, joan zen aurreneko udaltzainak ez zeraman etilometrorik une horretan soinean.
UPN, PPN eta PSN kexu dira. Belokiren prentsaurrekoak "zalantza guztiak" ez dituela argitu salatu dute, agerraldi baten bidez. Gogorarazi dute, hari berari eutsiz, Elkarbizitza eta Segurtasun saila Aritz Romeoren (EH Bildu) esku dagoela, "mesede tratua" egon litekeela iradoki bitartean.
Lan istripuz 33 pertsona hil dira Euskal Herrian aurten. Azkenekoa, Iruñeko sanferminetan garbiketan lanean ari zen Iosu izeneko langilea. Kamioiaren gainetik erori zen eta hartutako golpe larriaren ondorioz hil da. LABek FCC (Iruñerriko Mankomunitateko... [+]
Iruñeko alkateak balorazio positiboa egin badu ere, nabarmendu du 24 eraso erregistratu eta 23 pertsona atxilotu dituztela. Baionan ere, bestetan hamaika eraso salatu dituzte.
Iruñerrian ondo ezagutzen dute, baina ni neu txundituta geratu nintzen Ana Laura Duarteren janari-instalazioak ikusi nituenean, lehenik Iruñeko Ziudadelan eta handik astebetera Uharteko parke batean, ekainaren erdialdean. Instalazio efimeroak izan ziren biak ala... [+]
German Rodriguez eta Joseba Barandiaran omendu, eta langile mugimenduaren alde egindako lana txalotu dute Iruñean. Palestinari ere elkartasuna adierazi diote, sanferminetan urteroko zitan Iruñean.
Iruñerriko mugimendu feministak elkarretaratzea egin du uztailaren 7an, bezperan izandako lau eraso salatzeko. Berriozarren eta Tuteran bi gizon atxilotu dituzte sexu abusuengatik.
Iruñean, Sanferminetarako, udal estrategia bat sortu da eraso sexisten aurkako protokolo saretua aurrera eramateko. Protokoloak, sentsibilizazio eta prebentzio neurrietan, eta ekintza plan batean oinarrituta dago, zeina, interbentzioa, laguntza eta erantzun protokoloa... [+]
2022ko uztailaren 14an jazotakoaren harira Peñako bazkide guztien datuak exijitu dizkio Sanduzelaiko zuzendaritzari, gertakarietan parte hartu zuen peñakidea dagoeneko identifikatuta zuten arren. Milioi euroko isuna jartzeko mehatxua jaso zuten Sanduzelai... [+]
Aurten ere, uztailaren 8an, astelehenean gogoratuko dute German Rodrigez haren omenezko oroitarriaren alboan. 13:00etan izanen da: aurreskua lehenbizi, Mikel Lasarteren bertsoak gero eta La Furia eta Fermin Balentziaren emanaldiak bukatzeko. Iluntzean, Peñak, isilik eta... [+]
Zezenketarik gabeko besten inguruan mintzatu dira zenbait eragile, Zaunk! Iruñerria antiespezista eragileak Iruñeko Laban antolaturiko 'Zezenketen bidegurutzeak' solasaldian. Alternatibak indartzearen garrantziaz, peñen erantzukizunaz eta legeak... [+]
Nagore Laffage Casasolaren heriotza salatu dute Iruñean astelehenean. 2008ko Sanferminetan Jose Diego Yllanesek hil zuen, Laffagek 20 urte besterik ez zituela.
Ingurumena, bioaniztasuna, uraren gestioa eta haurren beharrak oinarri hartuta, ikastetxeetako patioak aldatzeko proiektu kolektiboa jarri dute martxan Pirinio Atlantikoetan; Euskal Herriko lau herrik hartuko dute parte. Iruñean ere, itzal eta landare gehiago izango... [+]
Naiz.eus-ek aurreratutakoaren arabera, 2004ko martxoan Espainiako polizia batek eta bere semeak erail zuten Angel Berrueta eta bere alargun zein seme alabek, Nafarroako Gobernuaren aitortza ofiziala jasoko dute, indar polizialen indarkeriaren biktima moduan.
Uztailaren 13rako antolatu du manifestazio bat Palestinarekin Elkartasunak. 18:30ean aterako da San Frantzisko Plazatik.
Kale Nagusiko 54. zenbakian dagoen XVIII. mendeko eraikina eskuratu dute, egun Katakraken liburu-denda dagoen ondoan. “Eraikin honetan ez da egongo hostelik, ez luxuzko hotelik, ezta inguruko auzokideek ordaindu ezingo luketen etxebizitzarik ere, hemen hiri-lurra eraikiko... [+]